الموضوع: عكس في دورة البنزين - قرطبة 98

المشاركة الأصلية كتبت بواسطة warfighter2114

باشمهندس سيد والباشمهندس ايهاب
احب اوضح حاجه
اولا هو خلع البوجيهات عشان اشوف انها محتاجه تتغير ولا لأ ومركبهاش وفي نفس الوقت قالي نغير الفلتر وروحت اشتريته وقبل مايركبه قالي افتح كونتاكت بس مفيش بنزين نزل ايه تفسيرك للنقطه ديه
ثانيا لما منزلش قالي ادي مرش برده مفيش حاجه نزلت فحاول يسلك الخراطيم برده مفيش حاجه فركب البوجيهات ودور دارت من غير فلتر فقالي مستحيل عربيه تدور من غير فلتر هل الكلام ده صح ولا غلط فقالي الخراطيم معكوسه
ثالثا ايه هيا دوره البنزين عشان افهم وهل عربيه تدور من غير فلتر وبالنسبه لصوت الونه الصوت متجمع من الشمال ايه الفرق بين ان الصوت من الكورونه او من البلي هل في اختلاف

اخيرا انا كود الموتور alm وشفت ان المناسب كوده bur6etالكلام ده صح

السلام عليكم
لأ كده يبقي فيه حاجه غلط !!!!!!!!!!!!
العربية يستحيل تدور من غير فلتر موصل البنزين
أولا كده احنا ظلمناه لأنه تجربته كانت عشان عايز يوضح الدخول من الخروج للفلتر و طبيعي و لازم لما تفتح كونتاكت من غير دوارة ينزل بنزين علي الأرض من داخل البنزين للفتر !!!!!!!!!!!

علي العموم عربيتك كده فعلا ملعوب فيها و اللي فاهمه دلوقتي طالما دايره يبقي فعلا خرطوم راجع البنزين معكوس في مسطرة الرشاشات و عند طلمبة البنزين و بكده هو اللي مدور العربية و مافيش راجع لأن طلمبة البنزين لما بتضعف بيكون مافيش راجع من مسطرة الرشاشات

و الثاني انه فعلا مركب خرطوم الراجع كما قلت و لكن بسبب ضعف أداء طلمبة البنزين فعشان يقلل العوائق في دورة البنزين لغي الفلتر و سكته تماما و عكس خركوم الراجع عن المحرك و عند الطلمبة

علي العموم دورة البنزي كما قال محمد سيد هي بتخرج من الطلمبة الي خرطوم الضغط و منه الي الفلتر و من الفلتر الي مسطرة الرشاشات دي مرحلة الضغط

مرحلة الرجوع و هي من مسطرة الرشاشات الي التانك مباشرة و دي بيكون فيها بنزين فقط عندما تكون حالة الطلمبة جيدة و دي ليها معايا قصة كبيرة جدا في عربية احد الأصدقاء الأعزاء
و بالتالي انا بقيس حالة الطلمبة و أدائها من خرطوم الراجع
علي العموم بغض النظر فحضرتك محتاج مراجعة للدورة كاملة و خلي بالك ان فيه خرطوم ثالث جاي من التانك لمبخر البنزين و ده فاضي مفيهوش حاجه غير شوية بخر بيتكثفو اوقات داخل المكثف

بخصوص الأصوات :-
1- صوت بلية الدبرياج يختفي مع الدوس علي دواسة الدبرياج و العربية واقفة دون حركة او ماشية و بيظهر بشدة في الصباح الباكر و يقل مع المشي
2- صوت تروس و بلي الفتيس بيظهر بشدة مع الحركة و بيختلف حسب مصدره يعني لو من بلي علي جانبي الفتيس اللي شايلين اكسات مجموعات التروس يبقي ده هيظهر باستمرار مع الحركة اما لو من التروس نفسها و الغوايش و تثبيتها يبقي هيظهر مع الحركة و مع النقلات اللي فيها مشاكل يعني لو ماشي و مع ذلك ممور الفتيس و مش مدي حركة و العيب في التروس يبقي مش هيظهر مع المور و هيظهر مع النقلة اللي فيها مشكلة

شوف و جرب و قلي و ياريت تحضرنا المقابلة اللي جاية و هنريحك من القصص دي تماما و هنقلك العيب فين ان شاء الله ...... بغريك اهه عشان تيجي ملكش حجه
ههههههههههههههههههههههههه ه
و بالتوفيق للجميع و نتمني نري الجميع علي خير ان شاء الله