عدادات الرحلة والإمبليزر والساعة فيها مشكلة

**noory** · 18-03-2013 10:22 PM

أخوكم د.نور
السلام عليكم أحبتي
الموضوع باختصار العربية نيو نيسان2013 عندي حسيت أنها بتستهلك 300 في التفويلة الواحدة فرحت الصيانة في أسيوط أخدوا العربية وحطوها على الكمبيوتر عندهم طلعتلي العربية فيها التالي:
1-علامة الخلل مستمرة مع تشغيل العربية
2-لمبة الإمبليزر تعطلت
3-خاصية فتح السنتر بعد غلق السيارة تعطل
4-عدادات الرحلة بتصفر بعد غلق العربية ب30 ثانية
5-عداد متوسط استهلاك البنزين بيصفر بعد غلق السيارة ويبدأ من جديد كل مرة
6-الساعة تبدأ بالساعة 1.00 عند بدأ التشغيل كل مرة أي بتصفر برده عند غلق السيارة
معرفوش يحلو ا هذه المشكل وبعتوها للسبع بحجة أنهم في مركز أسيوط معندهمش جهاز الكمبيوتر الخاص بn17 المهم راحت العربية ورجعت بدون حل لهذه المشاكل وانا ليه شهر مابنام حاسس إن العربية ادمرت وزعلت جدا بعد ما كنت فرحان بيها جدا وفخور إني من ملاك صني المحترمة
ووصلت معاهم حتى الأن إن جهاز العربية والمانيوال سيرفز هيوصلوا الإسبوع الجاي وأنا أشك إن عندهم الحل
علما بأني من أسيوط ومعنديش وقت أنزل القاهرة وأخاف أمشي بيها وفيها كل هذه المشاكل
أرجوكم طمنوني ووجهوني أعمل أيه من صيانة أسيوط وأه الإجراء القانوني في حالة عدم إصلاحهم السيارة
خاصة وإن العربية ما كانش فيها إلا سمكرة 5سم في الشنطة وفحص استهلاك بنزين
أخوكم د.نور جامعة أسيوط

**youssef_u** · 18-03-2013 10:40 PM

واضح ان العربية فيها مشكلة في السوفتوير او في الكهرباء .... انا ارشح لحضرتك تروح اوتوايجيبت ابو رواش و هناك ان شاء الله يحلولك المشكله و لو فضلت ابعت شكوى لنيسان ايجيبت او نيسان الشرق الاوسط .
و تقريبا عادي حضرتك تمشي بالعربية لان غالبا دي مشكلة سوفتوير

**noory** · 18-03-2013 11:04 PM

ربنا يبارك فيك طمنتني ويارب ما تواجهة أي حاجة تزعجك .أخوك د.نور

**noory** · 18-03-2013 11:05 PM

ربنا يبارك فيك طمنتني ويارب ما تواجهة أي حاجة تزعجك .أخوك د.نور

**Dr_MaTrix** · 18-03-2013 11:22 PM

دحاول تنزل القاهرة مرة بقى وتتصل على اوتو ايجيبت وتحجز معاد للصيانة فى وقت تكون فاضى فيه......وباذن الله المشكلة بسيطة واعتقد انك ممكن تمشى بالعربية عادى ويا ريت الاعضاء اللى بعدى يفيدوك اكتر

**noory** · 19-03-2013 12:12 AM

ربنا يبارك فيك طمنتني ويارب ما تواجهة أي حاجة تزعجك .أخوك د.نور

**noory** · 19-03-2013 12:16 AM

كان الله في عون العبد ما دام العبد في عون اخيه بارك الله فيك

**د.محمدعبدالعال** · 19-03-2013 12:43 AM

لا داعي للقلق يا د. نور .. كما قال الأصدقاء واضح ان كومبيوتر العربية ملخبط .. العربية ممكن يتمشي بيها عادي جدا .. ورغم اني لسه مجربتش اوتو ايجيبت بس واضح من كلام الاصدقاء في الموقع انهم ممكن يحلوهالك

