صوت صفارة مزعجة عند العجلة الأمامية

**Hamroosh** · 10-04-2013 01:36 PM

فليشيتي موديل 95 غيرتلها طمبورة وتيل للفردتين أمامي أصلي. المشكلة اني بسمع صوت صفارة مزعجة عند العجلة اللي تحت السائق أثناء السير على سرعة منخفضة جدا يعني مثلا على سرعة واحد ماشي على رجله.

الصوت بيختفي لما أمشي أسرع من كده وكمان بيختفي بمجرد اني أشعر بس رجلي على الفرامل او حتى ادوس جامد. الصوت مش بيكون موجود خالص وانا لسه خارج بالعربية (يعني بارده) وبيظهر أكتر كل ما امشي اكتر وفي نهاية المشوار بحس ان الجنط ده اسخن من المقابل له اللي راكبله نفس الطمبورة والتيل في نفس الوقت.

الفرامل مش بتكون قافشة لاني بعد المشوار لو واقف على منزل العربية بتنزل ولو زقيت العربية بتمشي.

الميكانيكي فك التيل وصنفرة ورفع العجلة ولفها بايده وقاللي حركتها طبيعية، بس لسه المشكلة موجوده.

أفيدوني أعمل ايه أفادكم الله.

**AhMeD MeTwAlY** · 10-04-2013 03:54 PM

دي شوية وساخه موجود حضرتك بشوية مايه علي تيل الفرامل والعربيه واقفه انا لما كان بيحصل معايا كدا في الغاليه كنت بضرب فيها خرطوم المايه واسبها اخرج بيها شوية وبينتهي الموضوع

**lord_adel** · 10-04-2013 08:20 PM

يا باشا التيل والطنابير لسه بتطبع وده عادى جدا

**sakr_skoda** · 10-04-2013 09:55 PM

عاوز تتاكد انها من التيل ولا لاء اول ما تسمع الصفارة دوس دوسة خفيفة على دواسة البنزين برجلك الشمال لو اختفت الصفارة يبقى جووووووووووووووووووون هو التيل اللعين انما لو مختفتش لا قدر الله يبقى بلى العجلة واظنه احتمال بعيد....

**Hamroosh** · 11-04-2013 10:08 AM

المشاركة الأصلية كتبت بواسطة lord_adel

يا باشا التيل والطنابير لسه بتطبع وده عادى جدا

ههههههه حضرتك تعرف واحد اسمه أحمد مصطفى !!!

أصل هو ده صاحبي اللي كان معايا وانا بركب التيل والطنابير وكل ماقوله فيه صوت يقوللي اصبر لسه بيطبع لحد ماعديت دلوقت 4000 كيلو ولسه الصوت موجود

**Hamroosh** · 11-04-2013 10:16 AM

المشاركة الأصلية كتبت بواسطة sakr1964

عاوز تتاكد انها من التيل ولا لاء اول ما تسمع الصفارة دوس دوسة خفيفة على دواسة البنزين برجلك الشمال لو اختفت الصفارة يبقى جووووووووووووووووووون هو التيل اللعين انما لو مختفتش لا قدر الله يبقى بلى العجلة واظنه احتمال بعيد....

انت اللي دايما ردودك في الجوووون يا عم صبحي وبعدين الرجل الشمال دي عاوزة واحد بيلعب في الدوري الأوروبي.

للاسف ابتديت الاحظ الصوت على خفيف جدا وانا ماشي بسرعة يعني اللي قاعد جتبي ممكن مايلاحظش.. بس طبعا لسه الصوت المزعج موجود وانا بطئ...
الصوت بيختفي فعلا لما أدوس بنزبن او فرامل كمان. بس التيل جايبه اصلي واللي في الفرده التانية اخوه وماشي تمام.