الفانتازيا هيست النهاردة

**Mohamed Bander** · 23-02-2013 11:59 PM

السلام عليكم يا احلي منتدي

وحشتوني كلكم والله ومعلش اني كنت تقريبا مبدخلش نظرا لظروف العمل

العربية يدوب النهاردة عملت ٢٠٠٠ كيلو

بس عملت حاجات غريبة جداً

الاول وانا ماشي في أمان الله وكنت فاتح الشباك اللي جنبي لقيته قفل لوحدة بدون اي مقدمات

انا فاكر اني قريت في الكتالوج ان لما المطرة تبدأ حساس المطر بيقفل الشباك لوحده،، بس النهاردة الجو حر مفيش اي حاجه

المهم انا حاولت افتح الشباك ،، الشباك مبيفتحش للآخر أوتو،، رغم ان بدوس الدوسة بتاعته ، بينزل كأن مفيش أوتو.

شوية كده بقي ينزل أوتو عادي.

فتحته للآخر ومشيت شوية لقيته قفل للآخر ورجع لوحده للنص ورجع تاني زي الاول في موضوع الاوتو اللي اتلغي

فتحته تاني ومشيت شوية لقيته قفل تاني لوحده،،، طبعا انا اتخنقت جداً.

قلت يمكن الحر خلاها تهيس ،، بس اذا كان في فبراير هيست أومال هتعمل ايه في اغسطس.

المهم مشيت كتير النهارده وبعدين تحت البيت قفلت الشباك أوتو وبعدين بطلت العربيه،، طلعت المفتاح من الكونتاكت لقيت الأربع شبابيك نزلوا لوحدهم للآخر.

طبعا انا اتخنقت جداً من الموضوع ده مش عارف ايه السبب هل ده عيب صناعة ولا ايه بالضبط؟؟؟

وهل التوكيل هيقتنع بالموضوع ده ولا هيستهبلوا عليا لان انا حاسس ان ممكن الموضوع ما يتكررش قدامهم

الحلو بقي انا لسه فاكر النهارده ان قبل كده حصلت حاجه زي كده ان منت ماشي والشباك كان مفتوح للآخر والتليفون كان واصل بلوتوث ،، التليفون رن لقيت الشباك قفل لنصه ،، انا أفتكرت ان ده أوبشن و فرحت ساعتها،، اكيد كانت تهيسه برضه

ياريت تقولولي اعمل ايه علشان هتجنن خلاص

**inspiron** · 24-02-2013 12:32 AM

أنا قريت العنوان قولت هدخل ألاقي كارثة تشمت فيها الأعادي...وأكيد حضرتك فاهم قصدي

سيدي الفاضل الفاضل الموضوع مش محتاج الخنقة دي كلها.
بكرة الصبح تطلع علي أقرب مركز صيانة والقصة هتتحل في أقل من 5 دقايق.
وبالنسبة لموضوع البلوتوث الكلام ده مش تهييسة زي ما حضرتك قولت..ده فعلاً خاصية في البلوتوث.
بالتوفيق إن شاء الله

**inspiron** · 24-02-2013 02:16 AM

المشاركة الأصلية كتبت بواسطة algazar2

ممكن تكون تهيسه كنترول مثلا بسبب كابلات ضغط عالى او ترددات كهرومغناطيسيه عاليه

يا inspiron باشا العربيه فعلا مفيهاش حاجة تشمت حد فيها و عربيه كويسه بس فى عليها حاليا تعليقين سعرها بقى مبالغ فيه جدا لجشع التجار و التوكيل و ماتورها ضعيف على وزنها لطمع التوكيل مش لعيب فى الماتور او العربيه غير كده عربيه ممتازه جدا فى كل حاجة و خصوصا شنطتها بحب فتحه شنطتها جدا :)

