الموضوع: العربية بتعوم

بعد مغيرت تيل فرامل عند الميكانيكى كان فى صوت طقة مع الطلعة فى الناحية اليمين عند السواق ولما انزل نقر وكان العجلة الشمال قالبة لبرة سنة يعنى من فوق جوة ومن تحت برة المهم الميكانيكة قالى عاوزة جلب مقصات احسلك تغير مقصين كاملين المهم خليتة ربطلى عليهم ومغيرتش حاجة وخدت العربية عملتلها ظبط زوايا بتاع ظبط الزوايا قالى السكاترا معووجة

دلوقت العربية وانا ماشى بيها تقوم رامية يمين سنة او شمال كان العجل ساب واعدل من عندى ولما اجى اكسر يمين سنة تلاقيها زادت لوحدها انا مش عارف ابن اللذينة دة عمل اية ولا العربية كانت فيها المشكلة ولما ظبط زوايا بانت بس صوت الطقة راح ههههه

ودى كانت رحلتى مع تغيير التيل صحيح نسيت اقولكو ان المسمار الى بيضغط على التيل عشان تفرمل كان معووج وقافش مش عاوز يطلع وجبت واحد استعمال
والله خايف اغير زيت ههههههههههه

اشكركم على الاهتمام
انا قبل مغير التيل كلنت الفرامل الجامدة بتحدف العربية يمين
وفعلا هى كانت اتخبطت فى العجل اليمين ومن ساعتها مبقتش مظبوطة العربية وغيرلتلها مساعد يمين ومفيش نتيجة
المسمار الى اتغير انا غيرت الشاسية كلة بالمسمارين الى شبة البستم عن طريق انى جبت جهاز استعمال واخدت الشاسية بالبساتم والفرامل اتظبطت بعد التغيير كان عندى العجل اليمين قالب لبرة شوية يعنى من النقطة الى فوق العجلة داخلة جوة ومن تحت خارجة لبرة الميكانيكى لما شاف المقصات قالى ان الجلب بتاعة المقصات عاوزة تتغير وقالى غير المقصين المهم ربطلى على المقصات عشان الجمب التانى كان فية صوت خبطة مع الطلعة كدة الصوت راح بعد التربيط الى عملة الميكانيكة بعد كدة ظبطت زوايا فى سموحة قالى ان السكاترا معووجة وظبطلى الزوايا ومن ساعتها وهى العربية بتعمل كدة وكمان لما اكسر العجل للاخر بيبقى مش عاوز يرد مكانة الا لو انا ساعدتة وارد الطارة معاة