ساعدوني في استعدال الشنطه :(

**Dragon78** · 02-06-2013 10:05 AM

سلام عليكم

ياجماعه عندي مشكله بطلب مساعده منكم ... امبارح رجعت بالليل ركنت تحت البيت عادي جدا وغطيت العربيه , نزلت النهارده الصبح لقيت حد من الجيران المحترمين اللي في العماره اللي جنبنا ... رامي كيس قمامه (الله يكرمكم) على العربيه , المشكله مش في الكيس نفسه , المشكله ان الكيس لما نزل جه على شنطة العربيه الأول وبعدين وقع على الأرض , ولما نزلت النهارده أركب العربيه لقيت المنظر ده وأول ماشلت الغطاء اتفاجأت ان الكيس من قوة رميته والخبطه جت جامد على الشنطه من الجنب كده .. المكان اندفس لجوه . ( حسبي الله ونعم الوكيل في كل انسان مؤذي).

المشكله الأكبر بقى .. هو اني لما فتحت الشنطه عشان أحاول استعدلها لقيت المكان ده من جوه في عظم العربيه يعني مش هاعرف أعمل فيه حاجه.
وأعتقد برضه لو روحت لسمكري هايقولي دي جايه في العظم .. ياترى ايه الحل بقى ؟؟؟!!!!

أنا وانا جاي الشغل فكرت في فكره بس مش عارف تنفع ولا لأ :

فكرت اني أجيب كوتش داخلي بتاع عجله .. واحاول ادخله في المكان ده وبعدين انفخه بحيث انه يعدل المكان لوحده من غير ما السمكري يقولي لازم ينشر الحديد عشان يوصلها .
بس مش عارف بقى ياترى الفكره دي تنفع ولا لأ .. خصوصا ان المكان اللي باقولكم عليه ده ضيق شويه .

ياريت اللي عنده فكره تانيه يقولي .. أو لو حد يعرف سمكري يعرف يتصرف في الخبطه دي من غير طبعا ماينشر عظم الشنطه .

ملحوظه / المكان اللي كنت راكن فيه .. مش بتاع حد معين .. يعني مش مثلا حد بيركن هنا وانا ركنت مكانه , الفكره في ان الناس في العماره دي فعلا مؤذيين لان موضوع الزباله اللي بتترمي دي اتكرر كذا مره ومش معايا لوحدي .. مع ناس تانيه كتير .
وأخيرا .. ربنا ينتقم من المؤذي وحسبي الله ونعم الوكيل

**amr011111** · 02-06-2013 10:25 AM

وديها لسمكرى وهوه هيتصرف مش هينشر ولا حاجه
ده اخره انه يفك العظم ويبقى يلزقه تانى
وممكن يسحبه لبره بسهوله
هوه هيتصرف
ولا تقلق ان شاء الله خير

**lionshico** · 02-06-2013 10:47 AM

قلبي عندك يا دراجون ....في مركز في مدينة نصر كنت عاوز اجربه لان واحد دخل بتريسيكل في الرفرف الشمال عندي انا بصراحة لسه مجربتوش ... بيقولو بيرد الصاج بالشفط مش عارف ازاي و يداوي التجريح في البويه لو بويه الزيرو (الفبريكا يعني ) بص عليه و شوف رايو ايه فيها .... بدل ما السمكري يدق على الصاج و هو لسه زيرو ....اللينك بتاعه اهو ..... يارب يعملهالك و يحللك المشكله https://www.facebook.com/ZeroEgypt?ref=ts&fref=ts

**el diesel** · 02-06-2013 11:22 AM

بص يا سيدى من فترة كدة كنت بقلب فى صفح على الفيس عن تعديل العربيات هنا فى مصر وكان فيهم مركز جايب جهاز معاه بيبيعه للناس هنا فى مصر ودى طريقه شغله فى الفيديو ده اعتقد ده انسب حل ليك
pdrplus Paintless Dent Removal - YouTube
المركز تقريبا كان اسمه انزو

**moumen_hs** · 02-06-2013 12:01 PM

ياريت كان فى صورة تكون أوضح للمساعدة ولكن الخبطات الى محتاجة تترد زى الساقف والشنطة والكابوت حضرتك ممكن تنزل تجيب من الرويعى جلدة كدة اسمها شفاط زجاج ب 20 جم بيقوم بالواجب نفس فكرة الفديو بتاع العضو المحترم السابق

