إيه أحسن المميزات إللي عجبتك في النيو صني؟

**د.محمدعبدالعال** · 19-03-2013 12:58 AM

طبعا كل المميزات اللي قلتوها انا معاكو فيها وموافق عليها .. أحب اضيف كمان علو العربية عن الارض مع ضمان ثباتها على السرعات العالية نسبيا .. العربية عالية ومش بتحك في المطبات مهما كنت محمل فيها وفي نفس الوقت ثابته في الملفات

**dodyam** · 19-03-2013 08:56 AM

الوسعااآآآن يا رجالة و العلو عن الأرض

**abdulmoniem** · 19-03-2013 09:35 AM

من أكتر الميزات برضه ..

العزل ..

أقصد .. لما يكون الجو زحمة .. ودوشة .. وموتوسيكلات يمين وشمال .. ووجع دماغ

أروح قافل الشباك .. ومشغل التكييف والكاسيت ..

وأكنك قاعد على البلاج بالظبط :))))

**ahmad--ezzat** · 19-03-2013 09:47 AM

المشاركة الأصلية كتبت بواسطة abdulmoniem

بالنسبالي .. من أكتر المزايا إللي حببتني في نيسان

هي الفرامل ..

كنت مرة ماشي على 60 تقريباً .. ومش واخد خوانة .. وكان معايا مراتي وبنتي

وفجأة لقيت خندق بعمق محترم .. وعرض محترم :d

أنا قلت خلاص .. أكلته وإللي كان كان ..

وكمان تلقائياً من غير مقصد .. دست فرامل على أخري .. والمشكلة إني قلت أكيد مراتي وبنتي هيطيروا من الكرسي دلوقتي ويخبطوا في التابلوه ..

وكانت المفاجأة ..

العربية وقفت قدام الخندق الظريف ده ... كأني لسة مطلعتش بالعربية أصلاً ..

ومراتي محستش بالموقف أصلاً :))

من ساعتها وأنا بحب نيسان أكتر من الأول :)

ازاى يافندم !!!!!
بس
انت بتتكلم ف حاجه بعيده عن الفرامل والعربيه نهائى

لو ماشى بمرسيدس على 60 ودوست فرامل جامد والعربيه امسمرت مكانها ...لازم اللى جوه يترزع فى التابلوه نتيجه الوقوف المفاجىء طبعا بغض النظر عن سرعه استجابه الفرامل :)

دة حب للعربيه زياده شويه متنكرش

**abdulmoniem** · 19-03-2013 10:02 AM

المشاركة الأصلية كتبت بواسطة ahmad--ezzat

ازاى يافندم !!!!!
بس
انت بتتكلم ف حاجه بعيده عن الفرامل والعربيه نهائى

لو ماشى بمرسيدس على 60 ودوست فرامل جامد والعربيه امسمرت مكانها ...لازم اللى جوه يترزع فى التابلوه نتيجه الوقوف المفاجىء طبعا بغض النظر عن سرعه استجابه الفرامل :)

دة حب للعربيه زياده شويه متنكرش

لأ أنا بتكلم عن موقف حصل معايا ملهوش علاقة بحب العربية من عدمه .. أنا كنت لسة شاريها حالاً يعني ملحقتش أحبها أو أكرهها :)

وعلى فكرة جربت نفس الموضوع في الكيا .. وكانت سيئة جداً .. وكنت بلبس في التابلوه

**SonaSteel** · 19-03-2013 11:17 AM

هو ممكن ماشاء الله المسافة بين الكرسي والتبلوه بعيده .... فملحقوش يخبطوا في التابلوه
لكن لازم هايتححركوا بالقصور الذاتي ... هو ممكن الscale بس اللي كبير شويه فمخدتش بالك :))

**abdulmoniem** · 20-03-2013 07:33 AM

المشاركة الأصلية كتبت بواسطة sonasteel

هو ممكن ماشاء الله المسافة بين الكرسي والتبلوه بعيده .... فملحقوش يخبطوا في التابلوه
لكن لازم هايتححركوا بالقصور الذاتي ... هو ممكن الscale بس اللي كبير شويه فمخدتش بالك :))

برضه ممكن ..

لكن أنا محستش بيها زي محسيت بيها في الكيا نهائي

**د.محمدعبدالعال** · 23-03-2013 02:10 AM

المشاركة الأصلية كتبت بواسطة hanyfarag

اعتقد ان من المميزات ان العربيه بعد اول وتانى نقله العربية مش هتشوفها تجميع السرعات كويس جدا بعد ال 60 لكن فى الاول بتبقى بطه وبعد كده

مش معاك في الحكاية دي .. العربية بتجمع بسرعة في الأول لو انت قرصت شوية على دواسة البنزين .. لكن لو ماشي هادي طبيعي اانها تبقى بطيئة لأن العربية بتنقل تقريبا على وال rbm على 2000 عشان متستهلكش بنزين .. بيتغير الموضوع ده حسب طريقة سواقتك