الموضوع: بتقولو عوامل الثبات طب خشوا وشوفوا اللوجان

يا باشا المقارنه ديه مش فى محلها
وبتخليك تنتظر من العربيه اكتر من الواقع بتاعها
وبالتالى تتصدم مع اى مشكله

العربيه جيده جدا و تتفوق على فئتها وسعرها مناسب جدا للامكانيات اللى بتقدمها
وده كفايه جدا وتعتبر صفقه رابححه


وشكرا

المشاركة الأصلية كتبت بواسطة ahmedmohamed7

و هو ليه حضرتك ليه مقولتش ان نظام التعليق فى الاكسنت احسن مليون مرة من الى موجود فى اللوجان D:
المالتى احسن من التورشن طبعا:)
طبها ان بهظر المقارنة مش موجوده هنا فى اختلاف كبير ما بين العربيتين لصالح الrb طبـــــــــــــــــــــــ ــــــعا
المواضيع الى زى ديه بتعمل مشاكل وملهاش جدوى اصلا علشان مافيش مقارنة وموضوع لاثارة الجدل فقــــــــط :)
شكرا

انا مش بثير الجدل ولا بعمل مواضيع شكل للبيع

لكن انت بتقول ان المقارنه لل rb وانا اول واحد بأيدك بس انا بقولك ميت مره انا قارنت بين حاجه وحاجه تانيه مش كمجمل عربيه وكمجمل عربيه تانيه

انا اتكلمت على طول اللوجان والعرض وقاعده العجلات والارتفاع ومفيش مخلوق على وجه الارض ينكر اللى انا كاتبه فوق لان الارقام دى انا جايبها من مواقع العربيتين يا سيدى الفاضل ولو مش مصدق النت واسع ودور براحتك

لكن انا اكيد لو قدامى لوجان واكسنت ار بى اكيد هجيب ار بى مع احترامى لعربيتى طبعا واحترامى لملاك العربيه انا كل اللى عملته انى استغربت لما قريت الارقام دى بجد انا انبسط منها اوى اوى اوى اوى اوى اوى اوى اوى اوى اوى اوى اكتر مما تتخيل لانى لقيت عربيتى على الاقل بتتفوق فى حاجه او حاجتين على الار بى وبرجع ااقول انا مقارنتش بين العربيتين انا قارنت بين عوامل الثبات وهى الطول والعرض وقاعده الارتفاع


رأى حضرتك يحترم وفوق دماغى بس بليز من غير غلط فيا لانك قولت انى داخل اثير الجدل انا مش مستفيد حاجه الهيونداى ليها سوقها وعمرها ما بتقف لكن اعتبرنى انسان معجب بعربيته زياده عن اللزوم ( ممكن ؟ )

اسف على الاطاله

طبعا اللوجان عربية ممتازة جدا جدا فى الفئة بتاعتها ..
و زى ما كنت قولت قبل كده انها افضل من كل العربيات فى الفئة دى من وجهة نظرى زى الفيرنا و اللانوس والافيو
لكن مع كامل احترامى لرأى حضرتك مقارنتها بعربية من فئة تانية خالص زى الاكسنت ار بى او زى ما كنت شوفت فى موضوع مقارنه بينها و بين الكيا سيراتو و الاوبل فيكترا فده انا شايف انه مش منطقى ..
لو واحد صاحبك قالك انا عايز اشترى عربية .. اول سؤال هتسألهوله هو : فى حدود كام ..
ازاى نقارن اللوجان الفول اوبشن منها بـ70,000 مع الار بى بـ 110 ولا 120 الف ..
انا شايف ان اقصى فئة عربيات نقارن بيها اللوجان هى العربيات ذات السعر الاقل من 75 او 80 الف بالكتير اوى ..
و انا كنت قبل كده عملت موضوع قولت ان تمن اللوجان الحقيقى لو كانت نزلت بجمارك كان هيبقى 98 الف
و اكتشقت انى كنت مخدوع زينا كلنا ..اول ما اللوجان الرومانى نزلت بنفس السعر مع الاخذ فى الاعتبار الايرباج التانية و الـabs
طبعا اول ما اللوجان الرومانى نزلت بالجمارك بحاجة و سبعين الف برضه اكتشفنا كلنا ان هو ده سعر العربية الحقيقى مش 98 الف ولا حاجة..
عموما ربنا يباركلى فى اللوجان بتاعتى و انا شايف ان العربية اصلا مأدية الغرض بكفائة عالية ..
عربية مريحة و واسعة و عفشتها ناعمة و عالية عن الارض و ثباتها مقبول الى حد كبير خصوصا انى مش مقتنع بزيادة السرعة عن 120 لأنى مهندس مدنى و شغلتى هى تصميم الطرق و عارف خطورة السرعات العالية .. و لو كان معايا بى ام برضه مكنتش هزود عن السرعة عشان معرضش نفسى للخطورة لأن ممكن بسهولة جدا لو ماشى اكتر من 160 و حصل موقف مفاجئ متلحقش تاخد قرار و تتصرف صح مهما كان نوع العربية اللى معاك و تبقى النتيجة كارثه ربنا يحفظنا جميعا..