العربية بتعوم

**ايهاب عبد العزيز** · 19-06-2007 12:06 AM

ياجماعه انا معايا نيسان صنى 2007 العربيه بحس وانا سايقها انه صعب السيطرة عليها يعنى كل شويه عايز احرك الدركسيون سنه يمين وبعدين سنه شمال وتحس ان العربيه بتعوم كده ومش مظبوطه مع العلم انها طبعا زيرو وانا بسوق على سرعات عاليه فى طريق مصر الاسماعيليه وانا بحس بكده على الطريق ده بس او انا باخد بالى من الموضوع ده وانا على الطريق ده لأنه طريق شغلى فهو اللى بمشى فيه كتير وباخد بالى من العربيه، هل ده عييب فى العربيه ولا عيب فى الطريق ولا ايه بالظيط؟
لو حد بيمشى على طريق مصر الاسماعيليه كتير يقولى هل حصل معاه نفس الموضوع ده، لوده بيحصل مع حد تانى يبقى اكيد عيب فى الطريق نفسه؟
على فكره انا كان معايا قبل العربيه دى عربيه هيونادى اكسنت، كنت بحس معاها بنفس الموضوع ده قلت يمكن علشان العربيه قديمة وفيها حاجات عايزه تتصلح بتعمل كده، انما مع الزيرو برضه نفس الموضوع بحس بيه، يمكن انا بعمل حاجه غلط وانا بسوق. مش عارف بصراحه ياريت حد يفيدنى فى الموضوع ده
وشكــــــــرا

**mina_ramsis** · 19-06-2007 12:11 AM

شويه عايز احرك الدركسيون سنه يمين وبعدين سنه شمال

اعتقد ان ده عادى فى شوارعنا فى مصر

**Abdallah** · 19-06-2007 12:18 AM

لا مش عادى الا كان الطريق مكسر وطالع ونازل بس انا من رأى انك تشوف زوايا العربية وترصيص العجل والهواء بتاع الكاوتش غير كدة يبقا اكيد فى مشكلة فى العفشة وممكن تكون سكاترا مش مظبوطة وطالما العربية زيرو يبقا تروح التوكيل.

**mohamed yousry** · 19-06-2007 01:35 AM

الوضوع دة كان بيحصل معايا فى الشاهين ومتصلحش الا لما غيرت الشداد الخلفى(اعتقد ان الصانى مفهاش شداد)...

**memo_hefnawy** · 19-06-2007 08:16 AM

الموضوع 70% زوايا 30% كاوتش

ممكن تروح لدرش يكشفلك على الزوايا و يظبطهالك و إن شاء الله هاتبقى ذى الفل

**ايهاب عبد العزيز** · 19-06-2007 01:18 PM

شكرا يا جماعه على الردود، بس ممكن اعرف عنوان درش فين علشان اروحله بس ياريات العنوان بالتفصيل الممل ولو فيه تليفون كمان يبقى ياريت اكون شاكر ليكم جدا

**h_hezzah** · 19-06-2007 01:37 PM

طالما بتحصلك دايما فى نفس الطريق وبكذا عربية يبقى فى الاغلب هو عيب طريق.
وطبعا بتحصلك على السرعات العالية، لأنه طريق سفر!
ابقى لاحظ لو سبت الدركسيون العربية غالبا حسب كلامك هاتحدف فى اتجاه، جرب الموضوع ده مرة وانت رايح ومرة وانت راجع. ولو امكن تكون فى نفس المنطقة
لو حدفت وانت راجع فى الاتجاه العكسى يبقى تطمئن عالاخر وتتأكد انه عيب طريق.
ممكن كما يكون الهواء الجانبى جامد شوية وده بيزق العربية على السرعات العالية للجنب.

**memo_hefnawy** · 19-06-2007 08:50 PM

أستاذ إيهاب

راجع الموضوع ده فيه عنوان ورشة درش بالتفصيل مع خريطة و لو بصيت فى توقيع درش هاتلاقى موبايله ممكن تكلمه تستفسر منه
http://www.nilemotors.net/Forum/view...r=asc&start=20

و بالتوفيق إن شاء الله