تحذير ب مشكلة فى طرمبة البنزين للكورولا 2003 بكالتكس

**ashraf1212** · 12-03-2013 11:33 PM

تحذير ب مشكلة فى طرمبة البنزين للكورولا 2003 بكالتكس

بسم الله الرحمن الرحيم
وجدت على مدار 4 أيام فى الصباح فقط مشكلة تأخر فى الدوران
فقررت أغير بوجيهات وفلتر
أشتريت البوجيهات ألأصلية ب 60 و الفلتر لاقيتو ب 200 أصلى وفى يابانى مش أصلى ب 90 بس قالولى هناك أنة صينى ومش يابانى ومش مكتوب علية أى بيانات على الفلتر نفسة
وعلى فكرة ألأصلى برضة مش مكتوب علية أى بيانات على الفلتر نفسة!
لقيت واحد جايب أنجليزى و ب 100 ومكتوب علية بألأسود بلد الصناعة فأشتريتة

رحت كالتكس عباس العقاد وغيرت ألأتنين
حبو يشتغلونى ويبعولى أسبراى زيت يستخدمو فى التركيب ب 35 جنية بس رفضت

بعد التركيب تركو العربية 15 دقيقة للتجربة ثم تم التجربة فى الشوارع المحيطة بالبنزينة مع العامل وكان كلة تمام وبعديها عملت كام مشوار والعربية أدأها أفضل بعد البوجيهات والفلتر

فى اليوم التالى نزلت أشغل ما رضيتش؟
كلمت البنزينة وجأو عند البيت وتم فك الفتر وتركيبة مرة أخرى وأشتغلت وقالولى لو أتكررت المشكلة يبقى عيب قلب طرمبة البنزين تعب وعايز يتغير اللى هو موتور الطرمبة وتانى يوم نفس المشكلة ظهرت

فى ش دمشق لقيت الطرمبة ألأصلية ب 1450 جنية !؟!
رحت الحرفيين وأشتريت طرمبة أستيراد ب 125 وجبت ميكانيكى أخر وركب وطلعت أدائها أقل من ألأصلية فرجعتها فى الحرفيين وجبت أخرى من محل مختلف وبعد التركيب طلعت برضة أدائها أقل من ألأصلية فرجعتها

قام الميكانيكى فك الفلتر وحط زيت على الجونات و الكوتشات وركب بضمير وأخيرا أتصلحت العربية وكان العيب فى طريقة التركيب فقط.
بعد ما شكيت فى البوجيهات وجربت القديمة وشكيت فى الفلتر الجديد برضة وكنت حغير طرمبة البنزين ب 1450 دة غير مشاوير الحرفيين و دوخة الميكانيكية الهواة والفك والتركيب والتجربة

أنا بنقل الموضوع دة علشان أفيد غيرى خاصة ألأعضاء فى هذا المنتدى .

**mohamedkaouh** · 08-05-2013 05:27 PM

اولا الحمدلله انك وصلت للمشكله و ربنا رزقك بميكانيكي فاهم و عنده ضمير بس انا لي كام سؤال كده و ارجو ان مش هطول عليك :
1- هو الفلتر القديم معنى كده كان راكب غلط ؟
2- اخبار العربيه ايه معاك دلوقتي ؟

انا عندي مشكله بردوا في عربيتي و هي ضعف السحب مع العلم اني غيرت فلتر البنزين و البوجيهات و كشفت كمبيوتر و ملقيتش حاجه بس الميكانيكي نصحني بتغيير قلب الطرمبه للبنزين بس قاللي امشي بيها دلوقتي علشان لسه فيها خير كتير ان شاء الله بس انا مش مقتنع بالكلام ده علشان الحمدلله العربيه مش بتتعبني في التدوير و لا بتقطع و لا بتنتش و ساعات بترجع لحالتها بس قليل جدااااااا و كتير بتكون في ضعف في سحبها .... الموضوع ده حسيته بعد تفويلة بنزين الله اعلم كان مش نضيف بس غيرت بعدها الفلتر بس و مش عارف دلوقتي ايه اللي ممكن يكون السبب لحد ما شفت موضوعك و قولت ممكن تكون البوجيهات كانت مش مظبوطه او مرطبه او البنزين اللي مش نضيف تعب البوجيهات شويه