الموضوع: ساعدوني في استعدال الشنطه :(

المشاركة الأصلية كتبت بواسطة lionshico

قلبي عندك يا دراجون ....في مركز في مدينة نصر كنت عاوز اجربه لان واحد دخل بتريسيكل في الرفرف الشمال عندي انا بصراحة لسه مجربتوش ... بيقولو بيرد الصاج بالشفط مش عارف ازاي و يداوي التجريح في البويه لو بويه الزيرو (الفبريكا يعني ) بص عليه و شوف رايو ايه فيها .... بدل ما السمكري يدق على الصاج و هو لسه زيرو ....اللينك بتاعه اهو ..... يارب يعملهالك و يحللك المشكله https://www.facebook.com/ZeroEgypt?ref=ts&fref=ts

أنا أخدت بنصيحتك ياباشا وكلمت المركز ده امبارح .. وبعدين روحتلهم بنفسي بعد الشغل

لكن للأسف الكلام ماعجبنيش .. تخيل على حتة الخبطه دي مع انها مش جامده أوي هي وخبطه تانيه برضه في نفس الجنب وقاللي على الاتنين مع بعض 250 جنيه وسألته على خبطة الشنطه بس قاللي 160 جنيه

طب ما لو الحكايه كده بقى ايه اللي يخليني أدفع 250 جنيه واعمل بيهم خبطتين بس .. مااروح بقى اشتري جهاز الشفاط ده من موقع Ebay ولا من أي حته بنفس المبلغ , ع الأقل هايفضل معايا على طول بعد كده أستفيد بيه في أي خبطه

ولكن على العموم .. شكرا على المعلومه .. وانا كمان حبيت أقولك اللي حصل معايا عشان لو بتفكر تروحلهم ولا حاجه .

وعلى فكره .. سألتهم كمان على معالجة الخدوش .. قاللي لازم يشوف الخدش الأول وريته خدشين بساط كده عندي في العربيه ... قاللي عيلهم 100 جنيه (ههههههههههههههههههههههه)

الناس دي فاكرانا بنسرق الفلوس بقى ولا بنطبعها ولا ايه

ولا هو أي حد راكب عربيه نظيفه شويه لازم يطلعوا عين أهله ( ضريبة رفاهيه )