حدث فى هذا اليوم

**sakr_skoda** · 21-05-2013 07:25 PM

السلام عليكم ورحمة الله وبركاته

طبعا احنا هنا عائلة واحدة وعلى كل فرد فى العائلة يتعرض لشئ خير او شر يجب تسجله هنا فى قسمنا العزيز بغض النظر عن انتقادت من هم دون العائلة المحترمة المتطفلين كما رئيناهم فى موضوع(اخيرا صلحت السنتر لوك)

امس الأثنين كان الجو حار جدا وكنت صايم ربنا يعنا جميعا على طاعة الله وغالبا ما يحدث لى يحدث يوم الأثنين وانا صايم !!!!!!!!!!!! ولاكن يستسنى الخميس فلا ادرى ما السبب اللهم اجعله خير....

خرجت صباحا بعد جولة التسخين ويدوبك 100 متر فقط السيارة تنتش والموتور توقف عن الحركة نزلت ابص وجاء فى خاطرى بوبة الهواء قلت ياخبر طيب مهو الباب اللى يجيلك منه الريح سدة واستريح سديت البوابة العربية رفضة العمل بعد محاولات عديدة المحرك يعمل وعندما اقوم بالضغط سنة صغيرة على دواسة البنزين ينطفئ المحرك نزلت شنطة العدة فكيت عمة الكاربرتير ما فيش مشاكل اطمنت على الموبينة والعلبة الأكترونى كله تمام الاسبرتير برضو تمام البوجيهات تمام امال ايه عفريت يوم الاثنين ياربى!!!!

قررت امشى مع تغذية البنزين من اول الطلومبة الى الدخول فى الكاربرتير وجدت البنزين يخرج من الفلتر الى خرطوم الراجع ففكرت انى اقطع الراجع قطعت قطعة من الخرطوم وسديتها بمسمار 10 فعلا العربية مشيت ووصلت الشغل قلت يبقى لازم اشترى الفلتر دا روحت اشتريتة ب 20 واشتريت فلتر بنزين ب 5 جنية واشتريت فلتر زيت ب 15 وروحت البيت قلت يانا يانتى فككت كل خراطيم البنزين وجبت زجاجة كبيرة وسنة كونتاك علشان اختبر الطلومبة الاندفاع من الفلتر الصغير ضعيف جدا الاندفاع من الطلومبة شديد اذا يبقى العائق فى فلتر البنزين ابو 5 جنيةغيرتة وجيت اركب فلتر العمة لقيتة بيخر بنزين من اعلى فقررت اركب القديم واتوكل على الله الحمد الله روحت اليوم الشغل ورجعت السيارة بسم الله مشاء الله وروحت رجعت الفلتر المكسور وطبعا فتحت البوابة تانى لأنها مكنتش هيا المشكلة وربنا ياعفينا ويعافيكم ويعافى فليشاتكم....

**yassereiad** · 21-05-2013 09:43 PM

الحمد للة انها جت سليمة والمؤمن مصاب ورنا يستر طريقنا جميعا

**aw2100** · 21-05-2013 11:57 PM

1000 سلامة على عربيتك نصيحة من اخوك غير فلتر البنزين كل ماتغيير الزيت للعربية علشان انت بتفول بنزين 80 حتى لو لقيت الفلتر سليم انا باعمل كده وعلى فكرة قبل مافلتر البنزين يقطع بيخلى سحب العربية بيضعف انا بغيرة مع كل تغييرة زيت يعنى كل 4000 ك وافك عمة الهواء وادى لفلتر الهواء تنظيفة بتلاقى العربية فايقة باستمرار وعلى فكرة منقى البنزين بتاع الكاربراتير ده عبارة عن موازن لضغط البنزين بيبقى فية سكس بالف ونادرا لما يبوظ وده كلام ميكانيكى متخصص سكودا كنت عاوزة يغيرة قلى ان اللى عندك اصلى تشيكى والصينى ابو 20 جنية معفن ودايما يتشرخ من الحرارة ويخر بنزين والأصلى التشيكى جديد بيجى بالواسطة ب150 جنية وخلانى ماغيرتهوش تحياتى !!

**طارق _عبد السلام** · 22-05-2013 12:32 AM

اشمعنى يوم الاتنين :)
العربيه دى عليها عفريت بس حلاق :)

بس بجد برافوا عليك نزلت شنطه العده وعملتوا الكنسلتوا هو ده الشغل مش اللى عربيته تكح منه يركنها على جنب ويروح الشغل مواصلات

منتظرين يوم الاتنين القادم ان شاء الله نشوف حكايه الحلاق دى

**inspiron** · 22-05-2013 02:44 AM

المشاركة الأصلية كتبت بواسطة طارق _عبد السلام

اشمعنى يوم الاتنين :)
العربيه دى عليها عفريت بس حلاق :)

ههههههههههههههههههههههههه ههههه..جامدة دي

سلامات علي العربية يا حاج صبحي

**sakr_skoda** · 22-05-2013 08:33 AM

المشاركة الأصلية كتبت بواسطة طارق _عبد السلام

اشمعنى يوم الاتنين :)
العربيه دى عليها عفريت بس حلاق :)

بس بجد برافوا عليك نزلت شنطه العده وعملتوا الكنسلتوا هو ده الشغل مش اللى عربيته تكح منه يركنها على جنب ويروح الشغل مواصلات

منتظرين يوم الاتنين القادم ان شاء الله نشوف حكايه الحلاق دى

ههههههههههههه ماشى ياعم طارق انا بعد كدا حاخدها من قصيرها واخد يوم الاثنين اجازة ومش حدور العربيه يانا يالعفريت بتاع يوم الأثنين(عمرى ماهنسى يوم الاثنين يم متبهدلنا احنا الأثنين)