كاوتش النيو صني عاشق للزلط !!

**elmoski** · 13-02-2013 08:12 PM

بجد مشفتش كاوتش سئ زي كاوتش الصني الجديدة ( ناشف و صوته عالي ) الي جانب ان الشقوق واسعة جدا وبجد بتلم زلط بطريقة مستفزة ... لدرجة اني لما باجي ادخل علي طريق فيه زلط شوية بقوم قافل ال dvd و بعيش علي صوت السكسكة بتاع الظلط هو فعلا مسلي سك سك سك سك ..

انا للاسف مضطر اتعايش معاه سنتين كدة و بعدين اغيره.....

حاجة تانية بقي هحكيهلكم بالصدفه كدة حصلت معايا امبارح , ونا ماشي علي الطريق دخلت في حتة كدة كانت الارض مش متسفلته كويس و بدأت اسمع صوت كدة جاي من الطارة زي بلاستيك بيخبط في بعضه قمت قايل ابااااااا بدأنا مشوار الاصوات , المهم قفلت الازاز عشان اركز المهم قعت وقت يامة فاكر ان الصوت من الدريكسيون وقعت الف و ارجع لنفس المكان الللي مش متسفلت ده علي اساس اني عاوز اكتشف الصوت جاي منين ,,,,,,, ياتري منيييييين

و كانت المفجأة ان الصوت طالع من زجاج العدادات الشفاف لما مسكته بأيدي الصوت راح وهنا بقي قلت دي بركات التقفيل المصري ( نفس الشئ حصل معايا في الاسبرانزا تخيلو )

المهم لو حد سمع الصوت ده ميقلقش ... اتمني مكنش طولت عليكم يا رجالة

**تامر.محمد** · 13-02-2013 08:26 PM

بالنسبة للكاوتش فلو هانكوك فدي عادته من زمان

**miceg** · 13-02-2013 09:36 PM

ربنا يكرمك وتغيره بحاجه زي الكونتتنتال او البريدجيستون er300 او gr90
وياسلام لو عرضت الكاوتش هتحس بثبات كويس جداااا
تحياتي

**ehab_hamed** · 14-02-2013 12:02 AM

بصراحه عندك حق فى موضوع الكاوتش والظلط ده. انا بيضايقنى اوى صوت الظلط ده لدرجه انى حطيت مفك صغير فى التابلوه وكل لما اسمع صوت الظلط اقعد اشيله بالمفك. ربنل يسهل واغير الكاوتش بعد فتره كده.
انما بالنسبه للصوت الصادر من بلاستيك العدادات فممكن تقولهم عليه فى التوكيل لان ده مش طبيعى

**HaNo_ELBeh** · 14-02-2013 10:17 AM

ياباشا انا كمان زى حضرتك مش عجبنى اوى الكاوتش بس بردة هو مش سيئ للدرجة وهو الواحد ماشى وعايش معاه الحمد لله

**ahmed452003** · 14-02-2013 10:35 AM

فعلا الكاوتش سيء وغيرته لبريدجستون 195/60r15 my01
انا معنديش صوت طالع من زجاج لعدادات بس عندي صوت طالع من جوانب الكاسيت مكان التبييت بتاعه وانا ماشي كأن فيه حاجه بتتكتك بس على خفيف لما بمسك بروازه الصوت بيروح ... التقفيل تعبان وبيظهر في كل عربيه بشكل مختلف وده دليل على سوء التقفيل !