تقرير تركيب صاجة التيل و صيانة ال 10000 كم فى اوتو ايجيبت

**canner** · 03-03-2013 01:27 PM

بسم الله الرحمن الرحيم

الاسبوع اللى فات اتصلوا بيا فى اوتو ايجيبت علشان اركب صاجة التيل بتاع الفرامل بعد حوالى شهر من حجزها و كنت ح اعمل صيانة ال 10000 كم فقولت يبقى الاتنين مع بعض و رحت امبارح
فى الاستقبال قابلت المهندسة امينة و هى شخصية محترمة جدا جدا جدا و بتضحك مش زى باقى الناس اللى هناك بس للامانة بتاع الخزنة بيضحك هو كمان
المشكلة انا لما قلت لهم هو ليه مافيش حد بيضحك و بتتكلموا بجد جامد؟ قالولى علشان ضغط الشغل

ما علينا المهم رحت الساعة 1 و طلبت 3 حاجات (صيانة ال10000 كم و صاجة التيل و تغيير الزيت و الفلتر) قالتلى ح تخلص ان شاء الله على 4.3
الحمد لله استلمت العربية و ما حسيتشى بالوقت علشان كنت واخد معايا الشغل هناك و بعد تجربتها الحمد لله صوت الفرامل راح و حسيت بأستجابة من الفرامل اسرع من الاول
علشان كده بقول لاى حد الصوت ده ابتدى عنده يا ريت يروح و يحجز بسرعة علشان مش بتيجى على طول و بتقعد من شهر لشهر ونص

تحياتى

**HaNo_ELBeh** · 03-03-2013 01:46 PM

ألف مبروك ياباشا الصاجه والصيانه وعقبال صيانه ال 100000
بس ممكن حضرتك تقولنا الصوت دة كان عباره عن اية بمعنى حضرتك كنت بتسمع صوت صفرة ولا صوت خشونه ولا صوت اية بالظبط وكان مع الفرامل وبيكون منين مصدر الصوت
تحياتى

**canner** · 03-03-2013 02:20 PM

الله يبارك فيك يا باشا الصوت كن عبارة عن صفارة زى صفارة العربية النقل لما تيجى تفرمل و كان بيزيد كل شويه لدرجة انا فى الاخر ماكنتش مصدق ان الصوت كان طالع من عندى انا

**shady_hamdy** · 03-03-2013 02:29 PM

التكلفة للصاجة و اية الوظيفة بتاعتها ؟؟

**ahmed452003** · 03-03-2013 03:22 PM

انا معايا السوبر صالون وعامل بيها 4600 كم ولسه الصوت مظهرش معايا ... وكنت عاوز اعرف هل الصاج بتاع التيل بيبقى لكل تيل الفرامل وهل بيركب ببلاش يعني في الضمان وهل كل مراكز الخدمه بتعمل كده ولا اوتوايجبت بس
علشان انا في اسيوط ؟

**canner** · 04-03-2013 12:14 AM

المشاركة الأصلية كتبت بواسطة ekrami

التكلفة للصاجة و اية الوظيفة بتاعتها ؟؟

هى ماتكلفتش حاجة علشان العربية لسه فى الضمان بس اسمع و الله اعلم ب 4700 جنية

**canner** · 04-03-2013 12:17 AM

المشاركة الأصلية كتبت بواسطة ahmed452003

انا معايا السوبر صالون وعامل بيها 4600 كم ولسه الصوت مظهرش معايا ... وكنت عاوز اعرف هل الصاج بتاع التيل بيبقى لكل تيل الفرامل وهل بيركب ببلاش يعني في الضمان وهل كل مراكز الخدمه بتعمل كده ولا اوتوايجبت بس
علشان انا في اسيوط ؟

بص يا باشا اللى قالوهولى فى اوتو ايجيبت ان مشكلة الصاجة دى فى العربيات اللى اتسلمت فى الاول و حلوا الكلام ده فى العربيات اللى بعد كده و بالنسبة هى المفروض فى كل التوكيلات علشان انا سألت عليها فى السبع لقتها بس فضلت استنيها لحد ما تيجى فى اوتو ايجيبت

**ahmed452003** · 04-03-2013 10:13 AM

المشاركة الأصلية كتبت بواسطة canner

بص يا باشا اللى قالوهولى فى اوتو ايجيبت ان مشكلة الصاجة دى فى العربيات اللى اتسلمت فى الاول و حلوا الكلام ده فى العربيات اللى بعد كده و بالنسبة هى المفروض فى كل التوكيلات علشان انا سألت عليها فى السبع لقتها بس فضلت استنيها لحد ما تيجى فى اوتو ايجيبت

طيب انت استلمت عربيتك امتى .. ؟
انا عربيتي استلمتها يوم في شهر 11 /2013

يبقى كده هي من العربيات الي اتسلمت في الاول ولا ايه ؟

**saint2011** · 04-03-2013 11:33 AM

مبروك تركيب الصاجة يا بشمهندس وأيضا الصيانة عايزين نروح التوفيقية ونشوف شويه حاجات كده سوا

**HaNo_ELBeh** · 04-03-2013 12:18 PM

المشاركة الأصلية كتبت بواسطة ahmed452003

طيب انت استلمت عربيتك امتى .. ؟
انا عربيتي استلمتها يوم في شهر 11 /2013

يبقى كده هي من العربيات الي اتسلمت في الاول ولا ايه ؟

يااستاذ احمد انتا متأكد انك استلمت فى 11/2013

يعنى بحسبذ بسيطذ

وبدون تعب
حضرتك استلمت عن طريق أله الزمن اكيد

انا طبع بهزر مع حضرتك
اعتذارى ليك وتحياتى..

الموضوع: تقرير تركيب صاجة التيل و صيانة ال 10000 كم فى اوتو ايجيبت

LinkBack

أدوات الموضوع

عرض

-

-

-

المواضيع المتشابهه

صاجة التيل الخلفى

تقرير الصيانة المجانية و تغيير صاجة التيل للنيو صنى

صيانة الالف قشقاى و تركيب السنسورز..اوتو ايجيبت

يا جماعة عايز احجز صيانة فى اوتو ايجيبت و مش عارف

سمكرة و دهان رفرف اوتو ايجيبت ولا مودرن مع تركيب سينسور ركن ؟

الكلمات الدلالية لهذا الموضوع

المفضلات

المفضلات

ضوابط المشاركة