هتاخد من الوكيل مبايعة
هتروح مرور بين السرايات (بغض النظر انت تبع مرور ايه) و تاخد معاك المبايعة ..... تطلع شهادة بيانات موجهة لمرورك و تختم المبايعة بختم نسر الوحدة ..... التكاليف حوالي 10 جنيه
هتروح مرورك ......
هتشتري اوراق ترخيص 3 سنين من الشباك ب 45 جنيه + دوسيه ب 10 جنيه
هتشتري طفاية ب 120 جنيه .... و هتخليه يختم لك على ورقة صلاحيتها (مع الاوراق الاولانية)
هتشتري مثلث و شنطة اسعاف ..... 73 جنيه
هتشتري تامين اجباري 3 سنين ..... ب 220 جنيه
هتفحص فني و تخليه يبصم الشاسيه و الموتور ..... ببلاش بس ممكن ترش 10 و لا 15
هتملا كل الاوراق و تصور بطاقتك و تطلع على الشباك ...... هيقدر الرسوم و يديك ورقة تدفع بيها في الخزنة ..... 750 جنيه تقريبا
هتدفع في الخزنة ..... و ترجع للراجل تديله الوصل ..... و تروح تستنى الرخصة عند مكان استلام الرخص ...... و بعدها تروح على شباك اللوح تاخد اللوح ...... و بعدها تركبهم (رش 10 عالاقل عشان ما يتغاباش في تركيبهم) .....
و الف مبروك و نشوفك تاني على خير في المرور كمان 3 سنين ....... :)
المفضلات