دواسة الفرامل ودواسة الدبرياج

**elandlos** · 19-03-2013 08:42 PM

السلام عليكم جميعا ورحمة الله وبركاته
طيب الله اوقاتكم جميعا بذكر الله وبكل الخير
انا عندى مشكله بسيطه لكن تغيظ والميكانيكى شخصى العطل لكنى غير مقتنع
عند الضغط على دواسةالدبرياج وثم المتابعه بالضغط على دواسةالفرامل تلتصق دواسةالفرامل لأسفل ولا ترتد الا اذا ارتدت دواسةالدبرياج اما عند استعمال دواسة الفرامل بدون استعمال الدبرياج فلا مشاكل
الميكانيكى قالى ان العربيه كده عايزه دسك واسطوانه
تقبلوا تحياتى

**sakr_skoda** · 19-03-2013 08:51 PM

هههههههههههه اه اه يديسكى يانى !!!!!!!!!!!!

يعنى والله مش عارف انتا روحت لميكانيكى ولا لدكتور عظام اه اه يدسكى بيجى على السيرة هههههههههههههههههههههه

ياعم على........الديسك والاسطوانة بيعتبروا نقطة الوصل بين الفتيس (الجريبوكس)والموتور يعنى هما المسؤلين عن نقل الحركة من الموتور للفتيس
طيب اخبار السحب عندك ايه ؟؟؟؟؟
اول لما بطلع بالعربية بتلصق فى الأرض كدا وبتحس انها مبلطة فى الارض ومش عاوزة تمشى؟؟؟

لو عندك الاعراض دى يبقى ديسك واسطوانه اه يدسكى يانا....*

اعتقد ان المشكلة عندك فى الدواسات مش اكتر عاوزك كدا تدوس على الديبرياج والفرامل بايدك الاتنين كدا وبص شوف ايه اللى بيمنع رجوع دواسة الفرامل ممكن الدوستين يركبو على بعض وعطلو بعض لأنهم ببساط الاتنين ركبين على حامل واحد اما دواسة البنزين راكبه على حامل لوحدها فمن الممكن يكون فيه حاجو بتحشر بين الدوستين بتمنع رجوع دواسة الفرامل اهو جرب ومش حتخسر حاجة وسلملى على الدسك اه اه يدسكى يانا ههههههههههههههههههههههههه ههههههههههههههههههههههههه

**elandlos** · 19-03-2013 09:28 PM

ههههههههههههههههههه
بارك الله فيكم
انا سعيد ياحاج صبحى عندما اراك مرحا سعيدا
والله هيه حاجه تستاهل الضحك انا قلت لنفسى الراجل ده هاينسينا الشوية العلم اللى فى دماغنا
ماعلاقة السك والاسطوانه بالفرامل
فعلا انا اؤيد كلام حضرتك انها مشكلة دواسات وكنت آمل ان تكون صادفت احد قبلى فيقولى اعمل ايه ولاسيما الميكانيكى اعطى تقريره ومش هيشتغل فى غير اللى معتقد بيه
مع انى شوفت الجزء المشترك بين الدواستين فى الكتالوج ووجدتهم فعلا على محور واحد ولكل دواسه سوسته
ساتوكل على الله واحاول افك الدواسات واظبطها على قدر استطاعتى
بارك الله فى الجميع ونسمع كل خبر خير عن دسكاتكم

**aliabdo** · 19-03-2013 09:40 PM

شيل الدواسه الى فى الارض و جرب عشان كان بيحصل معاى الموضوع ده و طلعت الدواسه

**mshmshm3** · 19-03-2013 09:43 PM

ممكن تطلع اي حاجة في الدنيا غير الديسك و الاسطوانة خالص
حاول ما تفكهمش انت بص عليهم
و ممكن ترش wd 40 علي الدواسات لو في حاجة معصلجة

**YHYAKOTB** · 20-03-2013 02:15 AM

الميكانيكى عاوز يعملك دسك واسطوانة وبالمرة يظبطلك الدواسات الى هى المشكلة الصغيرة الى عندك

معلش لازم يعمل شغلانة

**elandlos** · 20-03-2013 11:59 AM

بارك الله فيكم
انا بصيت على الدواسات واخذت اتجاه صيانتهم بالبنزين او wd 40 لكن وجدت الاتى:-
بتحريك دواسة الفرامل فى اتجاه موازى لأرضية السيارة وجدت بوش كبير
اتوقع ان يكون البوش ده سبب ركنة دواسة الفرامل تحت مع الدبرياج
انا بفكر فى طقم دواسات استعمال وانهى المشكله

**haythamseed** · 21-03-2013 01:32 PM

المشاركة الأصلية كتبت بواسطة elandlos

بارك الله فيكم
انا بصيت على الدواسات واخذت اتجاه صيانتهم بالبنزين او wd 40 لكن وجدت الاتى:-
بتحريك دواسة الفرامل فى اتجاه موازى لأرضية السيارة وجدت بوش كبير
اتوقع ان يكون البوش ده سبب ركنة دواسة الفرامل تحت مع الدبرياج
انا بفكر فى طقم دواسات استعمال وانهى المشكله

ياباشا انا كان عندى نفس المشكلة دى بالظبط
اولا انا مغير الديسك والاسطوانة من فترة وملهاش اى علاقة نهائى بي دواسات
ولما روحت اللمكانيكى علشان المشكلة دى قلى الدواسة الفرامل ودواسة الدبرياج مش مسكين فى بعض كويس لان الصموالا الى بتربط فيهم وقعت ورابطهملى ب صمولة تانية وانتهت المشكلة

**EngAhmedSayed** · 21-03-2013 05:51 PM

المشاركة الأصلية كتبت بواسطة haythamseed

ياباشا انا كان عندى نفس المشكلة دى بالظبط
اولا انا مغير الديسك والاسطوانة من فترة وملهاش اى علاقة نهائى بي دواسات
ولما روحت اللمكانيكى علشان المشكلة دى قلى الدواسة الفرامل ودواسة الدبرياج مش مسكين فى بعض كويس لان الصموالا الى بتربط فيهم وقعت ورابطهملى ب صمولة تانية وانتهت المشكلة

صح كلامك

الموضوع: دواسة الفرامل ودواسة الدبرياج

LinkBack

أدوات الموضوع

عرض

-

-

-

-

المواضيع المتشابهه

التيريوس ودواسة الفرامل

دواسة الدبرياج

سؤال بخصوص الفرامل ودواسة الفرامل؟؟؟؟

دواسة الدبرياج

زيت تحت دواسة الدبرياج

الكلمات الدلالية لهذا الموضوع

المفضلات

المفضلات

ضوابط المشاركة