الموضوع: قدرالله ومشاء فعل@@@@

السلام عليكم ورحمة الله وبركاته
يوم صعب جدا النهاردا وحابب أفضفض معاكم وطبعا انا راضى بما قدر الله لى ولاكن الهموم ان كبتت اصيب الانسان بالامراض الخبيثه وطبعا ماليش الا انتم احبابى والله وحدة مفرج الكربات....
اليوم الاثنين رايح الشغل كالعادة الساعة 8 صباحا توكلت على الله ومشيت فجأة كبوت العربيه فتح كنت ماشى على سرعة 100:90كيلو وكانت معايى ابنتى اوصلها للجامعة كل يوم طبعا الكبوت اترزع على بريبز العربية وخلاص مش شايف حاجة فى الطريق الحمد الله ربنا لطف شيلت رجلى من على البنزين واطلعت راسى من الشباك اشوف الطريق والحمد الله ركنت وقفلت الكبود ربته بسلك فى الشنب لاكن بريبيز العربية راح فى ستين داهية الحمد الله والغريبة ان مازال متماسك رغم الكسور والشروخ الى لايخلو 2 سم منها ودا طبعا راجع لطبقة البلاستيك*
روحت الشغل ووصلت ابنتى للجامعه وبعد الظهر رجعت البيت غيرت واخدت العربية روحت للسمكرى علشان فيه مفصلة كانت عاوزة لحام....
وانا رايح تحدث ايضا حادث الحمد الله سيارة كبيرة بيرجع مرشدير على الطريق وكسر عليه حاولت اهرب منه نزلت من على الطريق لاكنه لحقنى فى زجاج الباب الخلفى يمين اتفرفت الهواية والزجاج اتفش طبعا الباب اتعجن مع حافة الشنطة العلوية وطبعا الجريدة اتقطع منعا حته بس برضو الحمد الله موصلش الى زجاج الشنطة اى تاثير....
مش عارف يجماعة اليوم دا مع انى صايم هذا اليوم ولله الحمد وافتكر ان دا اختبار من الله الحمد الله وانا باكتب والله من اعماق قلبى باقول الحمدالله انها بعيدة عن العظم واللحم ههههههههههه
طيب بعد القصة دى عاوز اشترى بريبيز امامى
وكمان زجاج الباب الخلفى مع الهوايه
وكمان السمكرى قالى الرفارف فيها برومة احسنلك تغيرهم
ياترى اشترى الحجات دى من فين واسعارها لو امكن وتنصحونى انى اجيب استيراد ولا جديد
اه على فكرة عندنا فى الاسماعيلية سالت على بريبيز استيراد كلهم اتعجبو ازاى مافيش تنصحونى باى نوع زجاج وسعرة من فضلكم....
تقلت عليكم بس اه قدركم بقى يكون ليكم صاحب زيى....
وانا لله وانا اليه راجعون........