موضوع غريب عن بنزين 80

**A.samy** · 13-04-2009 02:44 PM

الموضوع دة لقيتة فى منتدايات كتير ومش عارف اذا كان صح ولا متألف واية الدليل العلمى على صحةالكلام دة او خطأة الموضوع متوب بلون مختلف
(حقائق لابد من ذكرها فى البدايه

-ان كافه شركات التوزيع (مصر للبترول-الجمعيه-شل- موبيل اويل-اسو-الوطنيه-.............) يتم تموين محطتها من نفس الصهريج فلا اختلاف فى البنزين بين شركه واخرى0

-ان مصر بدأت بأستيراد بنزين من الخارج (السعوديه-الكويت)من عام 2004 لتكملة نقص الانتاج من البنزين

ندخل على الموضوع
سأحاول جاهدا ان لا استخدم الانجليزيه لانى لاأحترم من يستخدمها للتحدث فيدل ذلك على عدم فهمه للمعنى العربى
البنزين احد مشتقات البترول ويخرج بصفته من برج التقطير اسم الجازولين ويتم تحديد نوع البنزين بأضافه ماده
(mtbe مثيل ثولاثى بيوتيل إثان) وهى المسؤله عن تحديد نوع البنزين 80-90-92-95 ويتم مراجعه البنزين وتحليله
لتحديد ثلاث نقاط رئسيه اولا بدايه الغليان وهى الدرجه المسؤله عن بدايه تشغيل المحرك ثانيا 50% من المقطر وهى الدرجه المسؤله عن معدل إحتراق البنزين نهايه الغليان وهى الدرجه المسؤله عن جوده البنزين وعدم تطاير جزيئاته فى تنك السياره
وكل نقطه من الثلاث السابقه لها بدايه للمسموح ونهايه له ويتم المعالجه من خلال ذلك تضاف نافتا خفيفه للبنزين اذا قلت بدايه الغليان عن المواصفه والنافتا الخفيفه هى ناتج من ابراج التقطير لخام البترول مثلها مثل البنزين والكيروسين والسولار فى منطقه بين البوتاجاز والبنزين واذا ذادت نقطه بدايه الغليان يتم معالجتها بإضافه النافتا الثقيله وهى ايضا
ناتج من ابراج التقطير فى منطقه بين البنزين والكيروسين 0
اما نسبه Mtbe هى فقط التى تتحكم فى درجه البنزين 80 او 90 او 92 او 95 بمعنى كلما زادت هذه النسبه كلما ارتفع درجته ولو انها لاتعتبر من الاسرار المهنيه لذكرت لكم النسبه بين البنزين Mtbe لكل نوع منهم
ولكن فى النهايه ولتكون افادتى مثمره
انا امتلك سياره فيرنا 2007 واضع 17 لتر بنزين 80 و4 لتر بنزين 92 فقط وبتحليل البنزين يكون جميع النقاط فى
مرحله البنزين 92 وكأنى مونت السياره بأ لكامل 21لتر بنزين 92 وللجميع عليهم التجربه والحكم بأنفسهم ليس هناك اى فرق سوف تلاحظوه
من تعود على ان يمون سيارته بنزين 95 عليه 15لتر 80 و5لترات 95 فكأنه مون سيارته 20 لتر 95 وتكون التحاليل
هو بنزين 95 ومطابق لكافه المواصفات
وظهرت هذه المشكله فى مصر لنا كمراقبين للجوده على محطات التموين للسيارات عند التفاوت فى اسعار البنزين
فبشئ من نقل المعلومات لأصحاب محطات التموين ولضعف الضمير لديهم كانوا يقوموا بلخلط بين البنزين ويحصلون على الفروق فى اسعاره لصلحهم ولم نستطيع ان نتحكم فى المشكله فى حينها لتطابق التحاليل ومطابقتها لكافه المواصفات
حتى صدر القرار بتغير كافه طلمبات التحليل الى النظام الدجتل وفرض وجود شهاده تحليل البنزين المستلم وهنا لله الحمد
استطعنا ان نحل المشكله وبأضافه ماده لكل نوع من البنزين على حده وهى ماده كشفيه غير مضره على السياره او البيئه فعند الخلط تظهر الماده فى التحليل ولله الحمد تمت حل المشكله وؤأكد لكم ان لم تضبط اى حاله غش منز اكثر من 5 اشهر ارجو اكون قد افتكم ولكم خالص الشكر)

منقول من مراقب جوده بأحدى شركات التكرير

**masryxt** · 13-04-2009 04:13 PM

معلومات هامه شكرا ليك

**for_ever** · 13-04-2009 04:19 PM

يعني قصدك ان اصحاب محطات البنزين بيغشو البنزين بخلط الانواع المختلفة بالنسب المذكورة ؟
لا حول و لا قوة الا بالله. هو خلاص ما بقاش في ضمير و لا خوف من ربنا ؟

**معتز** · 13-04-2009 04:36 PM

وهل ده معناه اننى ممكن امون 55 لتر 90 ثم اضيف 5 لتر 95 لكى احصل على 60 لتر 95...."ده اللى انا فهمته من التقرير"........معنى كدةاللى عندة باسات يحط 50 لتر 90 و10 لتر 95 ويكون كدة تمام......... سؤال.. هل تم قام مراقب الجودة بالتحليل فعلا للبنزين المخلوط للتاكد .....بصراحة انا مش فاهم ازاى وغير مقتنع بالمرة.......انا عارف ان التقرير منقول وليس راى الكاتب بس كدة الموضوع يبرجل..واخاف ان البعض يجربة ويحصل مشاكل ويكون السبب نقل الموضوع ده......ارجو من الاعضاء تحرى الحذر واتخاذ الحيطه والرجوع لاكثر من مصدر قبل عند التنفيذ............

