الموضوع: افضل طريقةلتنظيف العربية من الخارج

الغسيل بالخرطوم بدون ضغط ميه عالى اوى وتستخدم معاه شامبو واكس وادعيلى انا بعمل كده كل اسبوعين ومريح نفسى

بشرط مابجبش فوطه وامسح بيها على الناشف ابدااااااا

المسح على الناشف بحسه زى التجريح فى جلدى

يعنى من الغسله للغسله ودمتم

المشاركة الأصلية كتبت بواسطة gha

السلام عليكم الأخوة الافاضل ..انا بصراحة محتارة فى افضل طريقة للتنظيف اليومى والاسبوعى للعربية من الخارج خصوصا ان لونها اسود..فيه ناس بتقول بلاش خالص الفوطة الزفرة وناس تانية بتقول لازم تكون زفرة وإلا العربية مش ها تنظف وناس تقول لازم بالمياه وناس تقول المياه تخلى البرومة تضرب فيها وبلاش الخرطوم .... دا غير ان البواب بيعمل اللى هو شايفه............... بصراحة عايزة حد يقولى خطوات صح بحيث تحافظ على لون ولمعة الدهان ومن غير الباروما ما توصل ليها مع مراعاة اللون الاسود والتراب الرهيب اللى بنعانى منه فى كل مكان..عربيتى القديمة كان لونها مريحنى الى حد ما ..اما الاسود رغم انه جميل لكن واضح ان مشاكله كتير .

الصراحة انا كمان معايا لون اسود لكن انا يوميا بمسحها مرة الصبح بفوتة زفرة بتبقى ايه فابريكة
و بتفضل اه تلم تراب بس بليل بتفضل تمام اوى
و بغسلها مرة كل اسبوعين

مساء الفل يا باشا
انا عربيتى فضى فلو ملمعتهاش بتبقى جربانه
انا اول حاجة بشيل التراب بديل القطه علشان ميسنفرش البويه
وجبت فوطه microfibers من كرفور بتخليها فوله
قبلها كنت بعتمد على الفوطة الزفرة
ولو انت غاوى فى فوط اسمها جلد غزال غليه شويه بس تحفة

المشاركة الأصلية كتبت بواسطة dr.hazem

هو افضل شئ للحفاظ على الدهان هو البوليش كل 6 شهور والواكس كل 3 شهور
البوليش للمعه والواكس للوقايه
ولو اتحط عالعربية واكس ممكن تتمسح كل يوم بفوطه مش زفره انما ميكرو فايبر والغسيل مره اسبوعيا بالميه مع الشامبو المخصص لعربيات وسلامتكم...


تحياتي

طيب ما هى افضل الانواع من البوليش والواكس وهل بعملها فى البنزينة ولا فين

المشاركة الأصلية كتبت بواسطة mmnagy

ولو انت غاوى فى فوط اسمها جلد غزال غليه شويه بس تحفة

منين وبكام