صوت في اللوجان عند التحرك من الثبات

**Sh_sunsea** · 18-02-2013 02:02 PM

كل يوم الصبح ولمدة نص ساعة مثلا - اسمع صوت لما آبقى واقف وادوس بنزين علشان العربية تتحرك - ما يطلعش الصوت غير في الحالة دي ولمدة ثانية مثلا - مش عارف الصوت بيخف بعد نص ساعة ولا انا الي بتعود عليه ولا الطريق بيبدأ يزحم - بس متكرر يوميا

الصوت بحس بيه من على يميني - صوت تحس انه تزييقة مسمار او حاجة - مش فاهم - وحاسس انه بيعلى وبعد ما كان خاطف بقى بيستمر ثانية مثلا

جربت أحرك الكرسي أشيل كل حاجة في درج التابلوه مافيش فايدة

الموضوع بسيط بس مستفز - واحساسي انه بيزيد مجنني

أرجو استخدام مخيلتكم في السبب

**mostafabakry** · 18-02-2013 03:18 PM

ظهر عندي حاجة زي كدا خلال الايام دي و كانت بنظهر اول ما بدور العربية الصبح و تكون العربية لسه باردة و طبعا الجو اصلا بارد
سمعت صوت زنه كده و افتكرته جاي من الموتور و بيظهر اول ما ببدور العربية و الموتور بيكون عالي للتسخين او اما ادوس بنزين و الار بي ام يرفع عند 1000-2000 لفة و يظهر بسرعة و يختفي و فضلت معاه لحد ما خليته مستمر و رميت ودني معاه لغاية ما اكتشفت انه صوت هزة من فيبرة قطمة الدركسيون اللي تحت طارة الدركسيون تقريبا مفكوكة شوية و بتتهز مع اهتزاز الموتور و هو لسه بارد
و كبرت دماغي

مش عارف ان كان دا نفس الصوت اللي عندك و لا دا صوت تاني

كبر دماغك في العربية اللي كلها اصوات دي ههههههههههههههههه

**mado83** · 18-02-2013 03:56 PM

لا ماتكبرش دماغك ممكن تروح لعفشجى يبصلك عليها من تحت ويربطلك لانها ممكن تكون قاعده فتيس

**Sh_sunsea** · 18-02-2013 07:23 PM

مبدئيا العربية اوتوماتيك فمش عارف ينطبق عليها قصة قاعدة الفتيس ولا لآ

ثانيا - الصوت واضح جدا انه -جاي من ناحية الباب - العجلة - تحت الكرسي - الطابلوه - الحتى الي على يميني دي

جربت افتح الطابلوه يمكن الصوت يطلع من جوه - محصلش

الصوت مالوش دعوة بالار بي ام على فكرة - ليه دعوة بان العربية تتحرك للامام كده مرة واحدة - وما اقصدش اني بطلع جامد - اقل طلعة طالما من الوضع واقفا اسمعه

**amr dawood** · 18-02-2013 07:59 PM

عندى نفس المشكله مش عارف اعمل ايه انا 2600كم

**amr dawood** · 18-02-2013 08:11 PM

والله فس المشظبطكله بالضبط . اروح التوكيل ولا استنى صيانه ال5000كم

**Sh_sunsea** · 18-02-2013 08:28 PM

انا هانتظر صيانة 5000 برضه - فاضلي 1000 كيلو عليها

**Sh_sunsea** · 11-03-2013 10:02 AM

أنا مستكمل قصة الصوت دي في موضوع زميل هنا علشان عدم ازوداجية الحوار

المشكلة ان الصوت بيزيد جدا ... !!!!

وصورت فيديو لتوضيح الصوت

هتجنن مشكلة يا أحباب اللوجى - نايل موتورز

**محمود90** · 17-03-2013 08:08 AM

احسن حاجة تكشف عند التوكيل

**Sh_sunsea** · 17-03-2013 12:29 PM

المشاركة الأصلية كتبت بواسطة محمود90

احسن حاجة تكشف عند التوكيل

ده الي حصل النهارده والمشكلة اتحلت الحمد لله

نصيحة يا جماعة - خرجوا فرع المقطم من حساباتكم تماما - القطامية كمقارنة افضل كتير - وبعد كده يا الميكانيكيون العرب يا ابورواش

الموضوع: صوت في اللوجان عند التحرك من الثبات

LinkBack

أدوات الموضوع

عرض

صوت في اللوجان عند التحرك من الثبات - انشر الموضوع فى :

-

-

-

-

-

المواضيع المتشابهه

مشكلة فى النوبيرا عن بداية التحرك

بتقولو عوامل الثبات طب خشوا وشوفوا اللوجان

استفسار بخصوص طلعة اللوجان من الثبات

التحرك وفرامل اليد مرفوعة

صوت عالى فى بدايه التحرك

الكلمات الدلالية لهذا الموضوع

المفضلات

المفضلات

ضوابط المشاركة