ترخيص لانسر بومه 1600

**hatem_swaf** · 12-04-2013 02:03 AM

السلام عليكم

كنت عايز اعرف ترخيص لانسر بومه 1600 موديل 2013 فى المرور حيتكلف كام فلوس ؟ وايه الاوراق المطلوبه؟

وشكرا

**amro0000** · 12-04-2013 02:05 AM

ياعم انا في ام الموال الزفت دا بقالي كام يوم اهو قولي انتة مرور اية والعربية بأسمك ولا توكيل ومسجل في شهر عقاري ولا الرخصة بأسمك تفاصيل ياباشا

**hatem_swaf** · 12-04-2013 02:08 AM

المشاركة الأصلية كتبت بواسطة amro0000

ياعم انا في ام الموال الزفت دا بقالي كام يوم اهو قولي انتة مرور اية والعربية بأسمك ولا توكيل ومسجل في شهر عقاري ولا الرخصة بأسمك تفاصيل ياباشا

عربيه جديده حرخصها باسمى
مرور العباسيه
هى اتوماتك
وربنا يعينك وشكرك لاهتمامك

**amro0000** · 12-04-2013 02:11 AM

انشاء الله امرها بسيط انا بحسبك زي حلاتي هتنقل من مرور لمرور انت اول حاجة هتطابق بصمة تقريبا وتشتري ورق فحص وبعدها هتفحصل وبعد كدة هتروح عند شباك المرور تديله ورق الفحص وبعدها هيبدأو اجرائتهم معاك بس خلي بالك بيرخمو في حوار الطفاية لازم الطفاية مصانع حربية او بفاريا حاجة زي كدة وسعرها 140جنية يعني بسيطة وربنا يعينك والف مبروك علي العربية وانا بردة برخص معاك بس لسة معملتش نص الخطوات يوم السبت هكمل وهقولك باقي الخطوات وانشاء الله بسيطة

**hatem_swaf** · 12-04-2013 03:00 AM

الف شكر ياباشا وربنا يسهل امرك وتخلص وترتاح

**Optiplex** · 12-04-2013 08:31 AM

حسب معلوماتى علشان زيروو هاتتكلف ان شاء الله لو سنة واحدة 950 جنية

**pharohtemo** · 12-04-2013 03:14 PM

المشاركة الأصلية كتبت بواسطة amro0000

إن شاء الله امرها بسيط انا بحسبك زي حلاتي هتنقل من مرور لمرور انت اول حاجة هتطابق بصمة تقريبا وتشتري ورق فحص وبعدها هتفحصل وبعد كدة هتروح عند شباك المرور تديله ورق الفحص وبعدها هيبدأو اجرائتهم معاك بس خلي بالك بيرخمو في حوار الطفاية لازم الطفاية مصانع حربية او بفاريا حاجة زي كدة وسعرها 140جنية يعني بسيطة وربنا يعينك والف مبروك علي العربية وانا بردة برخص معاك بس لسة معملتش نص الخطوات يوم السبت هكمل وهقولك باقي الخطوات وإن شاء الله بسيطة

هو صحيح فى حالة نقل الملكية لازم أفحص و أرجع للمرور القديم بتاع المالك الأول للعربية علشان أعمل مطابقة ؟؟؟ أصل أنا حبدأبكره فى الحوار ده و كمان حبدأ فى مرور السلام (أعوذ بالله)

**limo** · 12-04-2013 07:22 PM

العربيه لو زيرو ترخيصها سهل جدا
هتروح لمرور الوايلى وحدد انت هترخص سنه ولا ثلاث سنوات ولازم يكون معاك بايعه معتمده وافراج جمركى
هتشترى طفايه حريق
وبعد كده هتجيب نماذج تجديد على حسب المده الى انت هجدد بيها
بعد كده هتدفع التامين على حسب المده الى انت هتجدد بيها
وهتجيب ملف
وصور البطاقه بتاعتك كذا صوره
بعد كده هترفع بصمه الشاشيه والمتور
وبعد كده هتروح على موظف الشباك هتقولوا ترخيص اول مره وهوه هيقدر الضريبه على حسب المده الى انت عايزها سنه او اثنين او ثلاثه
هتورح تدفع فى الخزينه وتديله الايصال الازرق وتاخد انت الاحمر وهيقولك ارتاح لحد ما تسمع اسمك علشان تاخد الرخصه
التكلف تقريبا 1200 جنيه ثلاث سنوات

**amro0000** · 12-04-2013 09:23 PM

المشاركة الأصلية كتبت بواسطة pharohtemo

هو صحيح فى حالة نقل الملكية لازم أفحص و أرجع للمرور القديم بتاع المالك الأول للعربية علشان أعمل مطابقة ؟؟؟ أصل أنا حبدأبكره فى الحوار ده و كمان حبدأ فى مرور السلام (أعوذ بالله)

ياباشا عشان تريح نفسك ومتتبهدلش زي حلاتي هات كل الي هقولك علية من المرور القديم بتاع العربية اعمل مطابقة بصمة واستعلام امني وهات شهادة بيانات وشهادة مخالفات هات كل دا مرة واحدة ومتنساش الطفاية الحوار الحلو بتاعهم لازم تكون طفاية معتمدة مصانع حربية او فاترا او بفاريا مش فاكر اسمها بلزبط وربنا يعينك علي الويييييييييل والعزاب

**pharohtemo** · 12-04-2013 09:27 PM

المشاركة الأصلية كتبت بواسطة amro0000

ياباشا عشان تريح نفسك ومتتبهدلش زي حلاتي هات كل الي هقولك علية من المرور القديم بتاع العربية اعمل مطابقة بصمة واستعلام امني وهات شهادة بيانات وشهادة مخالفات هات كل دا مرة واحدة ومتنساش الطفاية الحوار الحلو بتاعهم لازم تكون طفاية معتمدة مصانع حربية او فاترا او بفاريا مش فاكر اسمها بلزبط وربنا يعينك علي الويييييييييل والعزاب

:f_eyeb1[1]:

بس علشان أجيب مطابقة بصمة لازم أفحص الأول فى المرور بتاعى ؟؟؟ يعنى لازم أروح مرورى الأول ؟؟ و شكراً على رد حضرتك ..