سلك البنزين

**aali6632** · 24-02-2013 10:24 PM

سلام عيلكو ياوحوش نايل موتورز
انا اول امبارح كنت ماشى بالفليشيا ولقيت دوسة البنزين تقيله وكان الاحساس ده بقاله حوالى اسبوع اول ما وصلت اقولت ابص على سلك البنزين لقيته منتش ومشعر روحت جبتو نوع مصرى مواد يابانى زى مبيقلو بــــ 40 جنيه والميكانيكى اخد 20 جنيه مصنعية

السوال ياجماعة هو سلك البنزين لو بايظ يساعد على استهلاك بنزين اكتر

**aali6632** · 25-02-2013 06:22 PM

ايه ياجماعة هو السئوال صعب ولا محدش مر عليها الموضوع ده

**sakr_skoda** · 25-02-2013 07:01 PM

سلك البنزين شغلته بس تحريك الاكسرتير بتاع البنزين فقط يعنى لو منتش ومرخى دا بيخلى سحب العربية بطيء لآنك لابد من الضغط مراحل اكبير حتى يتم تحريك الاكسرتير حتى يتم تزويد البنزين....

طيب لو مشدود دى بقى مصيبة كبيرة ليييييييييييه دا بيخلى استهلالكك من البنزين اكبر واكثر من الطبيعى فلابد ان يكون واير البنزين مظبوط لامشدود ولا مرخى ....*

طبعا حضرتك غيرت الواير يبقى لازم رجلك تاخد شويه على دواسة البنزين لأن الوضع اختلف فالتعامل مع الدواسة يجب ان يختلف وحتاخد وقت لما حساسية ضغط القدم على دواسة البنزين مما يوكب طلب الموتور من زيادة فى البنزين

**EngAhmedSayed** · 25-02-2013 07:16 PM

دواسة البنزين ليها ريجلاش مع ذراع الكربرتير
لابد من ضبط المشوار
لما يكون دواسة من غير ما تدوس عليها لازم يكون ذراع الكربرتير قافل للاخر و اول ما تدوس دوسه خفيفه الذراع يتحرك معاك
بس هنا لازم تاخد بالك من حاجه و هى لما تكون الدوسه للاخر يعنى فى الارضيه لازم يكون الذراع فاتح على الاخر متكونش سلك البنزين محمل على الذراع علشان ميتكسرش
لابد من ضبط المشوار او الريجلاش
و ميكونش مشدود على الذراع الكربرتير علشان متاكلش بنزين
ربك المستعان
ربك المستعان

**YHYAKOTB** · 25-02-2013 09:56 PM

سحب البنزين لة اسباب كتير نضف الكاربيراتير وهدى صوت المكنة شوية

**aw2100** · 25-02-2013 10:27 PM

المشاركة الأصلية كتبت بواسطة aali6632

مهندس احمد اشكرك بس معلش اعرف منين ان الرجلاش مشدود ولى لا لانى حاسس فعلا ان الاستهلاك زيادة من ساعة التغير يعنى البلى ذات طين ذى مبيقلو لانى تعبت من سحب البنزين
لا قبل التغير للسلك كانت بتسحب 150 كيلو من 25 الى 29 لتر بنزين 80 ومش عارف اعمل اية ابيعه ولا ايه لو فى حل ياريت تقلولو عليه جازكم الله كل خير وشكرآ

لو صوت الموتور عالى على السلانسية ولو الrbm عالى عن ال10 تحتاج توطى الموتور شويه.
بالنسبة لمعدل استهلاك البنزين للعربية الفليشيا كاربراتير بيبقى تقريبا 9.5 ك /لتر داخل البلد و حوالى 11 ك فى السفر للتر لكن عربيتك بتحرق بنزين كتتتتتتييييير قوى 6 ك / لللتر شوية قوى حطلب كام سؤال لتحليل سبب الأستهلاك العالى :
الشكمان فية هباب اسود ؟
فيه كتمة او تقطيع فى سحب العربية ؟
اقصى سرعة كام للعربية ؟
هل فيه سخان بدء الدوارة التشوك ؟
فية جنوط بتسخن اوى ؟
تسارع العربية كويس ولا العربية بطة ؟
فى مطالع الكبارى والتحميل العربيه بتطلع بصعوبة ؟
رجاء الأجابة على هذه الأسئلة ومنها حقولك ليه عربيتك بتشرب البنزين !!!!!

**aw2100** · 26-02-2013 09:21 PM

عموما السحب الضعيف والتقطيع والهباب اللى فى الجكمان ده بيبقى عيب فى الكاربراتير محتاج ضبط او تغيير بك السلانسية و بالنسبة لفلتر الهواء والبنزين امتى غيرتهم ؟ وطبعا عندنا الجو تراب و كمان حضرتك بتحط بنزين 80 بالشوائب الكتير فالمفروض تنضف فلتر الهواء كل شهرين ويتغير على 10000 ك و فلتر البنزين تغيرة كل 3 شهور او لو لقيت لونه اسود وفيه منقى للبنزين فى الكاربراتير حتلاقية محتاج تغيير وبص على البوجيهات غيرتهم من امتى ؟بعد طقم الصيانة دى حتلاقيها بقت طلقة مش ماشية زى البطه وكل فترة اديها تفويلة 92 كتنظيف لدورة البنزين ولو عندك السخان التشوك شغال انا لاغيه فى عربيتى بياكل بنزين كتير فى التسخين وخصوصا لو مشاوريك قصيرة وان شاء الله حتضبط معاك فى البنزين !!!