يا باشا بالنسبة للسعر ده شأن كل العربيات دلوقتي...أظن من باب أولي نقول ( إستهبال رسمي ) لما تبقي كيا سيراتو بـ 186000 جنيه !! ونقول ( إستهياف بينا ) لما الإلنترا تبقي بـ 175000 جنيه !!
فلما نقول إن الأوكتافيا بما فيها من مميزات بصرف النظر عن مشكلة الموتور اللي ما زالت مزعلة ناس كتير بـ 197000 جنيه ( وهي عربية ألماني ) يبقي مش بدرجة الإستعباط في الحالات التانية...وصلت يا باشا ؟

بالنسبة لشنطة العربية فعلا أنا كنت زمان بقول الشنطة دي الواحد يفرش كوفيرتة وينام فيها d:

تخيل بقه كمان الشكل الجديد الشنطة أوسع !!!!

**طارق _عبد السلام** · 24-02-2013 02:45 AM

بسيطه ان شاء الله روح لمركز الصيانه وان شاء الله الموضوع بسيط جدا وممكن ترستر العربيه بس خليك فى المضمون وعلى مركز الصيانه

**Mohamed Bander** · 24-02-2013 04:39 PM

المشاركة الأصلية كتبت بواسطة algazar2

ممكن تكون تهيسه كنترول مثلا بسبب كابلات ضغط عالى او ترددات كهرومغناطيسيه عاليه

يا inspiron باشا العربيه فعلا مفيهاش حاجة تشمت حد فيها و عربيه كويسه بس فى عليها حاليا تعليقين سعرها بقى مبالغ فيه جدا لجشع التجار و التوكيل و ماتورها ضعيف على وزنها لطمع التوكيل مش لعيب فى الماتور او العربيه غير كده عربيه ممتازه جدا فى كل حاجة و خصوصا شنطتها بحب فتحه شنطتها جدا :)

انا كنت ماشى فى شارع النصر فى المعادى ،، مكنش فى اى كابلات ضغط

العربية فعلا ممتازة ،، انا بس بعرض مشكلتى يمكن حد شافها

شكرا لمرورك :)

**Mohamed Bander** · 24-02-2013 04:40 PM

المشاركة الأصلية كتبت بواسطة inspiron

يا باشا بالنسبة للسعر ده شأن كل العربيات دلوقتي...أظن من باب أولي نقول ( إستهبال رسمي ) لما تبقي كيا سيراتو بـ 186000 جنيه !! ونقول ( إستهياف بينا ) لما الإلنترا تبقي بـ 175000 جنيه !!
فلما نقول إن الأوكتافيا بما فيها من مميزات بصرف النظر عن مشكلة الموتور اللي ما زالت مزعلة ناس كتير بـ 197000 جنيه ( وهي عربية ألماني ) يبقي مش بدرجة الإستعباط في الحالات التانية...وصلت يا باشا ؟

بالنسبة لشنطة العربية فعلا أنا كنت زمان بقول الشنطة دي الواحد يفرش كوفيرتة وينام فيها d:

تخيل بقه كمان الشكل الجديد الشنطة أوسع !!!!

+11111111111

**Mohamed Bander** · 24-02-2013 04:41 PM

المشاركة الأصلية كتبت بواسطة طارق _عبد السلام

بسيطه ان شاء الله روح لمركز الصيانه وان شاء الله الموضوع بسيط جدا وممكن ترستر العربيه بس خليك فى المضمون وعلى مركز الصيانه

يارب ،، هحجز على السبت اللى جاى واشوف ان شاء الله.

شكرا لمرورك :)

-

الموضوع: الفانتازيا هيست النهاردة

LinkBack

أدوات الموضوع

عرض

الفانتازيا هيست النهاردة - انشر الموضوع فى :

-

-

-

-

المواضيع المتشابهه

الباليو هيست !!

اداء الفانتازيا

صوت طقة في الفانتازيا

سعر جنوط الفانتازيا

الفانتازيا dsg

الكلمات الدلالية لهذا الموضوع

المفضلات

المفضلات

ضوابط المشاركة