اسماء محلات قطع غيار فولكس بونتير

**i.ali** · 14-05-2013 03:54 PM

انا نازل سوق التوفيقية ياريت من فضلكم اسماء محلات قطع غيار فولكس بونتير
وبماذا تنصحونى

**gho_ah** · 14-05-2013 04:34 PM

اشهرهم وليس افضلهم اولاد فتح الباب والصفوه و البطل وهما قريبين من بعض بعد شارع التوفيقيه بناصيه امام نقابه المهندسين ولو عايز اصلى فيه الحاج اشرف الشهابى فى شارع دمشق وده بيشتغل فى الحديث

**eraser** · 16-05-2013 02:25 AM

مبدئيا كدا ابعد عن فؤاد عنده صيني ويقولك اصلى وفتح الباب بردو يقولك على حاجات المانى وهى ايطالى او انجليزى وكمان مرة جابلى واير مقاسه غلط بس عنده بردو حاجات اصلى
احسن حاجة تاخد لفة عليهم كلهم لاول وتشوف احسن ماركة للحاجة اللى انت عايزها واحسن سعر عشان كل واحد فيهم عنده حاجة احسن من التانى
وفيه ناس كويسة برده في شارع دمشق لو عايز اساميهم او ارقامهم قولى
يا ريت بقا تقولى العربية معاك من اد ايه وبتعمل صيانتها فين ؟؟

**i.ali** · 16-05-2013 11:13 AM

السيد المحترم eraser
شكرا على متابعه حضرتك ونصائحك
العربية موجودة عندنا من 2006 وكانت مع اخى وعمل لها صيانه مرتين او ثلاث فى توكيل العبور
ثم اصبحت السيارة ملك لى من فترة قريبه وحيث ان التوكيل غالى جدا فان بحاول ابعد عنه وخاصة انهم بيقولوا ان فى ناس شغاله فى صيانتها زى واحد اسمه محمد جولف فى الحرفيين بس انا معرفوش لكن ممكن احاول اشوف حد يدينى رقمه