سوال عن عفشه الوجان

**mnnabel** · 14-02-2013 06:48 AM

السلام عليكم و رحمه الله و بركاته رجالة اللوجان.
انتوا ديما تقولوه ان عفشه الوجان ناعمة يعني ايه و هل العفشه دي تستحمل الهبد بسبب الحفر الي في الشواراع؟
شكرا

**Sh_sunsea** · 14-02-2013 09:22 AM

المشاركة الأصلية كتبت بواسطة mnnabel

السلام عليكم و رحمه الله و بركاته رجالة اللوجان.
انتوا ديما تقولوه ان عفشه الوجان ناعمة يعني ايه و هل العفشه دي تستحمل الهبد بسبب الحفر الي في الشواراع؟
شكرا

عفشة اللوجان ميزتها انها لما بتاكل مطبات او الفواصل المعندنية الي طريقنا مليان بيها والحفر والنقر وال Cat Eys - ما تشعرش بالعربية بتتهبد او انك بتتبهدل جوه العربية - لما بدأت أسوق اللوجان فهمت اشمعنى كنت انا الي حافظ بالضبط اسهل مكان في كل مطب علشان أروحله - طلعت القصة مع اللوجان اسهل من كده بكتير - معلش انا بحكي علشان فاهم من سؤالك انك عايز ايه الفارق باحساسك بالعفشة

عيبها بس ان مع الطريق الي طالع نازل زي بداية المحور كده من اكتوبر لنفق فودافون بتبقى العربية عمالة طالعة نازلة كده بشكل تعبني اول كام يوم سوقتها

**mahraan** · 14-02-2013 10:20 AM

عفشه اللوجان من افضل مميزاتها لانها بتستحمل الهبد والرزع .. انا بعاملها معامله الجيب ومش بتقول لا

**gebreel** · 14-02-2013 11:44 AM

عفشة اللوجان بتستحمل ما شاء الله اللي مفيش عربية ثانية في نفس الفئة تستحمله خصوصا ان انا سكتي الطريق فيها منيل بستين نيلة و هو طريق سريع و مش هينفع اهدي عند الحتت العالية و الواطية في الطريق علشان اللي ورايا ميلبسش فيا و ما شاء الله لا قوة الا بالله زي الفل معايا مع الصيانات الدورية

**mnnabel** · 14-02-2013 07:45 PM

شكرا جدا

**adel_edrees** · 15-02-2013 03:45 PM

عموما مش حتحس بالكلام بتاع الأستاذ جبريل و الأساتذة اللى علقوا على الكلام ده ألا بعد ما تركب و تحس بفرق النعومة و الطراوة اللى فى العفشة دى لكن العفشة لما تكون طرية لها أسبابها و لها عيوبها يعنى مثلا نتيجة لعدم وجود عمود الأتزان نتج عنه أن العربية مش ثابتة أوى فى الملفات القاسية و على فكرة ضغط الكاوتش بيفرق اوى مع اللوجان