garage

**MORAD7** · 18-04-2013 09:32 PM

انا عندى عربيه صنى بس حتطها فى جراج الدخل بتاعوا عالى اوى يعنى العربيه لازم تجرى شويه علشان تتطلع على طول غيرك كده تفرك فى الارض وكده بس بتطلع رايكوا ده حياثر على الموتور جامد ولا اشوف جراج تانى ....

**youssef_u** · 18-04-2013 09:33 PM

هو جهد عالموتور بس اظن انه ملهوش ضرر كبير والله اعلم

**MORAD7** · 18-04-2013 09:35 PM

بس انا حاسس ان العربيه تعبت منها

**Land_Cruiser** · 18-04-2013 09:44 PM

لو في امكانيه تحطها في جراج تاني اكيد يبقي افضل و لو مفيش امكانيه و المطلع جامد يبقي تبقي تطلعها المطلع علي التاني لو العربيه مانيوال و لو اتوماتيك تطلعها علي 2 مش ال d. بخصوص الكاوتش اللي بيلف علي الفاضي و حضرتك طالع ده ابقي بص احتياطي علي النقشه في الكاوتش و شوف هل فيه أجزاء ممسوحه و لا لأ لو كانت العربيه مستعمله لان لو النقشه فيها أجزاء ممسوحه تخللي العجل يلف علي الفاضي او لو في حاجه مزحلقه الارض زي رمل او تراب مثلا

**Dr'AhmZZong** · 18-04-2013 11:53 PM

مفيش حاجة إن شاء الله ..

**jojojojo** · 19-04-2013 04:27 AM

اظن مفهاش اي حاجه هي ممكن تضر الموتور ويبقي حمل علي العربيه لو العربيه بتلين غير كده مفيش مشكله الاهم تجيب الاتوماتيك علي 1 في المطالع عشان العزم يبقي عالي

**د.محمدعبدالعال** · 19-04-2013 05:32 AM

المشاركة الأصلية كتبت بواسطة land_cruiser

لو في امكانيه تحطها في جراج تاني اكيد يبقي افضل و لو مفيش امكانيه و المطلع جامد يبقي تبقي تطلعها المطلع علي التاني لو العربيه مانيوال و لو اتوماتيك تطلعها علي 2 مش ال d. بخصوص الكاوتش اللي بيلف علي الفاضي و حضرتك طالع ده ابقي بص احتياطي علي النقشه في الكاوتش و شوف هل فيه أجزاء ممسوحه و لا لأ لو كانت العربيه مستعمله لان لو النقشه فيها أجزاء ممسوحه تخللي العجل يلف علي الفاضي او لو في حاجه مزحلقه الارض زي رمل او تراب مثلا

في مطلع الجراج يطلعها على 1 ولا على 2 .. انا الجراج عندي مش عالي بس بفضل اطلعها على 1 مش على ال d .. ولا ايه الافضل ؟

**Land_Cruiser** · 19-04-2013 11:06 AM

المشاركة الأصلية كتبت بواسطة د.محمدعبدالعال

في مطلع الجراج يطلعها على 1 ولا على 2 .. انا الجراج عندي مش عالي بس بفضل اطلعها على 1 مش على ال d .. ولا ايه الافضل ؟

بص حضرتك يا فندم ال d كده كده ما ينفعش في المطالع لانه بيبدأ من اول التالت وده غير انه غلط ممكن كمان يخللي العربيه تسقف و تبطل من حضرتك و انت علي المطلع لو العربيه مش واخده سرعه و ده مش مناسب للمطالع خاصه كمان لو العربيه مش واخده سرعتها و طالعه من وضع الثبات و لذلك المطالع بتحتاج تطلعها علي الاول او التاني. بالنسبه للاختيار ما بين الاول و التاني ده بيبقي تقديري حسب زوايه ميل المطلع و سرعه السياره اثناء الصعود فمثلا لو المطلع جامد قوي و العربيه كانت راكنه و هتطلع مباشره يبقي اطلع علي الاول و لو اقل شويه ممكن تطلع علي التاني و انا شخصيا افضّل الطلوع علي التاني و التجربه مره واحده فلو العربيه طلعت كويس يبقي استخدمه بعد كده و حتي لو طلعت علي ١ مش هيبقي في مشكله لان الموضوع بيتم في ثواني و هما كام متر يعني و الاول و التاني معمولين في الفتيس الاتوماتيك للغرض ده والمهم انك ما تطلعش علي D كما ذكرنا

**the_air_devil** · 19-04-2013 11:30 AM

حسب زاوي الميل تجيب الأول أو التاني وماتطلعش على d

لو هو جراج خاص بيك وبعمارتك جمع مع الناس وهات مشاية كاوتش ثبتها على نص المطلع...هاتلحقك ومش هاتخلي الكاوتش يفرك ...بس ثبتها على الأرض لأنك عارف خفة يد الناس اليومين دول !

ماتجريش جوة الجراج علشان كذا حاجة , أولهم انك ممكن ماتلحقش تفرمل ويكون طفل أو حد ماشي قدام مخرج الجراج ... وتانيهم ان ممكن ماتكونش زاوية خروجك مظبوطة وتحك في أي حاجة ... وتالتهم ان ممكن العربية من تغيير الزاوية بسرعة تترزع في الأرض والكارتيرة تتضرر