تقريـــــــــــــــــــــ ر صيانــــــة ال 10 الاف صنى الجديــــــدة

**Dr_MaTrix** · 18-04-2013 02:43 PM

السلام عليكم ورحمة الله وبركاته

عاملين ايه يا صقور اتمنى انكم بالف خير وسلامة............,

من عناون الموضوع ده تقرير عن صيانة ال 10الاف كيلو للصنى الشكل الجديد

المركز: توكيل السبع فى المنصورة

تفاصيل الصيانة: انا اشتريت الزيت ليكومولى 5w40 هاى تك ب320 وكان معايا الفلتر من الصيانة اللى
فاتت كنت اخدته ايام الصيانة المجانية ...المهم كنت اشتكيت من صوت بتاع الفرامل انه
بيبان معايا على السرعات القليلة بس لما يكون مشوار كبير فالمهندس قالى هنغير لك
صاجة التيل الخلفى فى الضمان ونشيك على التيل ونشوفه عاوز يتغير
وبالفعل تم تغير صاجة التيل وان التيل هيتغير بعد 5 الاف كمان ......وكنت طلبت تفعيل
الانذار وبالفعل اتفعل ببلاش من غير اى فلوس .....والصيانة استغرقت ساعتين
والمهندس اعتذر لى لعدم غسل العربية علشان الكهربا كانت فصلت
والصيانة اتكلفت 142 جنيه بعد الخصم اللى باخده من السبع

احب بس اوجه الشكر للمهندس مصطفى المحلاوى فعلا راجل قمة الذوق والادب والتعاون وربنا يجعله فى ميزان حسناته

تحياتى لكم

**HaNo_ELBeh** · 18-04-2013 02:49 PM

ألف مبروك عليك صيانه ال 10000 كيلو عقبال ال 200000 كيلو
بس كان عندى سؤال هو الصوت كان برده صوت صفاره ولا زى صوت الحكه مثلا
ياريت تفسرلى الجزء ده علشان نبقى عرفين لما الصوت يظهر عند اى حد لاقدر الله يعرف ده صوت ايه بالظبط
تحياتى..

**zambarota** · 18-04-2013 03:07 PM

الف مبروك لحضرتك على الصيانه

وربنا يباركلك فى عربيتك

بالنسبه لصوت الفرامل هل الصوت اختفى بعد تركيب الصاجه

وبالنسبه لان التيل هايتغير بعد ٥ الاف ؟!!!!!! هو التيل فيه مشكله

والمهندس هايغيره فى الضمان ؟!!!!

لان التيل لو فيه مشكله حضرتك ممكن تغيره فى الضمان بدون تحمل اى عبء مالي

وشكرا

**bebo382** · 18-04-2013 03:26 PM

هو يعني ايه تم تفعيل الانذار ؟

**S O P H O S** · 18-04-2013 03:38 PM

الف مبروك الصيانة ..

**youssef_u** · 18-04-2013 03:43 PM

الف مبروك الصيانة و عقبال ١،٠٠٠،٠٠٠ كيلو

**jos** · 18-04-2013 04:51 PM

مبروك يا باشا الصيانة وربنا يبارك لك فى عربيتك بس يا ريت تقول انطباعك وتقييم للعربيه بعد ال10000 كيلو وهل فعلا عيوبها كتير ولا ايه عشان انا حاجز السوبر صالون وسمعت كلام كتير ومجادلات واللى جرب اكيد اجدر واحد يقول الحقيقة فين

**miceg** · 18-04-2013 05:31 PM

شكرا لنقل التجربة
وعقبال صيانة ال500 الف

**Dr_MaTrix** · 18-04-2013 06:22 PM

المشاركة الأصلية كتبت بواسطة zambarota

الف مبروك لحضرتك على الصيانه

وربنا يباركلك فى عربيتك

بالنسبه لصوت الفرامل هل الصوت اختفى بعد تركيب الصاجه

وبالنسبه لان التيل هايتغير بعد ٥ الاف ؟!!!!!! هو التيل فيه مشكله

والمهندس هايغيره فى الضمان ؟!!!!

لان التيل لو فيه مشكله حضرتك ممكن تغيره فى الضمان بدون تحمل اى عبء مالي

وشكرا

الله يبارك فيك يا باشا .....والله بالنسبة لصوت الفرامل انا قرصت على الفرامل وهديت وزودت ولفيت شوية حلوين على اساس لو فى حاجة تبان ما سمعتش اى صوت ومع الاستخدام هيبان اكتر .......وبالنسبة للتيل انا قولت له يشيك عليه علشان الرايش اللى طالع على الجنط من بره ده وقالى هشوفه لو عاوز تغيير بس بعد الصيانة قالى هوا معقول ويقعد معاك 5 الاف كمان هوا الصراحة ماا كانش فى اى حاجة فى الفرامل غير الصوت الخفيف اللى كنت بسمعه غير كده كل حاجة فى الفرامل 10 على 10

-

الموضوع: تقريـــــــــــــــــــــ ر صيانــــــة ال 10 الاف صنى الجديــــــدة

LinkBack

أدوات الموضوع

عرض

تقريـــــــــــــــــــــ ر صيانــــــة ال 10 الاف صنى الجديــــــدة - انشر الموضوع فى :

-

-

-

المواضيع المتشابهه

صنى 2013- رايح اوتو ايجبت اعمل صيانة ال 10 الاف- حد عايز حاجة؟؟؟

تقرير صيانه ٥ الاف وخصم السبع (صنى ٢٠١٣) وعلاج التقشير

انهي زيت افضل للاكسنت rb شل اصفر5 الاف ولا شل الترا10 الاف كم

10 الاف كيلو و 10 الاف تيجو

الكل صنى,صنى - مافيش x-taril

الكلمات الدلالية لهذا الموضوع

المفضلات

المفضلات

ضوابط المشاركة