عاوز رأي ملاك الكروز في كروز 2010

**Dr.Galileo** · 11-05-2013 08:49 AM

السلام عليكم ورحمة الله
تحياتي للجميع الاول
دي اول مشاركة ليه في المنتدى وبطلب المساعدة والنصح من الجميع

انا معايا عربية قديمة واليومين دول ناوي اغير ان شاء الله وكل اللي معايا 100000 ودي تحويشة العمر وانا مليش خبرة اوي في العربيات ... يعني لا بفهم في الميكانيكا ولا الكلام ده انا راجل دكتور مليش غير في شغلي

انا عمال ادور في كونتاكت واروح واجي عشان احاول اكتسب خبرة المهم لاقيت ان في حدود السعر اللي معايا ان الكروز والصني واللوجان (جديدة) او كوري بقا النترا او سيراتو
وبصراحة مش عارف

انا استخدامي للعربية مش مسافات كبيرة يعني من بيتي لشغلي او خروج مع اسرتي او زيارة اقارب
واحيانا سفر للمصيف مرة في السنة

-الصني بيقولو عليها مساعدينها هوا ومش حلوين
-الكروز بيقولو عربية فخمة وبلاعة بنزين و سير الكاتينة كوتش
- اللوجان بيقولو عربية حلوة بس فقيرة اوي من جوة ( التابلوه والاوبشن )
- الالنترا ... معرفش عنها حاجة
- السيراتو بيقولو سهلة انها تتسرق

ارجو من الجميع انه ينصحني ... وانه يقول السبب يعني لو اختار من اللي قولته او غيره يقوللي ليه
وطلب من ملاك الكروز يقولولي رأيهم في العفشة والموتور والتكييف وسعر قطع الغيار
يعني يكلموني عن العربية
انا لا بتاع جري ولا حاجة انا عاوز عربية امان لاسرتي وعربية تكييفها حلو وعفشتها حلوة و مش مهم استهلاك البنزين انا مش بخرج كتير يعني

اسف جدا للاطالة
اخوكو عمر

**engwael** · 11-05-2013 10:22 AM

خليك في الصنى الشكل القديم بس ابعد عن موديل 2009 و 2010

**Dr.Galileo** · 11-05-2013 11:31 AM

المشاركة الأصلية كتبت بواسطة engwael

خليك في الصنى الشكل القديم بس ابعد عن موديل 2009 و 2010

انا متشكر جدا لحضرتك بس بيقولو العفشة الخلفية بتاعت العربية دي مش حلوة
سمعت ان المساعدين على هوا مش على زيت وبالتالي العفشة مش بتستحمل واكيد حضرتك عارف ان ما شاء الله الطرق في مصر زي الفل

**abou-yahia** · 11-05-2013 03:56 PM

بص يا دكتور

كلمه ابرك من عشره

الكروز احسن حاجه في الكوري بلا منازع

انا بقول عليها الفانتازيا الكوري

حضرتك راجع المواضيع بتاعت الكروز في القسم وتحت امرك في اي استفسار

**abou-yahia** · 11-05-2013 05:02 PM

المشاركة الأصلية كتبت بواسطة Ahmedsa33

الكروز حلوة و مش عيب ان سير الكاتبنى كاوتش المهم يتغير فى التوكيل بالاصلى و دة أأمن طريقة لاكن اسأل على قطع الغيار لأنها مش رخيصة و افضل قطع غيار فى التوكيل طبعا لكن كعربية ممتازة فى الثبات و صحيح استهلاكها فى البنزين عالى دة واقع
لكن شوف احتيجاتك انت

استهلاك ابكروز مش عالي

ليه

كل المشكله ان الفتيس 6 غيار

انت عشان تطلع احسن اداء منه لازم تسوقه شيفتات في الزحمه

لاكن حتحط علي d وتنساه حيستهلك بنزين بره المعدل

ديه مشكله في كل الفتايس 6 غيار اللي عندنا في مصر

مش عيب عربيه عيب ظروف تشغيل

لاكن ميزته بيدي تسارع وبيريح الموتور وبيزود التوب سبيد

شكرا

**hossam_elwani** · 11-05-2013 05:07 PM

المشاركة الأصلية كتبت بواسطة ahmedsa33

الكروز حلوة و مش عيب ان سير الكاتبنى كاوتش المهم يتغير فى التوكيل بالاصلى و دة أأمن طريقة لاكن اسأل على قطع الغيار لأنها مش رخيصة و افضل قطع غيار فى التوكيل طبعا لكن كعربية ممتازة فى الثبات و صحيح استهلاكها فى البنزين عالى دة واقع
لكن شوف احتيجاتك انت

بالعكس قطع الغيار ارخص مما تتوقع وفيه منها مشترك كتير مع الاوبل

البنزين من 200 الى 220 فى الصفيحه

**hossam_elwani** · 11-05-2013 06:00 PM

المشاركة الأصلية كتبت بواسطة dr.galileo

اولا شكرا لحضرتك وليكم جميعا

الاستهلاك ده بالتكييف ولا من غير ... وجوة البلد ولا على سفر

[warning]بالتكييف والاستهلاك ده مابين بره البلد وجوه البلد [/warning]

**bisar** · 11-05-2013 10:32 PM

بص يا فندم انا سوقت الكروز و السيراتو و الكورولا و انا هجيبلك من الآخر
الأجابه المباشره على سؤالك . سيراتو او كروز و الأتنين حلوين السيراتو تسارع احسن و الكروز ارسى اثبت
اما بالتفصيل فالموضوع بيعتمد على حضرتك راكب ايه
لو راكب حاجه زى 128 و لادا و شاهين و كده فهتلاقى الكروز سفينه فضائيه بالنسبالهم
لو راكب لانوس و لوجان و افيو و فيرنا هتتوهم بالكروز
لو ركب لانسر او كورولا القديمه او اوبترا او صنى هتنبسط بالكروز بس فى حاجات هتضايقك شويه
لو راكب اوكتافيا ولا مرسيدس ولا بى ام اكيد هتتضايق
و فى النهايه كعربيه عيله السيراتو اوسع من الكروز غير كده الأتنين حلوين ولا يقارنوا بباقى الحاجات اللى حضرتك قارنتهم بيهم
حاجه اخيره لو كروز دور على هاى لاين ولو سيراتو خليك فى موديل 2011