صوت طقة في الفانتازيا

**ahadidy** · 21-03-2012 08:29 AM

السلام عليكم .. يا جماعة أنا معايا فانتازيا 2012 لسة معملتش 3000 كم ..وانا بجيب reverse بسمع صوت طقة من ناحية العجلة الشمال قدام .. وديتها مركز خدمة الاقصى اعدت يومين يجربوا ويقوللي في الاخر مش عارفين الصوت ده منين العربية كلها زيرو من تحت . أنا معرفش هو ده صوت طبيعي ولا إيه .. فـياريت حد يدلني لو عنده معلومة أو ينصحني بمركز خدمة أكتر خبرة يمكن يكون المركز اللي رحته معندهمش خبرة كفاية . أو يمكن يكون كل الفانتازيا فيها الصوت ده
وشكرا

**mina2210** · 22-03-2012 01:49 AM

ياريت تتصل بي ممكن اقدر اساعدك
01288614446

**amerelshazly** · 22-03-2012 02:26 AM

نفس الموضوع بيحصل معايا وانا راجع لورا بس وبالذات لو انت بترجع وكاسر الدريكسيون.....اعتقد انها متعلقه بالكبالن.

**hishoo_85** · 22-03-2012 03:07 AM

انا كمان عندي الموضوع ده بس مظهرش الا بعد 10 شهور انا قلت يمكن حاجة في العفشة ولا حاجة عشان استخدمتها 10 شهور فطبيعي العفشة يعني ورحت بيها فعلا مركز الاقصى اللي الناس طالعه بيه السما واحنا وراهم وراهم :)
وقالولي دي حاجة في العفشة وربطناها خلاص وطبعا روحت البيت والموضوع متغيرش لغاية دلوقتي بس ممكن على كلام امير الشاذلي ممكن يكون متعلق بالكبالن والله اعلم ياريت اللي يعرف يوصل لحل يفيدنا انا مهتمتش بالموضوع لاني في الكويت حاليا قلت لم انزل اخر السنة اشوف ايه نظامها

**ahadidy** · 22-03-2012 09:29 AM

فعلا هو بيظهر اكتر و انت كاسر الدريكسيون. وعلى فكرة فى مركز الاقصى جابو كوبلن من عندهم و جربوا بيه بس بردو الصوت مرحش يعنى القصة غريبة شويه لما يكون الموضوع دة فى كذا عربية ممكن تكون طبعية

**AhMeD MeTwAlY** · 22-03-2012 10:10 PM

الصوت دا معتاد في العربيات الجر الامامي انه صوت كوبلن بس مدام غيرو الكبلن وبردو نفس المشكله اكيد في حاجه تانيه غلط

**osha966** · 23-03-2012 01:15 AM

للأسف هى دى عيوب الأوكتافيا والفنتازيا الأوتوماتيك ..وهذه المشاكل مش موجودة اطلاقا فى المانيوال ...حاجة مؤسفة

**inspiron** · 23-03-2012 01:28 AM

المشاركة الأصلية كتبت بواسطة osha966

للأسف هى دى عيوب الأوكتافيا والفنتازيا الأوتوماتيك ..وهذه المشاكل مش موجودة اطلاقا فى المانيوال ...حاجة مؤسفة

بلاش بس الكلام ده :)
العربية كانت معايا سنة ونص وكنت مكفر أمها حرق وجري في أسوأ الطرق ومكنش فيها دبة النملة..
عموما مركز الأقصي دول بقالين..يا ريت تجرب تروح التوكيل فرع غمرة ( ناس فاهمين ) وإن شاء الله هتطلع حاجة بسيطة

**mezo73** · 24-03-2012 02:11 AM

كنت لسة عند واحد بتاع قطع غيار بشتري حاجة للعربية
انا معايا اية فور
فصاحب المحل عجبتة عربيتي وقعد يقنعني ابيعهالو
المهم قاعدنا ندردش شوية
وحكالي ان في واحد جالوا بفانتازيا الموبينا بتاعتها باظت وعاوز يشتري بدلها المهم الراجل كان معاة الموبينا الاصلية فصاحب المحل اكتشف انها تركي
وبعدين قلت اسألوا علي موضوع الطقة لاني قريت الموضوع قبل كدة فوجئت انة قالي ان نفس العيب موجود في الاية فايف وماحدش عارف اية السبب وان في كذا واحد قالة نفس الكلام علشان كدة هو عاوز يشتري اية فور
بجد انا مستغرب جدا ان العربية الاحدث يكون فيها عيوب زي دي انا عربيتي الحمد لله عجباني بس كنت بفكر لما ربنا يكرمني ان شاء الله اجيب الفانتازيا
بس ادينا هانشوف الايام هي اللي هاتثبت اية هي العيوب اللي موجودة في العربية