إيه أحسن المميزات إللي عجبتك في النيو صني؟

**abdulmoniem** · 18-03-2013 05:26 AM

دلوقتي يا شباب .. إحنا كل شوية نلاقي واحد باعت موضوع بيشتكي من حاجة في العربية ..

بيشتكي من التوكيل

بيشتكي من قطع الغيار

كنت زمان قبل مشتري العربية الناس دي كانت شككتني في قراري.. ودلوقتي أنا عرفت إن كلامهم كان over شوية ..

وأنا كمان لما جبت العربية كنت من الناس دي ..

إيه رأيكم نقلب الآية شوية ..

وكل واحد يكتب إيه أكتر ميزة عجبته في العربية .. ونسيبنا من العيوب شوية؟

لأن مفيش عربية مفيهاش عيوب.

---------------------------------------
ممنوع الكتابة باللون الأحمر لانه مخصص للمداخلات الادارية
مشرف القسم ب5

**abdulmoniem** · 18-03-2013 09:42 AM

بالنسبالي .. من أكتر المزايا إللي حببتني في نيسان

هي الفرامل ..

كنت مرة ماشي على 60 تقريباً .. ومش واخد خوانة .. وكان معايا مراتي وبنتي

وفجأة لقيت خندق بعمق محترم .. وعرض محترم :d

أنا قلت خلاص .. أكلته وإللي كان كان ..

وكمان تلقائياً من غير مقصد .. دست فرامل على أخري .. والمشكلة إني قلت أكيد مراتي وبنتي هيطيروا من الكرسي دلوقتي ويخبطوا في التابلوه ..

وكانت المفاجأة ..

العربية وقفت قدام الخندق الظريف ده ... كأني لسة مطلعتش بالعربية أصلاً ..

ومراتي محستش بالموقف أصلاً :))

من ساعتها وأنا بحب نيسان أكتر من الأول :)

**ahmed_hanafi** · 18-03-2013 10:02 AM

موضوع فكرته كويسة واحييك علي فكرة الموضوع

**abdulmoniem** · 18-03-2013 11:01 AM

المشاركة الأصلية كتبت بواسطة ahmed_hanafi

موضوع فكرته كويسة واحييك علي فكرة الموضوع

الله يخليك يا باشا وعايزين نشوف مشاركتك معانا :)

**abdulmoniem** · 18-03-2013 11:38 AM

من المزايا التانية إللي عجبتني جداً ..

مزايا التذكير بالحاجات إللي ممكن تأثر على العربية أو على الأمان ..

يعني مثلاً

خاصية الزمارة لما أسيب النور مفتوح وأنزل من العربية
خاصية الزمارة بتاعة حزام الأمان
خاصية اللمض إللي بتوريك كل حاجة .. زي البيبان المفتوحة (دي في كل العربيات متهيألي بس عجباني لأن عربيتي القديمة دوجان ومكنش فيها أي حاجة من الحاجات دي :d)
خاصية البرمجة بتاعة إن العربية لما تمشي .. يقفل البيبان لوحدها .. حلوة جداً

وحاجات تانية كتير ..