بروتون جين2 vs رينو ميجان

**احمد عصام** · 21-05-2013 10:45 AM

ﺳﻼم ﻋﻠﻴﻜﻢ ..
أﻧﺎ ﻋﻀﻮ ﺟﺪﻳﺪ ﻓﻰ اﻟﻤﻨﺘﺪﻯ و ﻛﻨﺖ ﺣﺎﺑﺐ آﺧﺪ رأﻳﻜﻢ ﻓﻰ ﺷﺮاء ﻋﺮﺑﻴﺔ ﺟﺪﻳﺪة ، ﻫﺘﻜﻮن أول ﻋﺮﺑﻴﺔ أﺟﻴﺒﻬﺎ إن ﺷﺎء اﻟﻠﻪ.
أﻧﺎ ﻣﺤﺘﺎر ﺑﻴﻦبروتون جين 2 (2008) و رينو ميجان (2006) . اﻻﺗﻨﻴﻦ ﺳﻌﺮﻫﻢ ﻣﺘﻘﺎرب لحد ما ، ﺑﺲ ﻓﻰ رأﻳﻜﻢ اﻧﻬﻰ أﻓﻀﻞ ﻣﻦ ﺣﻴﺚ اﻻﻋﺘﻤﺎدﻳﺔ و اﻟﺜﺒات و اﻻﻣﻜﺎﻧﻴﺎت و اﻟﻮﺳﻊ و اﻟﺼﻴﺎﻧﺔ و قطع الغيار ، ﻣﻊ اﻟﻌﻠﻢ اﻧﻰ ﻟﺴﻪ ﺷﺎب ﻓﻰ ﺑﺪاﻳﺔ ﺣﻴﺎﺗﻰ اﻟﻌﻤﻠﻴﺔ ، و ﻋﺎﻳﺰ ﻋﺮﺑﻴﺔ تنفعنى ﻛﻤﺎن . اﻧﺎ ﻗﺮﻳﺖ ﻋﻦ اﻟﻌﺮﺑﻴﺘﻴﻦ ﻫﻨﺎ ﻓﻰ اﻟﻤﻨﺘﺪﻯ ، ﺑﺲ ﻣﺶ ﻋﺎرف ﻟﺴﻪ أﺧﺘﺎر ﺑﻴﻨﻬﻢ ﻟﻤﺎ ﺑﻘﺎرﻧﻬﻢ ببعض.
ايه رأيكم و خبرتكم.

**eng.m7md.ali** · 21-05-2013 12:20 PM

ال 2 حلوين ومتشابهين في حاجات كتير وعيوبهم تقريبا قلة قطع الغيار او غلو اسعار قطع الغيار واعادة البيع مش حلوة اوي خصوصا للميجان

نصيحة لو استقريت على الجين 2 شوف موديل 2009 او اكتر

**M I D O** · 21-05-2013 01:21 PM

رينو ميجان افضل في رايي

**تامر.محمد** · 21-05-2013 01:33 PM

سلام عليكم

بالنسبة لي انا لما عملت المقارنة دي الميجان كسبت , و ان كان برده باحس ان العربيتين دول فيهم حاجة من بعض
و في النهاية احتياجاتك هي الفيصل لأن كل عربية فيهم بتلعب في حتة

بسرعة كده
تسارع : الميجان بطة , الجين2 تكسب
ثبات : الاتنين كويسين و الجين2 تكسب (الميجان تورشن بيم و الجين2 مالتي لينك)
الارتفاع عن الارض : الميجان اعلى
كماليات : الاتنين كمالياتهم كتير , و اظن الميجان اكتر بس مش متأكد
شكل : اذواق و الاتنين حلوين جدا ما شاء الله في رأيي
اعتمادية : الاتنين مش مشهورين بالاعتمادية , محتاج تاخد بالك من الصيانة و مواعيدها
قطع الغيار : بالنسبة للاتنين غالية في التوكيل , بالنسبة للميجان متوفرة في التوكيل و متوفرة استيراد باسعار احن كتير من التوكيل , بالنسبة للجين2 مش عارف اوي
اعادة البيع : الاتنين زي الطين بس في الrange اللي هاتشتري فيه ده هماالاتنين خلاص سعرهم وقع فما اظنش هايقع تاني الا العادي بقى
راحة العفشة : الميجان تكسب , الجين2 ناشفة
عزل الصوت : اظن ان الميجان تكسب
صوت الموتور : مع التسارع عالي في الاتنين
الفرامل : الميجان تكسب
المساحة الداخلية : الميجان تكسب
مساحة التخزين : الميجان تكسب
التوكيل : الميجان تكسب
فخامة التابلوه : تابلوه الميجان افخم و خاماته احسن , تابلوه الجين2 رياضي اكتر
الباور : كهربا في الميجان و حلو جدا و مش عارف هو ايه في الجين2
قطر دوران العربية : الميجان معروفة انها بتلف في قطر اضيق , الجين2 معروفة ان قطرها واسع

يعني المهم الاتنين شكلهم رياضي , كاستخدام الميجان مايلة اكتر ناحية الفخامة و الراحة , و الجين2 مايلة اكتر ناحية الرياضية , و احتياجاتك هي الفيصل , انا لما اتحطيت في المقارنة دي اخترت الميجان