سؤال لأصحاب اﻻلنترا md وخاصة العميد م / سمير

**ibnmoaz** · 19-02-2013 09:05 AM

السلام عليكم ورحمة الله . انا كنت زي كتير من اصدقائنا الأعزاء بروح التوكيل لعمل الصيانة كل 5000 كلم لغاية ما عملت صيانة 30000كلم الى ان صرح مره حبيبنا المهدس سمير الشهاوي ان الصيانات تبعا لكاتالوج السيارة المفروض تتعمل كل 15000 كلم .بصراحة رجعت للكتالوج و لقيت الكلام حقيقي باﻻضافه الي الحالة الاقتصادية العامه للبلد بصراحه ما صدقت وسمعت الكلام ...انا دلوقتي عديت 40000كلم سؤالي هنا هل ﻻزم اروح اﻻن الصيانه زي ما قالولي الأصحاب لتغيير زيت الفتيس والفلتر والبوجيهات وفلاتر البنزين و الهواء والتكيف .علما اني انا بنضف كل الكلام ده بالهوا وبربط عفشه وباخد رجﻻش الفرامل كل 5000كلم مع نفسي كده مع ميكانيكي جنبي والعربيه ماشاء الله تبارك الله زي الفل معايا وانا كنت غيرت الكلام ده كله في صيانة 20 الف...آسف للاطاله وشكرا مقدما للجميع. ..

**ibnmoaz** · 19-02-2013 09:08 AM

انا نسيت اقول ان العربية النترا 2012 اتوماتيك اول فئة

**miceg** · 19-02-2013 10:29 AM

على حد علمي
ان لو اتأخرت صيانتين بتخرج بره الضمان
معرفش الكلام ده مع توكيل هيونداي برضه ولا لا
وإن جيت للحق في صنايعية بره على نفس مستوى المراكز المعتمده بل ممكن أحسن
بس في صيانات أساسية بيقا فيها شغل
ألاحسن تخليهم جوه التوكيل
زي صيانة 40.000 كيلو و 60.000

**adel1212** · 19-02-2013 01:45 PM

لو يهمك الضمان روح اعمل عندهم صيانة الـ 40 الف
وحتدفع تكلفة الصيانات اللي قبل كده ويبقى الضمان ساري
اما لو ميهمكش الضمان زي حالاتي يبقى شوف مكان كويس وامشي علي مواعيد الصيانة اللي في المانويل بتاع العربية و عيش بحرية تعمل اي شغل فى العربية بمزاجك انت مش مزاج بابا غبور
تحياتي

**mahmoud_afifi** · 19-02-2013 10:10 PM

انا الحمدلله طلعت من الضمان الي الواحد ماستفدتش منه بنكله.
ودلوقتي بعمل الصيانه كل 20 الف.
صيانه ال10- 30-50-70 ...الخ مالهمش لازمه غير تنضيف فلاتر وكلام فاضي. صيانة ال5-15-25-35 ..الخ نصب.

**hossam_elwani** · 19-02-2013 10:51 PM

المشاركة الأصلية كتبت بواسطة adel1212

لو يهمك الضمان روح اعمل عندهم صيانة الـ 40 الف
وحتدفع تكلفة الصيانات اللي قبل كده ويبقى الضمان ساري
اما لو ميهمكش الضمان زي حالاتي يبقى شوف مكان كويس وامشي علي مواعيد الصيانة اللي في المانويل بتاع العربية و عيش بحرية تعمل اي شغل فى العربية بمزاجك انت مش مزاج بابا غبور
تحياتي

مش فاهم جزئية " لو يهمك الضمان روح اعمل عندهم صيانة الـ 40 الف وحتدفع تكلفة الصيانات اللي قبل كده ويبقى الضمان ساري"

ياريت توضح مش فاهمها

**mahmoud_afifi** · 20-02-2013 04:31 PM

المشاركة الأصلية كتبت بواسطة ibnmoaz

برضو محدش رد عليا.....زيت الفيتيس أوتوماتيك هو والفلتر بتغيرو على 40000كلم فعلا وﻻ مش صحيح والمفروض يتغيرو امتى؟؟ شكرا ...

التوكيل بيغيره كل 40 فعلا. انا غيرته مره في التوكيل ومره في مركز معتمد.
بس ماعرفش المفروض حسب الكتالوج يتغير امتى!

-

الموضوع: سؤال لأصحاب اﻻلنترا md وخاصة العميد م / سمير

LinkBack

أدوات الموضوع

عرض

-

المواضيع المتشابهه

سؤال للهونداوية وخاصة smsm

سؤال لخبراء السيفيك وخاصة 2008

سؤال لأهل الخبرة وخاصة م/ محمد ممدوح _ م سمير عياد _ م/خالد سبعاوي

سؤال لأصحاب الخبرة فى ازالة الخدوش وخاصة فى الاسكندرية

سؤال لأصحاب الألنترا وخاصة الفاضل حسام منير

الكلمات الدلالية لهذا الموضوع

المفضلات

المفضلات

ضوابط المشاركة