الموضوع: ردا على موضوع طنانى باشا

تمام واهم الحاجه العميل يخرج بفاتوره فيها الاعمال والمصنعيات وخلافو ويكون عندك ستوك شوية قطع غيار ببرنامج مخازن ولو الموضوع اتعمل بالشكل اللى بتتكلم عليه هيبقى عالمى والله المستعان وانا معنديش مانع لو محتاجينى ونعمل شركه مساهمه والناس تدخل بأسهم وده بيساعد ممكن يتاخد مكان كبير ومعدات غاليه

المشاركة الأصلية كتبت بواسطة cayman69300

السلام عليكم و رحمه الله و بركاته على الرجالة
انا و طنانى كنا اتكلمنا فى الموضوع دة من حوالى 15 يوم و المكالمة اكلت 45 دقيقة و قالى على الفكرة
انا مؤيد و لكن لست مشارك و دة لسبب انى من اسيوط
ممكن بكرة و بعده ادخل بنسبة و كدة لكن علشان طنانى من الدرجة الاولى
الفكرة حلوة فى اللى هقوله و طبعا هسمع الف كلمة " صح " تاييدا على كلامى ان شاء الله
نحن عايزين اية
1 - مكان تصليح يكون نضيف
2 - فية ناس فاهمة
3 - فية ناس امينة
4 - بنى ادميين
5 - تشوف العربية بتاعتك قدامك
6 - الناس تكلمك بادب و يفهموك اية اللى فى العربية
7 - قطعه الغيار القديمة تتحط فى العربية
8 - العربية تطلع نضيفة بعد التصليح مش كلها بصمات و قرف

....المرحلة الاولى المطلوبة فى المشروع
تصليح فقط للكل الانواع علشان تلم فلوس
....المرحلة الثانية للمشروع
بداية احضار قطع غيار جديدة بسعر جمله و بيعها بسعر القطاعى للزبون بما يرضى الله
احضار قطع غيار استيراد ( يعنى شراء عربتين من كل نوع و تتحط فى مخزن قريب من الورشة و طبعا المكسب هيزيد و برضوا باسعار بما يرضى الله )
.... المرحلة الثالثة
الدخول فى اعمال السمكرة و الدوكو بطريقة سهله جدا - انك تتفق مع سمكرى محترم و بتاع دوكو 10/10 و تبدا تودى ليهم العربية من خلالك انت و تاخد فرق فى التوضيب لانك راجل بتجيب شغل جملة و لكن صاحب العربية لازم يلاقى تكلفة العربية اللى هتقوله عليها زى بالظبط هو لو راح و سال عليها و نفس الكلام فى السمكرة
.... المرحلة الرابعه
ونش جميل لاحضار العربيات العطلانة و دة لوحدة باشا و هينفع معاك اوى
سواء عربية طالعة من الدوكو - عربية عطلانة - عربية طالعة من حادثة يعنى الدنيا تتروق على الاخر

و الله الموفق

يومها بسبب المكالمه وقفت فى الشارع بتاع ساعه
و كان معايا عشا للعيال
و برد و روحت لقيتهم ناموا

و كلامك زى العسل
و على راسى من فوق