الفرق بين قطع الغيار الجديدة والاستيراد

**MOHAMED ABD EL SHAFY** · 04-08-2008 04:26 PM

انا حبيت افتح الموضوع دا عشان نستفيد كلنا ونعرف معلومات جديدة
بالنسبة للاسكودا فليشيا فليها اكثر من طريق لقطع الغيار
جديد ( المانى - تشيكى - صينى - تركى )
استيراد (تشيكى)
امتى تحدد قطعة الغيار وماركتها؟
انا طبعا بحب الجديد الاصلى لسببين
انك بتكون نفسيا مرتاح
بيعيش فترة طويلة اوى يعنى بتنساة
طب ليه بفكر فى التركى - الصينى او الاستيراد
لو قطعة الغيار غالية اوى ولكنها ليست اساسيية فى التشغييل المستمر للسيارة يبقى بحاول اروح للارخص
مثال مثلا الفوانيس
الفانوس الاصلى يعمل 4 اضعاف سعر التركى او الصينى مثلا
الشكل العام هوا هوا من مسافة متر لا تستطيع تمييزة
لكن لو دققت وفحصت هتلاقى اختلاف فى الخامة واختلاف فى الفنيش بتاع الحواف وهكذا
بس من الاخر مش هيفرق كتيير من الناحية العملية فبنحب نجيبة اى حاجة ومن الاخر دا حتت بلاستيك ممكن تنكسر تانى يوم
على العكس الاسيبراتيير مثلا الاصلى 2 ضعف الصينى بس دا قطعة اساسية وبتلف طول النهار ولو باظت هتوقف العربية
يبقى اجيب الاصلى
تر س متاكل والاصلى غالى والتقليد تعبان ولكنة هيشتغل جديد ومفيش فيه اختراع وحوارات يبقى ممكن اجيبة استيراد ارخص من الجديد ولكنة اصلى
وهكذا
احب اعرف اراء الناس فى الموضوع دا

**SaNisSro** · 05-08-2008 02:35 AM

انت عندك حق في الي بتقولو مية في المية...انا غلط لما استرخصت واشتريت كبالن تشيكي ب 600 جنيه والاصلي كانت بالف ونص تقريبا غير تركيبهم..لكن التشيكي مكملوش معاية سنة وطقطقو...فعلا الواحد ميجبش رخيص الا في الحجات الي مش مهمة ولا ليها تاثير على اداء العربية

**mohamed2002** · 05-08-2008 02:41 AM

فعلا نظرية سليمة انما الاصلي في الاسكودا تشيكي ولا الماني؟

**MOHAMED ABD EL SHAFY** · 05-08-2008 11:54 AM

اسكودا اشترتها فولكس واجن الالمانية فى اوائل التسعينات وعملت خطوط انتاج ليها
يعنى الاصل تشيكى صح والامانى بردة صح
وقطع الغيار فى الموديلات الحديثة بيكون عايها شعار اودى وفولكس واجن وسيات عشان فولكس اشترت الشركات الاتية (سيات - اودى - سكودا ) والله اعلم

**mohamed2002** · 05-08-2008 12:07 PM

[quote=MOHAMED ABD EL SHAFY;366780]اسكودا اشترتها فولكس واجن الالمانية فى اوائل التسعينات وعملت خطوط انتاج ليها
يعنى الاصل تشيكى صح والامانى بردة صح
[quote]
تمام يعني انت وانت بتشتري للفليشيا قطع غيار يا بتجيب الالماني يا التشيكي

**MOHAMED ABD EL SHAFY** · 05-08-2008 01:27 PM

مظبوط انت بتلاقى البائع بيقولك فى عندى الالمانى بكذا والتشيكى بكذا والتركى بكذا والصينى بكذا وساعات تلاقى تشيكى بس او المانى بس او ممكن متلاقيش غير تركى وصينى
والصينى فى بعض الاشياء بيكون سعرة كويس لاستخدام السيارة مثلا الفوانيس الصينى كويسة وتقضى الغرض وارخص كتيير من الاصلى فاشتريت وش فوانيس صينى
ومرة اشتريت اسبراتيير اصلى ب 450 وكان فيه صينى محبتش اجيبة ب 225 جنية عشان دى قطعة غيار بتشتغل على طول
ومرة اشتريت مارش صينى ب 320 جنية بدل الاصلى ب 750 جنية لما صاحب المحل شكر فيه اوى وقالى دا تصنيع صينى للتصدير لاوربا فلاقيت تقفيله كويس وخاصة انه قطعة غيار مش شغالة على طول يعنى مرتين ثلاثة فى اليوم وبس وقالى على ضمانتى لو باظ رجعة وكان عندة الاصلى بردة فاشتريتة من 3 شهور والحمد لله شغال كويس
واشتريت فبرة كونتاكت اصلى ب 90 جنية والتركى كانت ب 40 وهكذا

**spider6666** · 18-12-2008 11:42 AM

فعلا وكذلك الكلاكسات بتاعة العربية في التوكيل لقيت الفردتين عاملين 500 جنيه في حين انه لو جيبت الايطالي وصوته زي الفل عامل 80 جنيه والهندي عامل 70 جنيه الفردتين

**KHALED AYMAN** · 18-12-2008 01:30 PM

اهم حاجه عشان تضمن ان القطعه اصلى ان يكون عليها ختم (فولكس-سكودا-سيات-اودى)والله اعلم.
الكلاكس كان فى واحد هنا على المنتدى كاتب انه ب200 جنيه و على ما اعتقد انه كان مغيره فى التوكيل لانه عمل حادثه؟؟؟؟؟