ضمان الوكيل و الدنجل ؟؟؟؟ بدأنا القرف

**Cutevampire** · 16-04-2013 02:01 PM

بسم الله الرحمن الرحيم

شباب انا معايا سيراتو 2010 sx وكيل ... روحت اعمل صيانة ال 400000 ... سيبك طبعا من الاسعار االخيالية اللي وصلت الصيانة ل 2000 جنيه في شوية فلاتر
المهم كنت خبطت خبطة بسيطة في العربية في العجلة اليمين .. سواق تاكسي متخلف خبطني في تقاطع
... المهم اتعوج الصاج مساعة يدوبك 15 سم في 15 سم عند الرفرف.

طلبت في الصيانة يشفولي الزوايا لاني حاسس ان العربية فيها حدفة خفيفية ..
طلع تقرير الزوايا ان الدنجل اتعوج ؟؟؟؟ و تكلفته 4500 ؟؟؟؟؟؟؟؟؟؟؟؟؟؟؟؟؟؟؟؟؟؟

دلوقتي ايه الحل و هل فعلا الحادثة البسيطة دي تعوج الدنجل ؟؟؟
اعمل مشكلة مع التوكيل و جهاز حماية المستهلك لان العربية لسه في الضمان و لا الدنجل بره الضمان ؟؟؟

كمان هل الدنجل ده موجود بره التزكيل و تكلفته كام ؟؟

**ahmedhossam86** · 16-04-2013 02:12 PM

انا رأيي روح بيها لمركز صيانة تاني و تالت قبل ما تفكر تصلح.. حتي لو روحت لمركز صيانة تبع الوكيل برضه بس فرع تاني.. الاخوة هنا يقدروا يساعدوك باسامي مراكز الصيانة و عنواينهم (امير و جوزيف مثلا)

بس اكيد دي بره الضمان لانها نتيجة الخبطة (ده من وجهة نظرهم).. انت ممكن تستعدل الصاج عند اي حد قبل ما تروحلهم تاني عشان مايبقاش الشكل مستفز ليهم و يقولولك ما هي العربية مخبوطة اهي.. فاهمني

**احمد المصرى** · 17-04-2013 09:55 AM

مش شرط يكون فى حاجه اساسا فى العربيه ممكن تكون حاجه هيافه موت موت ويقولك غير اكشف عليها عند مركز تانى واكشف عليها عند ميكانيكى امين برضوا وشوف رايهم ايه

**moha4tec** · 17-04-2013 07:28 PM

الدنجل بتاع السيراتو ضعيف و اى خبطه تيجى فى العجل بتعوجه و بتخلي العجل يقفل و يا كل كوتش و ممكن تعوم منك
اى خبطه و لو حتى بسيطه او حكه فى الرصيف او حجر .لان الكلام دا حصل معايا بردو.
الحل
1- تغيير الدنجل بس غالى
2- تعمل زرجينه .رخيص بس مش مضمون و لازم عند حد تمام جدا

**Cutevampire** · 18-04-2013 02:23 PM

متشكر قوي يا شباب
روحت لميكانيكي ثقة من زمان قالي هو في عوجة فعلا و ممكن احاول استعدله بالزراجين ... و قالي انه مش شرط يظبط بعد الزرجينة . لو مظبطش هنغير الدنجل ساعتها . صراحة انا خدت قرار اني اغيره من الاول و خلاص بدل ما اقعد العب في العفشة بزراجين .

قلت اشوف سعر الدنجل في الجندي : الاصلي من التوكيل قالي هيعمل 2200 و الكوري 1750 ( علي كلامه هو هو بتاع التوكيل بس الجندي هو اللي بيستورده من كوريا ) .
بالنسبة للتركيب سألت في التوكيل قالولي في حدود 750 جنيه و سألت في امير و جوزيف قالولي 350 و هتسيب العربية اليوم كله .

الحل النهائي اللي وصلتله : هاشتري الاصلي غالبا من الجندي و هاروح اركبه في المركز اللي عند كوبري الجيش ( انا ناسي اسمه للاسف ) علشان ناس من المنتدي شكرت في م/ محمد عز هناك .
و غالبا مش هاروح التوكيل تاني بصراحة حسيت ان بيتنصب عليا في الاسعار .

**moha4tec** · 18-04-2013 11:41 PM

نصيحه اوعى تشترى حاجه من عند الجندى
و مركز القاهره اوتو ممتاز فعلا و المهندس محمد عز محترم و موثوق فيه
مظبوط هتلبسه
و الكلام دا انا بقوله لنفسى و ليك عشان عندى نفس القصه و هعملها باذن الله فى القاهره اوتو .