كارثة......... تيل فرامل النيو صنى !!!!

**dr_hassan1eg** · 17-03-2013 03:55 PM

كما عودتنا نيسان على مقالبها الساخنة
النهارده بعمل صيانة 10 اﻻف كم .... فوجئت ان مهندس الصيانة بيقولى ان تيل فرامل محتاج يتغير
قولتله عربيات الصينى زى سبرنزا تيل الفرامل بتاعها بيعدى 30 الف كم ... بيقولى هو تيل العربية دى اخره 10 الاف كم
وفيه ناس غيرته على 8 الاف كم
المهم تمنه 450 جنيه غير الضريبة
اتصلت بنيسان ةردوا بمنتهى العجرفة وقلة الذوق ان التيل بره الضمان واحنا هنبقى نكلمك لما الخطوط تفضى
ولضح اننا اخدنا مقلب جامد اوووى فى العربية دى
انا هتصل بحماية المستهلك وابلغهم
والمهم ان نيسان واوكيﻻتها عارفين كويس ان تيل الفرامل من خامة رديئة ومش عيب استخدام بس بيكابروا !!!!!

**mshmshm3** · 17-03-2013 04:03 PM

التيل مش في الضمان (التيل قطعة استهلاكية) ممكن يخلص بعد 1000 كيلو علي حسب استخدامك

**Rsarabia** · 17-03-2013 04:05 PM

للأسف جهاز حماية المستهلك مش هيعمل حاجة فى الحالة دى لان التيل من المستهلكات

**dr_hassan1eg** · 17-03-2013 04:11 PM

نيسان عارفة كويس ان تيل العربية دى بالذات سئ جداااا ..... ومحدش معاه العربية مشتكاش من الفرامل عموما والتيل خصوصا ... لكن ان التوكيل يقولى ان تيل العربية دى اخره 10 اﻻف كم!!!!
ده معناه انى كل كام شهر هغير تيل

**youssef_u** · 17-03-2013 04:31 PM

نجهز المحفظة بقا عشان كل ١٠ نغيره !

**Sehsss** · 17-03-2013 04:31 PM

لازم تصر على تغييره في الضمان لأن ده عيب صناعة، وعيب متكرر

**Land_Cruiser** · 17-03-2013 04:54 PM

لو عربيتك الشكل الجديد في صاجه التيل الخلفي بتتركب مجانا لان العربيه بتبقي نازله بدونها و زملاء كتير في القسم هنا ركبوها و أداء الفرامل اتظبط بعدها فممكن تحجز ميعاد صيانه مع اوتو ايجيبت و تروح تركبها. ياريت بس حضرتك توضح اي توكيل اللى قال لحضرتك الكلام ده و كمان أمثله للمفاجآت الغير ساره اللي حضرتك اتعودت تواجهها مع نيسان و بصفه عامه لو اسلوب كلام ماعجبش حضرتك تقدر تعمل شكوى عن طريق الاتصال بخدمه العملاء لإثبات حقك و لمجازاه المقصر . طبعا تيل الفرامل زيه زي الكاوتش من الاجزاء الاستهلاكية و لذلك ما بيبقاش عليه ضمان من نيسان إنما هما احيانا لما بيلاقوا التيل خلص بسرعه بيغيروه في الضمان و ان كان مش واجب عليهم و لا في اي توكيل تاني لكن إرضاء للعملاء احيانا بيعملوه و حصلت قبل كده مع أعضاء معانا و لو حضرتك دورت في المواضيع القديمه هتلاقي الكلام ده

بص كمان علي الموضوع ده هيفيدك في كيفيه التصرف
http://www.nilemotors.net/Nile/335700-a.html

**m.ghanem** · 17-03-2013 04:57 PM

اشجينا اشجى
نيسان عاوزة وكيل يابانى هنا
شكلنا لبسنا يا معلم
انتظر منى تقرير حلو قريبا

**zambarota** · 17-03-2013 05:00 PM

السلام عليكم ورحمه الله

انا مش عارف الناس بقت تستسهل وتعمل مواضيع وتكتب عليها كارثيه من غير متقلب فى المواضيع السابقه ليه

اخي الكريم موضوع التيل ده عيب صناعه موجود فى نيسان

ويتم تغييره فى الضمان ...وانا غيرته فى الضمان وفى ملاك للعربيه معانا غيروه فى الضمان

ولو مغيرتش التيل هاتلاقى الطنابير كمان عايزه تتغير

برجاء مراجعه مواضيع التيل والطنابير وتغيرها فى الضمان من تجارب الاعضاء السابقه