عايز غطاء وتر بروف للوجان

**amirboulos** · 13-05-2013 05:39 PM

يا شباب اللي جاب غطاء كويس ومناسب للوجان ويكون وتر بروف ..لأن الغطاء القماش عندي بينزل تراب علي العربيه وانا بلمه بحس انه مع التراب خشن علي العربيه وعلي البويا .... فعايز غطا وتر بروف كويس تنصحوني بإيه ..اللي بيتباع في شنطه في كارفور ده وبيبقي زي الصوف من جوه ؟ ولا في انواع احسن ..انا شفت في التوفيقيه نوع كده خفيف خالص ومش متبطن من جوه بس قلقت منه ...يا ريت اللي مجرب حاجة كويسه يقولي فين وبكام مع الشكر

**ahmed_m_ashraf** · 14-05-2013 06:01 AM

أنظف حاجة التقيل شوية و متبطن من جوة. أنا كان عندي نفس مشكلتك مع الغطاء القماش، تحس إنك لو مغطتهاش خالص أحسن هههه. بس المهم المنطقة عندك تكون أمان من ناحية سرقة الغطيان وممكن تكتب رقم عربيتك عليه بعلبة بويه وفرشاه.

**amirboulos** · 14-05-2013 10:32 AM

المشاركة الأصلية كتبت بواسطة ahmed_m_ashraf

أنظف حاجة التقيل شوية و متبطن من جوة. أنا كان عندي نفس مشكلتك مع الغطاء القماش، تحس إنك لو مغطتهاش خالص أحسن هههه. بس المهم المنطقة عندك تكون أمان من ناحية سرقة الغطيان وممكن تكتب رقم عربيتك عليه بعلبة بويه وفرشاه.

لا من ناحيه الأمان امان ...انا بركن في جراج وتحت تانده خوص كمان ...بس كنت عايز الغطاء ده علشان التراب لأني لو سبتها نص يوم بس بأجي الالقيها مردومه تراب والغطا القماش مع التراب بحس انه بيبهدل العربيه ...في النوع التقيل المتبطن ده اللي حضرتك بتقول عليه وفي نوع تاني خفيف خالص ومش متبطن مره بياع علي عليه احسن ومبيتقطعش ...بس طبعا لازم اسأل حد جرب

**amirboulos** · 14-05-2013 03:09 PM

سألت في شركه اسمها توب كار كفر متخصصه في انتاج اغطيه السيارات ...لأقيته بـ ٢٥٠ جنيه وبـ ٣٥٠ جنيه وتر بروف ومش متبطن وبتقولي البطانه دي بتضر العربيه في حاله السخونه .... كتير اقوي الأسعار دي

**ahmed_m_ashraf** · 15-05-2013 04:15 AM

والله ياباشا أنا من تجربتي لقيت إن البطانه دي ناعمة وحنينة جدا على الدهان. ولما بتشيل الغطاء تلاقي العربية نظيفة زي ما غطيتها. أنا عارف الشركة إللي حضرتك قولت عليها وعارف الخامة بتاعتهم، من وجهة نظري الأسعار مبالغ فيها والخامة المبطنة آفضل. دي تجربتي وحضرتك طبعا ليك القرار النهائي.

**amirboulos** · 15-05-2013 10:56 AM

المشاركة الأصلية كتبت بواسطة ahmed_m_ashraf

والله ياباشا أنا من تجربتي لقيت إن البطانه دي ناعمة وحنينة جدا على الدهان. ولما بتشيل الغطاء تلاقي العربية نظيفة زي ما غطيتها. أنا عارف الشركة إللي حضرتك قولت عليها وعارف الخامة بتاعتهم، من وجهة نظري الأسعار مبالغ فيها والخامة المبطنة آفضل. دي تجربتي وحضرتك طبعا ليك القرار النهائي.

شكرا لحضرتك وانا كنت حابب الكفر المتبطن بس في اتنين خوفوني منه واحد بياع في التوفيقيه قالي انه بيتقطع مع الشمس وبيتشقق وجاب لي التاني اللي مش متبطن خامته خفيفه وعامل زي قمشاه الجواكت الشتويه الوتر بروف وقعد يشد فيه علشان يوريني انه مبيتقطعش ..دا واحد والتاني الجماعه بتوع توب كفر دول .البنت قالت لي ان البطانه دي ممكن مع الشمس الشديده وسخونه الصاج تلزق في بويه العربيه وتبوظها ....فمش عارف بصراحه الصح ايه ..علشان كده بسأل اللي جرب ده وده