**Sameh** · 13-04-2009 04:54 PM

المشاركة الأصلية كتبت بواسطة astsaae

----
انا امتلك سياره فيرنا 2007 واضع 17 لتر بنزين 80 و4 لتر بنزين 92 فقط وبتحليل البنزين يكون جميع النقاط فى
مرحله البنزين 92 وكأنى مونت السياره بأ لكامل 21لتر بنزين 92 وللجميع عليهم التجربه والحكم بأنفسهم ليس هناك اى فرق سوف تلاحظوه
من تعود على ان يمون سيارته بنزين 95 عليه 15لتر 80 و5لترات 95 فكأنه مون سيارته 20 لتر 95 وتكون التحاليل
هو بنزين 95 ومطابق لكافه المواصفات
-------
منقول من مراقب جوده بأحدى شركات التكرير[/COLOR]

عزيزى الفاضل الكلام اللى مكنوب مجرد خزبعلات وغير علمى على الإطلاق

مافيش حاجة إسمها أجيب 17 لتر بنزين 80 + 4 لتر بنزين 92 = 21 لتر بنزين 92 ، غلط طبعاً ، الصح إن هيبقا المخلوط ليه رقم أوكتان بين ال 80 وال 92 ولكن أقرب لل 80 كبعاً عشان نسبته أكبر ، التركيبة إختلفت خلاص ونسبة الإضافات إتغيرت

15 لتر بنزين 80 + 5 لتر بنزين 95 = 20 لتر بنزين 95 ، برضوا شعوذة علمية ، الصح إنه يعطى رقم أوكتان بين الإتنين حسب نسبة مشاركة كل نوع

إنت لو صبيت كباية شاى خفيفة وبعدين زودت علية شوية شاى تقيل شوية ، هل كل الكباية بتبقا زى كباية الشاى التقيلة ؟ ولا هتبقا وسط بين التقيل وبين الخفيف ؟

لو حطيت نقطة حبر على جردل مياه ، هلى بيبقا عندك جردل حبر ؟ ولا بيبقا عندك مياه فيها حبر ، وكل لما تزود الحبر المركز يزيد تركيزه فى المياه إنما عمر المياه ماهتتحول لحبر مركز زى الأصلى حتى لو زودت عليها كمية كبيرة

لازم الخلط ينتج عنه مخلوط وسط بين الأطراف المختلطة ، إنما لا ينتج عنه تحول لأحد الأطراف إلى الطرف الآخر

**ahmed1981** · 13-04-2009 06:36 PM

الموضوع ده كل شوية يطلع

الخلاصة:
5 لتر بنزين 80 + 5 لتر بنزين 90 = 10 لتر بنزين 85

**Drift_Lover** · 13-04-2009 06:50 PM

المشاركة الأصلية كتبت بواسطة ahmed1981

الموضوع ده كل شوية يطلع

الخلاصة:

5 لتر بنزين 80 + 5 لتر بنزين 90 = 10 لتر بنزين 85

انا معدتش فاهم حاجه..

**mo7a_mo7a** · 14-04-2009 01:37 AM

حكاية ان مفيش غش دي مش داخلة دماغي ابدا

**SAMEH_FOUAD** · 14-04-2009 02:42 PM

انا جربت حكاية بنزين 92 مع بنزين 90 حطيت عشرة لتر 90 وعشرة لتر 92
لانى انا عربيتى بتبرجل من بنزين 90 فلما حطيت البنزين دة وعلية بنزين 92 نسبة البرجلة خفت شوية والعربية اصلا كانت شبة مابتسحبش واول لما البنزين دة خلص طبعا حاولت اخلصة فى يوم لانى ماكنش ينفع اكمل بيها كدة روحت ممون 92 لقيت الفرق شاسع معنى كدة انك لة خلطت بين 90 و92 مش هيديك ابدا قوة ال92 لوحدة ودة عن تجربة وكمان فيها حاجة بعد كدة عملت 92 مع 95 بردة ماجبش نتيجة كانى ممون الاتنين مع بعض ولما جربت ال95 لوحدة ك انى ركبت سيارة تانية خالص طلعلى قوة العربية الاصلية كاملة فمحدش يتعب نفسة ويمون اتنين مع بعض لانة هيلاقى الفرق لصالح نوع البنزين الاكثر فى التانك يعنى 20 لتر 80 وعليه 10 92 هيدية خليط بنزين اقوى شوية من 80
يارب اكون افادتكم وعلى فكرة عن تجربة شخصية

-

الموضوع: موضوع غريب عن بنزين 80

LinkBack

أدوات الموضوع

عرض

-

-

-

المواضيع المتشابهه

موضوع غريب شويه

استهلاك بنزين غريب جدا !

موضوع غريب شوية.....

الدواسة!!!! موضوع غريب

موضوع تفويل بنزين 80 بعد 90 موضوع مهم جدا

الكلمات الدلالية لهذا الموضوع

المفضلات

المفضلات

ضوابط المشاركة