**EL DEEB** · 19-03-2013 12:49 AM

هي مشكله سوفت وير زي ما اواتي قالوا بس انا عندي فكره كده كان في مشكله مشابهه حصلت مع جاري في لانسر قرش وطلع المشكله ان البطاريه كانت ضعيفه وقربت تنتهي عادي ممكن البطاريه تبوظ والعربيه جديده علشان بتكون مركونه في المصانع مده طويله جرب تركب بطاريه جديده من اي حد تاني وتكون مشحونه كويس وجرب كده ممكن لو مش اتحلت المشكله انزل القاهره بس الصبح بدري علشان تكون مطمن علشان لو لاقدر الله حصل مضاعفات في مشكله السوفت وير ولو تعرف تاخد حد معاك بعربيه كويسه جامده يعني وتاخد معاك وير احتياطي علشان في اي مشكله يشدك علشان الطرق زي ما حضرتك عارف مش امان خالص

ارجو ان اكون قد افدتك

**ahmed452003** · 19-03-2013 10:29 AM

المشاركة الأصلية كتبت بواسطة noory

أخوكم د.نور
السلام عليكم أحبتي
الموضوع باختصار العربية نيو نيسان2013 عندي حسيت أنها بتستهلك 300 في التفويلة الواحدة فرحت الصيانة في أسيوط أخدوا العربية وحطوها على الكمبيوتر عندهم طلعتلي العربية فيها التالي:
1-علامة الخلل مستمرة مع تشغيل العربية
2-لمبة الإمبليزر تعطلت
3-خاصية فتح السنتر بعد غلق السيارة تعطل
4-عدادات الرحلة بتصفر بعد غلق العربية ب30 ثانية
5-عداد متوسط استهلاك البنزين بيصفر بعد غلق السيارة ويبدأ من جديد كل مرة
6-الساعة تبدأ بالساعة 1.00 عند بدأ التشغيل كل مرة أي بتصفر برده عند غلق السيارة
معرفوش يحلو ا هذه المشكل وبعتوها للسبع بحجة أنهم في مركز أسيوط معندهمش جهاز الكمبيوتر الخاص بn17 المهم راحت العربية ورجعت بدون حل لهذه المشاكل وانا ليه شهر مابنام حاسس إن العربية ادمرت وزعلت جدا بعد ما كنت فرحان بيها جدا وفخور إني من ملاك صني المحترمة
ووصلت معاهم حتى الأن إن جهاز العربية والمانيوال سيرفز هيوصلوا الإسبوع الجاي وأنا أشك إن عندهم الحل
علما بأني من أسيوط ومعنديش وقت أنزل القاهرة وأخاف أمشي بيها وفيها كل هذه المشاكل
أرجوكم طمنوني ووجهوني أعمل أيه من صيانة أسيوط وأه الإجراء القانوني في حالة عدم إصلاحهم السيارة
خاصة وإن العربية ما كانش فيها إلا سمكرة 5سم في الشنطة وفحص استهلاك بنزين
أخوكم د.نور جامعة أسيوط

يا دكتور نور لازم تتصل بنيسان وتشتكي وتحكلهم الي حصلك ولما تحب تعمل سمكره اعملها بره التوكيل التوكيل شغله اي كلام . وعلى فكرة انا مقيم في اسيوط ومعايا النيو صني السوبر صالون ورايحلهم علشان اعمل صيانة 5000 بكره وعندي تقريبا نفس مشكلتك في استهلاك البنزين وبيني وبينك جربتهم في صيانة الالف وقلقت منهم لانهم لايفقهوا شىء وعملت معاهم مشكلة قبل كده وياريت لو فيه فرصة اني اتعرف على حضرتك و نشجع بعض ونسافر مع بعض نعمل صيانة في اوتوا ايجبت او لو تحب نروح البلقان الي في بني سويف .. اخوك احمد