الموضوع: فليشيا 97 مشكله ومش عارف اتصرف؟

المشاركة الأصلية كتبت بواسطة wael ali kamal

السلام عليكم ورحمه الله وبركاته تحياتى الى كل عضو فى هذا المنتدى وخاصه عم صبحى انا مش عارفه بس ربنا يكرمه على مساعدته لنا خاصه اننا مش عارفين حاجه
العربيه كانت زى الفل ومش بتاكل زيت بس كنت بزود لتر ميه كل خمس ايام المهم غيرت زيت شيل الاصفر وبعدها لقيت العربيه ماشيه على 3 بوجيه ثم 2 بوجيه ولسه مغيرهم من اسبوعين وجدت البوجيهات معرقه ولقيت طحينه خفيفه على وش غطا الزيت ولقيت المقاس الزيت زايد يعنى شكلها كده الميه بتخش على الزيت مع ان العربيه لم تسخن منى خالص اخرها لما تسخن اوى تجيب تحت 90 بشويه مش عارف اعمل ايه واروح فين وبكام علشان اناجديد فى الموال ده ولو حبيت ابيع دلوقتى هتجيب كام هى موديل 97 رشه حزام من الخارج فبريكه من بره ومن جوه وشكرا طولت عليكم

وعليكم السلام
اولا لو كنت بتزود مية من الحنفية بقالك مدة كبيرة ومعملتش غسيل لدورة التبريد فالمتوقع انها تكون عملت صدأ وكلت من وش السلندر ودخلت على الزيت وبما انك كمان بتقول بتزود لتر كل 5 ايام فده الاحتمال الاكبر للى حصل عندك
ثانيا البوجيهات معرقة زيت يبقي كده محتاج طقم شنبر
ثالثا الطحينة الخفيفة على وش غطا الزيت ممكن تتحل بانك تشترى من اى بنزينة علبة اسمها Junk Block Seal ودى ليها شروط معينة عند استعمالها ودى ميزتها انها بتسد اى اماكن فيها تسريبات
رابعا مش شرط العربية تكون سخنت منك وزى ماقلتلك مية الحنفية ليها مفعول السحر
خامسا لو مش هتبيع يبقي هتعمل للموتور ده جوان وش سلندر ولو الوش مش مقفع هيتملى الومنيوم ويتمسح ليه عند الخراط مع طبعا طقم الشنبر ولو الوضع مش وحش قوى يبقى تركب بوجيهات سن قصير
بالنسبة بقى لبيع العربية فبالحالة دى مش هتجيبلك حاجة علشان اللى هياخدها هيقولك دى محتاجة عمرة موتور فانت ظبط الموتور بالحاجات اللى انا قلتلك عليها والموتور لما الميكانيكى يفتح علشان يشتغل فيه خليه يبصلك على كل حاجة محتاجة تتغير وبالتوفيق