عاااااااجل لكل ملاك الكروز ... خلااااص أنا على وشك إني أتجنن

**Hameditsh** · 24-01-2013 02:38 PM

في البداية أحب أهنيكم بمناسبة المولد النبوي وكل عام وانتم بخير

باختصار شديد انا عندي كروز 2010 عامله حوالي 61000 كيلو عملت الصيانات بتاعتها بانتظام لدرجة اني غيرت زيت الفتيس مرتين مره عند 30000 ومرة عند 60000 علشان أبقى في الأمان لأني عارف إن الفتيس بتاعها حساس جدا ... المهم امبارح بالظبط ونا سايق عالمحور فوجئت بصوت (تكتكة أشبة بصوت بليه عمالة تتنطط عالعربية) مع ان العربية ده العزل (Sealing) بتاعها خرافي .كنت ساعتها ماشي على 120 هديت العربية لـ 100 الصوت هدي بمجرد إني هديت تحت الميه الصوت اختفى ... مش عارف بقيت متبرجل لغاية مرحت عند الهايبر وركنت العربية قلت أشوف جايز يمكن في حاجه شبكه في العربية من تحت أو في الكاوتش ولا سلك واقع ولكن للأسف مفيش حاجه ... اتحركت بالعربية تاني ورجعت ريمه لعادتها القديمة بس المره ده الصوت بدأ من عند 60 ... قلت جايز البرفانات اللي في الطبلوه عماله تخبط فضيت الطبلوه وللأسف مفيش فايده ... يا جماعه الصوت في الأول مكنتش قادر أحدده بس كنت شبه متأكد إن مصدر الصوت من عند الداش بورد الناحية اليمن عند الجزء بتاع الطبلوه وعلى فكره الصوت من داخل الكبينه مش من بره دنا وصلت لمرحلة اني فكيت فلتر التكييف وحطيت إيدي قلت يمكن في زلطه ولا حاجه وهي اللي عمله الصوت ... أرجوكو ساعدوني أنا المشكله ان التوكيل اجازه وعندي مشوار للمطار وخايف تبقى حاجه كبير

على فكره أنا أخر صيانه عملتها بتاعة ال 60000 نظفوا بوابة البنزين بس المهندس قلي المفروض هيبرمج العربية بعد مينضف بس المشكلة ان اللاب بتاع الصيانه كان فيه مشكله وقلي عدي عليه كمان يومين ونا نفضت ... تفتكروا يكون ده السبب . وفيه ناس نصحوني إني اشيل الكابل بتاع البطارية واعمل Reset
ولا ممكن تكون حاجه في الفتيس.

بالمناسبة أنا عندي شرخ بسيط في الازار الأمامي بس سطحي جدا برده الناحية اليمين هل ... بس بقالة ييجي 7 شهور وماشي بيه والعربية زي الفل أنا خلااااااااااص يا جدعان هتجنن

**Mohab555** · 24-01-2013 03:03 PM

جرب موضوع ان تشيل كابل البطارية 10 دقائق و بعدين ركبه تانى
يمكن حاجة فى كنترول مخرفه او حاجة .... بسيطة ان شاء الله

**MohammedAladel** · 24-01-2013 03:26 PM

بص يا باشا أعمل الآتى وخلاص هههههه

شيك على العجل شوفه مربوط كويس ولا لأ
شيك على المصفحة من تحت وشوفها مربوطة كويس ولا لأ

دور العربةي على السلانسيه و أفتح الكبوت وخلى حد يدوس بنزين لحد 3000 مثلا وشوف يمكن تعرف الصوت جاى منين لو مطلعش وأنت واقف بالعربية ودايس بنزين يبقى غالبا الصوت متعلق

بحاجة وأنت ما شى ربط العفشة

**hmada9009_99** · 24-01-2013 03:41 PM

المشاركة الأصلية كتبت بواسطة hameditsh

في البداية أحب أهنيكم بمناسبة المولد النبوي وكل عام وانتم بخير

باختصار شديد انا عندي كروز 2010 عامله حوالي 61000 كيلو عملت الصيانات بتاعتها بانتظام لدرجة اني غيرت زيت الفتيس مرتين مره عند 30000 ومرة عند 60000 علشان أبقى في الأمان لأني عارف إن الفتيس بتاعها حساس جدا ... المهم امبارح بالظبط ونا سايق عالمحور فوجئت بصوت (تكتكة أشبة بصوت بليه عمالة تتنطط عالعربية) مع ان العربية ده العزل (sealing) بتاعها خرافي .كنت ساعتها ماشي على 120 هديت العربية لـ 100 الصوت هدي بمجرد إني هديت تحت الميه الصوت اختفى ... مش عارف بقيت متبرجل لغاية مرحت عند الهايبر وركنت العربية قلت أشوف جايز يمكن في حاجه شبكه في العربية من تحت أو في الكاوتش ولا سلك واقع ولكن للأسف مفيش حاجه ... اتحركت بالعربية تاني ورجعت ريمه لعادتها القديمة بس المره ده الصوت بدأ من عند 60 ... قلت جايز البرفانات اللي في الطبلوه عماله تخبط فضيت الطبلوه وللأسف مفيش فايده ... يا جماعه الصوت في الأول مكنتش قادر أحدده بس كنت شبه متأكد إن مصدر الصوت من عند الداش بورد الناحية اليمن عند الجزء بتاع الطبلوه وعلى فكره الصوت من داخل الكبينه مش من بره دنا وصلت لمرحلة اني فكيت فلتر التكييف وحطيت إيدي قلت يمكن في زلطه ولا حاجه وهي اللي عمله الصوت ... أرجوكو ساعدوني أنا المشكله ان التوكيل اجازه وعندي مشوار للمطار وخايف تبقى حاجه كبير

على فكره أنا أخر صيانه عملتها بتاعة ال 60000 نظفوا بوابة البنزين بس المهندس قلي المفروض هيبرمج العربية بعد مينضف بس المشكلة ان اللاب بتاع الصيانه كان فيه مشكله وقلي عدي عليه كمان يومين ونا نفضت ... تفتكروا يكون ده السبب . وفيه ناس نصحوني إني اشيل الكابل بتاع البطارية واعمل reset
ولا ممكن تكون حاجه في الفتيس.

بالمناسبة أنا عندي شرخ بسيط في الازار الأمامي بس سطحي جدا برده الناحية اليمين هل ... بس بقالة ييجي 7 شهور وماشي بيه والعربية زي الفل أنا خلااااااااااص يا جدعان هتجنن

حصلت معايا في الأوبترا وطلع في الأخر زلطه صغيره مزنوقه بين الطنبور والكفر اللي وراها شوف يمكن تكون كده هي الصوت بتاع الحكايه ده بيزيد اما تزود سرعه العربيه ويروح ويجي عامله زي حاجه بترنرن كده او خبط مع رنرنه عاليه شويه