الموضوع: سعر زجاج النيو أكسنت في التوكيل

السلام عليكم و رحمة الله

من كام يوم وأنا ماشي على الدائري أخدت زلطة صغيرة في الزجاج الأمامي .. رحت حقنتها و اختفل الى حد كبير.

بعدها بكام يوم أخدت حصوة أو زلطة صغير عملت زي نجمه صغيرة في الازاز .. رحت أحقنها الولد و هو بيعمل بالشنيور الصغير لقيت النجمه دي كبرت جدا .. وكل خط منها بأه شرخ كبير .. و هو قال لي لازم تعمل كده وبتاع.

المهم قلت أسأل على سعر الازاز .. لقيته جريش ب 370 جنية تقريبا .. قلت أسأل في التوكيل .. اتصلت و كذا مره يقولوا لي هنكلمك و محدش يكلمني .. لحد ما واحد من المبيعات اتصل بيه و قال لي حضرتك كنت بتسأل على سعر الازاز .. قلت له اه .. قال لي ب 2475 جنيه

أنا قلت له أنا عارف انك ملكش دعوه و انك بتبلغني السعر .. بس قول لي لما يكون الازاز في دكتر جريش يبقى ب 400 جنيه تقريبا .. ليه يبقى عندك ب2500 جنية .. قال لي حضرتك عارف النقاء و الجودة .. قلت له أولا ازاز دكتور جريش كويس .. هفترض معاك ان اللي عندك ضعف جودته .. يبقى ب 800 جنية .. مش 2500 جنية !!

المهم قال لي حضرتك تعال و هنعمل لك خصم ان شاء الله.

طبعا أنا عمري ما هشتريه بالسعر ده .. أمال عربيات كوري ايه و قطع غيار رخيصه ايه.

المشاركة الأصلية كتبت بواسطة ehabahmed0

امال ياكلو عيش منين:b4_592:
حسبي الله ونعم الوكيل

يلا هنعمل ايه .. منهم لله.

المشاركة الأصلية كتبت بواسطة khmshry

ياباشا ده سعره فعلا في التوكيل وانا مغيره 3مرات بره بسبب الطوب والزلط والحمدلله انها بتييجي في الزجاج ومرة ناس بتبني بيت ولما سألت في التوكيل كان 2200 ج اهو غلي علشان الدولار سيبك منهم وريح دماغك غيره بره افرض ركبت الاصلي واتكسر تاني هتعمل ايه يراجل كويس ان العربية نفسها سيبينها من البلاوي بتوع النقل ده الزجاج الاصلي كنت ماشي علي الدائري وهوب عربية زلط وقعت شويه واللي خدها في الفانوس والزجاج زي مثلا ربك هو الستار

3 مرات .. ما شاء الله عليك .. انت طريقك كله دائري ولا ايه؟

ربنا معاك.

المشاركة الأصلية كتبت بواسطة mohamed_rhem

انا مركب امان في السيريون سعره في المصنع بالتركيب والضريبة اعتقد كان 320 جنيه

السعر في التوكيل 2700 بالتركيب والجوان والسليكون

المواصفه والنقاء اعلي من جريش وعن تجربة

نفس الفكره .. 10 أضعاف سعر الازاز اللي بره.

المشاركة الأصلية كتبت بواسطة khmshry

انا برضه مركب امان وكان ب300 جنيه وهو فعلآ افضل من جريش

أمان كان بينزل في العربيات التقفيل مصري زمان .. السوزوكي سويفت بتاعتي كان نازل فيها أمان من المصنع أصلي.