الموضوع: تقيمي للجولف 7 على الطبيعه

امبارح الصبح رحت ال showroom وشفت الجولف 7 على الطبيعه و فلتها حته حته ومش هتكلم بقه بارقام وكلام كده لا هتكلم على احساسك وانت راكبها ومدى عمليتها و الحجات اللي لاحظتها
مبدئيا هتكلم على المميزات...
1- قعدة العربيه ودي انا شايفها احلى ميزه فيها العربيه قعدتها جميله جدا و مريحه جدا بطريقه غريبه كل حاجه جنبك و العربيه بسيطه وسهله والتابلوه ما يتوهش وتحس كل حاجه في ماكنها بالضبط وانك مش مدايق من اي حاجه على عكس الفوكاس ركبتها في المصريه في نفس اليوم قبل ما اروح قعدتها مريحه و كل حاجه بس مش زي الجولف... الفوكاس تحس التابلوه مكركب كده اكنه طربيزه مش متروقه وتحس اني في حاجه غلط بس انت مش عارف ايه هيا........
2- الدريكسيون نضبف اوي وال black piano حوالين علامة فولكس وفي الحته اللي فيها زراير الدريكسيون مدي شكل رائع والطاره مش دائره كامله فيها حته flat كده تحت شكلها رهيب ........
3- الكراسي الخلفيه قعدتها واسعه وحلوة بس برضو مش اللي تتمطع فيها بس مريحه ومش متعبه...
4- الشاشه التاتش الوان جميله و مدياها شكل جميل ولكن اعيب على عدم وجود بلوتوث بس في aux ,sd card and cd.......
5- الزجاج heat insulating و لونه اخضر خفيف اوي مدي شكل حلو و في نفس الوقت بيريح عينك ....
6- انوار التابلو بيضه و شكلها وهمي عجبتني جدا صراحه

شايفين الدريكسيون جميل ازاي

نيجي بقه للعيوب
1- العربيه فاضيه خالص بطريقه تغيظ يعني ب 225000 العربيه مفيهاش مرايات تعتيم ولا ضم ولا سنسور خلفي ولا سنسور مطر ولا مثبت سرعه ولا بلوتوث ولا تكييف dualzone
2- مقشطين العربيه في حاجات غريبه لا كلمة golf ولا tsi على الشنطه ورا والمفروض بببقه في كروم كده في مقبض الباب الداخلى حز صغير كده مفيش برضو
3- شكل العربيه من بره حلو وكل حاجه بس مايديش تمنها نهائي ده حتى في راجل وانا في المعرض سالني هي العربيه دي ايه بحكم طبعا اني مفيش كلمه ورا تقول دي اسمه ايه قلتولي دي الجولف الجديده ب 225000 الراجل اتخض اوي مكنش متوقع نهائي.......



واخيرا....صورت العربيه صوره كده من تحت في الخلف ورا الكاوتش الوراني عشان ابص كده على نظام التعليق الخلفي بس طبعا مفهمتش حاجه و يارب الصوره تكون واضحه حد يفهمني ايه ده


دي كانت رحلتي حبيت اشاركها معاكو..........