تحذير من شابين عند القرية الفرعونية شارع البحر الأعظم

**dramir1** · 02-06-2013 03:14 PM

في مطب في شارع البحر الأعظم في اتجاة المنيب قبل طلعة دائري المعادي بيقف شابين وانت طالع على المطب يقولك الحق ياباشا الكاوتش نايم !!! طبعا تقوم انت نازل تشوف الكاوتش يقوم صاحبه واخد العربية !!!!
من كتر ما الفكرة قديمة ممكن ناس تصدق الولد دا.

طبعا انا معبرتوش ولا كأني سامع ودايما قافل السنتر ....في البنزينه اللي على اليمين نزلت اشوف الكاوتش لقيت كلة تمام.

بعدها بيومين ماشي في نفس المكان لقيت نفس الحوار بيتكرر مع عربية تانيه بس بردو الراجل مردش عليهم .فهل كدا العيال دي حرامية فعلا ؟؟؟؟ بس ازاي كدا في عز الظهر؟؟؟ والواحد المفروض يعمل ايه معاهم في ظل هذا الأنفلات؟؟

انا قولت احذركم من الطريقة دي لحسن تتكرر معاكم وربنا يستر طريقكم كلكم.

**Hamdy Masria** · 02-06-2013 03:20 PM

لو مش حرام الواحد ينزل يموتهم مكانهم ويمشى

**hanywageh** · 02-06-2013 03:23 PM

الف شكر على التحذير
بس اعتقد دول حراميه شنط من العربيات علشان اكيد انت هتنزل و هتاخد معاك المفتاح و المكان ده بيكون زحمه موت دائما
كل اللى يقدر يعمله انه يخليك تغفل عن العربيه و يسرق اى حاجه فيها و المشكله ان اغلب العربيات السنتر بيكون فاتح كل الابواب مش باب القياده فقط
وربنا يسترها ويغمى عيون اللصوص عنا

**bassemhoho** · 02-06-2013 03:30 PM

هو حرام؟؟؟؟؟؟ انا اظن قتل دول حلال و التمثيل بجثثهم صدقه عشان اللي زيهم يتلم لانهم بيسببو ضرر في المجتمع اكبر من السرقه ولكن ارهاب الناس
عشان كده الواحد نفسو يمسكهم يقطعهم باسنانه زي في الشرقيه لما مسكو الناس بلطجيه و حرقوهم في عربيتهم و هم جواها
وعلي راي الشيخ الشعراوي لاتنظ لقوه العقاب ولكن انظر لفداحه الجرم

**HOSSAM99** · 02-06-2013 03:33 PM

هو حرامي و نصاب أه لكن في مرتبة أقل من حرامي العربيات ... محلات الكاوتش بتبقي مسرحه العيال دي و يعمل نفه بيعدي الشارع و يقولك العجله نايمه ... فاعل خير الواد و طبعا فيه مننا فئه من قائدي السيارات خبرتهم محدوده أول حاجه بيعملها بيميل علي أول بتاع كاوتش و هو ده صاحب و مدبر الإشتغاله و ده ميتوصاش بيفرتك عجل العربيه أخرام و مسامير أثناء الكشف و الزبون يشيل الفاتوره
ممكن طبعا الأسلوب يستخدم لسرقة محتويات العربيه و البلطجه
يبقي بلاش نقف إلا في البنزينه و نشوف العربيه فيها أيه

بالمناسبه فيه عيلين زيهم في منتهي الغباء واقفين عند الطالبيه في شارع الهرم
كل يوم و أنا راجع بيسمعوني نفس الكلمتين (الفرده اليمين نايمه) ... لكن الحمد لله بتبقي صاحيه :)

**sherif222** · 02-06-2013 04:14 PM

ربنا يسترها معانا يارب .. والله ان الواحد بقى كل مشوار دلوقتى بالعربية بيكون حاطط ايده على قلبه ... جزاكم الله خيرا على التحذير

**kh_fawzy** · 02-06-2013 04:19 PM

دول بيقفوا عند الاشارة اللى بتطلع على كوبرى العمرانيه علشان تروح عند بتاع الكاوتش اللى قبل توكيل بيرللى كانوا هايعملوها فيا قبل كدة بس عملوا فى واحد راكب كروز عدي بعدى عالطول وشوفته فى المرايه