عايز اغير لون العربية من الخارج فقط... محتاج رأيكم

**neano** · 03-05-2010 11:11 PM

السلام عليكم ورحمة الله وبركاتة...
انا كنت عايز اسأل عن امكانية تغيير لون العربية من الخارج فقط يعني مثلا لو عربيتي لونها ابيض وعايز ارشها لون احمر.(بدون المساس بدواخل العربية) فيه ناس قالتلي مفيهاش مشكلة طالما الدواخل مش حتترش واني لو حبيت ابيعها ممكن ادهنها ابيض تاني .. بصراحة موضوع التاكسي الابيض ده خلاني زهقت من العربية حتي لو راكب بي ام لونها ابيض الناس هتفتكرك تاكسي
وكنت عايز اعرف ايه هيه الاجراءات والاوراق المطلوبه عشان اغير اللون.. وجزاكم الله خيرا

**sary005** · 04-05-2010 02:47 PM

نصيحة بلاش علاشان حوارات المرور و غير كدة هو انت كل شوية هتقعد ترش شوية لون تانى و لو ربنا كرمة و حبيت تبيع ترجع ترش تانى مظنش كدة و انت لك حرية الاختيار

**AMRGTI** · 27-05-2010 06:41 PM

على فكره يا بوب انا بردوا بفكر فى موضوع تغيير اللون بصراحه انا زهقت من لون العربيه انا معايا فيرنا 2004 سوداء وفابريكه بالكامل بس طبعا فيها بعض الخدوش اللى بتخنق منها بالنهار بس باليل مش بتبان

**Ahmed Galal** · 28-05-2010 10:41 PM

بلاش احسن لو زهقان من اللون بيعها و هات حاجة لون تانى و بالمرة تكون بتغير انما تدخل نفسك فى رش ووجع دماغ و تغيير لون فى المرور و العربية تفتحها تلاقيها من جوه غير بره هايبقا شكلها يضايق و الاختيار لك برده

**A7MED_PHARMA** · 02-06-2010 07:03 AM

فكرة ان العربية تكون لون من بره ..ولون تاني من جوه
هتبقا سخيفة جدااااااااااا
إلا لو ناوي ترش الدواخل كمان
ولو رشيت الدواخل ..العربية هتتفك حتة حتة لحد الصااااااااااااج
كله بيطلع بره ..الفرش والمكنة والكهرباااااااا ..وكله كله
حاجات منهم هتضيع بالتأكيد
وسعر العربية هترخص
...............وربنا معاك