تقرير .. صيانة استثنائية .. صاجة التيل وأصوات في الصالون مع عرض نايل موتورز

**abdulmoniem** · 07-03-2013 06:38 AM

السلام عليكم ورحمة الله وبركاته

في البداية أحب أشكر كل الناس إللي ساعدتني هنا في مشكلتي الخاصة بصوت التزمير وصوت التكييف.

أنا قررت أروح التوكيل إمبارح .. ورحت .. أوتو إيجيبت أبو رواش

كان عندي المشاكل دي:
1 - أصوات في الصالون بسبب الفيبر وكدة.
2 - صوت الفرامل بيزمر أحياناً مش دايماً
3 - صوت التكييف كان بيعمل تكة كل فترة
4 - عندي شوية خرابيش في الإكصدام ناحية الشمال نتيجة واحد حكه وأنا راكن ونزلت لقيته كدة بس للأسف مفيش ضمير

الحل:
قابلت بشمهندس محمد درويش .. وسمع مشاكلي كلها ..
وفعلاً استلموا العربية الصبح الساعة 9 .. وخلصت على 3 إلا ربع

1 - أصوات الصالون كانت ناتجة عن إن القايم اليمين كان مش متثبت كويس للأسف. بس لسة في صوت معرفوش يوصلوله بحس إنه صوت تزييق من ورا الكنبة!! محدش يعرف ده من إيه ممكن؟
2 - صوت الفرامل .. كان بسبب صاجة التيل .. والتكلفة كانت 4700 جنيه على الضمان. وتم تغييرها.
3 - صوت التكييف طبيعي .. ومفيهوش مشاكل
4 - رشيت الباركنج سنسور لأنه كان اتحك .. وحاولوا يعالجوا خربوش صغير جداً أصغر من سن القلم كدة بس منفعش.
5 - دفعت كل حاجة 44 جنيه .. وبعد خصم نايل موتورز 38 جنيه.

الصوت إللي بقولكم عليه بيظهر لما بكون ماشي بسرعة.

هما عملولي حاجة احتياطي للمساعدين عشان لو هي إللي بتزيق .. اسمها حاجة مش فاكرها دلوقتي :D مش فاكر recoile ولا حاجة كدة!!

لكن بقية المشاكل ممتازة واتحلت الحمد لله.

**ahmed_hanafi** · 07-03-2013 08:20 AM

مبروك يا باشا علي الصيانة .....بالنسبة للصوت ممكن تتأكد ان الكنبة مربوطة كويس

**canner** · 07-03-2013 09:55 AM

الف مبروك على الصيانة انا لما بيبقى فيه عندى اصوات و اروح التوكيل و تروح الاصوات دى خالص سبحان الله

**Nashaat Rady** · 07-03-2013 10:52 AM

مبروك و عقبالي انا حاجز معاد يوم ١٦ اول ما ارجع من السفر عشان صوت في التكييف.. و ان شاء الله حاعمل تقريري

**kfarouk** · 07-03-2013 03:17 PM

مبروك عليك الصيانة و ربنا يحفظلك العربية, انا عندي سؤال هل انت كنت حاجز صيانة و لا رحت علطول و هل الصاجة دي متوفرة لاني طالبها من شهرين من السبع في المعادي و لسة ماجتش

**abdulmoniem** · 07-03-2013 06:37 PM

الله يخليكم يا شباب :) بس الصوت بتاع إللي جي من ورا ده مجنني :d

المشاركة الأصلية كتبت بواسطة kfarouk

مبروك عليك الصيانة و ربنا يحفظلك العربية, انا عندي سؤال هل انت كنت حاجز صيانة و لا رحت علطول و هل الصاجة دي متوفرة لاني طالبها من شهرين من السبع في المعادي و لسة ماجتش

كنت حاجز قبلها بيومين تلاتة .. والصاجة كانت في التوكيل

**hamadakotb** · 07-03-2013 10:46 PM

الف مبروك الصيانه، ممكن حضرتك تقول لنا عربيتك اكس صالون و لا سوبر صالون؟
جزاك الله خيرا

**Bishoy.Girgis** · 07-03-2013 11:37 PM

الف الف مبروك الصيانة و بجد مبسوط ان انت مرتاح من حل المشاكل ..
بالنسبة لموضوع التزييق ده مالوش غير حل واحد فقط و هو ان حد يسوق العربية و انت تقعد و تدور التزييق مكانه فين بالظبط و مبروك مرة تانيه

**abdulmoniem** · 08-03-2013 08:06 AM

المشاركة الأصلية كتبت بواسطة hamadakotb

الف مبروك الصيانه، ممكن حضرتك تقول لنا عربيتك اكس صالون و لا سوبر صالون؟
جزاك الله خيرا

سوبر صالون .. وإياكم

-

الموضوع: تقرير .. صيانة استثنائية .. صاجة التيل وأصوات في الصالون مع عرض نايل موتورز

LinkBack

أدوات الموضوع

عرض

-

المواضيع المتشابهه

تقرير تركيب صاجة التيل و صيانة ال 10000 كم فى اوتو ايجيبت

تشغيل انذار نيو صنى 2013 وتغيير صاجة التيل الخلفى

صنى 2013 بعد تغيير صاجة التيل الخلفى

صاجة التيل الخلفى

تقرير الصيانة المجانية و تغيير صاجة التيل للنيو صنى

الكلمات الدلالية لهذا الموضوع

المفضلات

المفضلات

ضوابط المشاركة