**Dragon78** · 02-06-2013 12:10 PM

المشاركة الأصلية كتبت بواسطة lionshico

قلبي عندك يا دراجون ....في مركز في مدينة نصر كنت عاوز اجربه لان واحد دخل بتريسيكل في الرفرف الشمال عندي انا بصراحة لسه مجربتوش ... بيقولو بيرد الصاج بالشفط مش عارف ازاي و يداوي التجريح في البويه لو بويه الزيرو (الفبريكا يعني ) بص عليه و شوف رايو ايه فيها .... بدل ما السمكري يدق على الصاج و هو لسه زيرو ....اللينك بتاعه اهو ..... يارب يعملهالك و يحللك المشكله https://www.facebook.com/zeroegypt?ref=ts&fref=ts

ألف ألف شكر ياباشا على ردك .. أنا دخلت على الفيس بوك بتاعهم فعلا وشوفت شغلهم

هحاول اكلمهم ان شاء الله واشوف هايقولولي ايه .. متشكر مره تانيه

**Dragon78** · 02-06-2013 12:12 PM

المشاركة الأصلية كتبت بواسطة el diesel

بص يا سيدى من فترة كدة كنت بقلب فى صفح على الفيس عن تعديل العربيات هنا فى مصر وكان فيهم مركز جايب جهاز معاه بيبيعه للناس هنا فى مصر ودى طريقه شغله فى الفيديو ده اعتقد ده انسب حل ليك
pdrplus paintless dent removal - youtube
المركز تقريبا كان اسمه انزو

انت راجل باشا ... طبعا حاجه مش محتاجه تعليق والفيديو بيتكلم عن نفسه

بس ياريت يابرنس تكمل جميلك وتشوفلي بقيت المعلومات عن المركز ده ومكانه فين واسعاره ايه وكده

وشكرا ياباشا على ردك

**Dragon78** · 02-06-2013 01:35 PM

المشاركة الأصلية كتبت بواسطة moumen_hs

ياريت كان فى صورة تكون أوضح للمساعدة ولكن الخبطات الى محتاجة تترد زى الساقف والشنطة والكابوت حضرتك ممكن تنزل تجيب من الرويعى جلدة كدة اسمها شفاط زجاج ب 20 جم بيقوم بالواجب نفس فكرة الفديو بتاع العضو المحترم السابق

انت تؤمر ياباشا ... نزلت صورتلك العربيه مخصوص ... عشان تشوفها يمكن تقدر تساعدني

أول صورتين للخبطه الجديده ... والصورتين التانيين لخبطه كانت من الجنب كده أعتقد حد ريح على الصاج ولا حاجه

---------------------------------------------------------------------------------------

يارب تكون باينه ولو مش باينه قولي وانا اعملك عليها دايره

**Dragon78** · 03-06-2013 12:43 PM

المشاركة الأصلية كتبت بواسطة moumen_hs

ياريت كان فى صورة تكون أوضح للمساعدة ولكن الخبطات الى محتاجة تترد زى الساقف والشنطة والكابوت حضرتك ممكن تنزل تجيب من الرويعى جلدة كدة اسمها شفاط زجاج ب 20 جم بيقوم بالواجب نفس فكرة الفديو بتاع العضو المحترم السابق

ممكن لو سمحت توضحلي أكتر موضوع الشفاط ده ؟؟؟

أروح أسأل على ايه بالظبط وشكله عامل ازاي ؟

وهل هو في دراع لتفريغ الهواء ولا لأ

وآخر سؤال ياترى حضرتك جربت الموضوع ده بنفسك

**Dragon78** · 03-06-2013 12:49 PM

أنا امبارح لما روحت بعد الشغل نفذت الفكره اللي كانت في بالي .. وهي اني أجيب جوان داخلي بتاع كاوتش واحشره في مكان الخبطه وازوده هواء فيقوم عادل الصاج معاه .. لكن طبعا في حالتي ماكانش ينفع جوان كاوتش عربيات ,, فروحت رايح جايب جوان بتاع كاوتش بسكلته صغير .. ونفذت الفكره .

هي نفعت في جزء معين حوالي 60 % من الخبطه لكن لسه في جزء ماعرفتش أوصله لأن تحتيه عظم.

يارب موضوع الشفاطات دي ينجح لأني بصراحه متعكنن أوي

الموضوع: ساعدوني في استعدال الشنطه :(

LinkBack

أدوات الموضوع

عرض

ساعدوني في استعدال الشنطه :( - انشر الموضوع فى :

-

-

-

-

-

-

المواضيع المتشابهه

باب الشنطه

استعدال الجنوط

استعدال الجنوط

استعدال شاسيها

استعدال الجنوط فين؟؟

الكلمات الدلالية لهذا الموضوع

المفضلات

المفضلات

ضوابط المشاركة