الموضوع: عشاق ومحبى فيات 128 كل ما يخص سيارة الشعب

فكرة عجبتني لتآمين البطارية طبعا انتو عارفين السرقة اليومين دول عاملة ازاي خصوصا ال 128

انا جمعتلكم اسعار اغلب قطع غيار السيارة 128

(سيارة الشعب) باسعار (2012) طبعا هتختلف حجات بسيطة عن السنة ديه

وهيتم تقسيم الموضوع تبعا لنوع قطع الغيار

كالاتى

1:قطع الغيار الخاصه بالماتور(الميكانيكا)
أ:جديد
ب:أستيراد
2:قطع الغيار الخاصه بالات الجر (العفشه)
أ:جديد
ب:أستيراد
3: قطع الغيار الخاصه بالكهرباء
أ:جديد
ب:أستيراد
4:قطع الغيار الخاصه بالصاج
أ:جديد
ب:أستيراد

نبداء على بركة الله

أولا: قطع الغيار الخاصه بالماتور (الميكانيكا)
أ: (الجديد)
1:سير كاتينه نوع soran علبه حمرا ايطالى اصلى تغيرة كل 15 الف كلم :50 جنية
2:سير دينامو كورى خامه نضيفه : 12 جنية
3:فلتر زيت ماركة فارم : 15 جنية
4:فلتر بنزين روسى كبير :5 جنية
5:فلتر هواء مصرى : 12 جنية
6:ابلاتين وكوندنسر انجليزى علبه زرقاء : 25 جنية
7:طقم سلوك بوجيهات فايبر : 50 جنية
8:طقم بوجيهات ngk يبانى استيراد التوفيق (اصليه) : 40 جنية
9: اسبراتير صينى جديد كامل (كويس) : 75 جنية
10:شاكوش اسبراتير : 10 جنية
11:قنطرة فتيس صينى خامه محمله (كويسه ) : 80 جنية
12:قعدة فتيس يوغسلافى (افضل اختيار) : 40 جنية
13:قعدة ماتور جانبية : 40 جنية
14:شداد ماتور من فوق : 30 جنية
15:سلك دبرياج ايطالى : 20 جنية
16:ردايتر كامل نحاس 3 ماسورة بتركيبه (تعبان خامه تعبانه ) ماركة فوت علينا بكره ولو ملقيتناش تعالى بعد بكره ههههههههه (مبيستحملش انك تسلكه مرتين وبعدين يتخرم ) : 300 - 350
17:سربنتينه ردايتر المصانع الحربيه بتروح تشتريه من المصنع نفسه اللى امام نادى 54 حربى فى كورنيش المعادى (السربنتينه بتحتاج شغل بعد كدا مش هتجيبها وتركبها على طول لا هتوديها
لواحد بتاع ردايتير يركبلها حاجات وكدا من فوق ومن تحت وتبقى ردايتر وهتتكلف حوالى 100 جنية فقط للبتاع الردايتير بالحاجات اللى هيركبها ) خيار متعب شوية ولكنه الافضل بسبب جوده
الخامات فى الردايتير بتاع المصانع : 335 جنية يعنى بالتركيب بكل حاجه هتدخل فى : 450 جنية

18:ثرموثتات مروحه ردايتير : 20 جنية
19:صباع حرارة بيركب فى الماتور (بيبين درجة الحرارة على مؤشر الحرارة اللى فى التابلوه ) : 20 - 25 جنية
20:طرمبة مياه تركى : 90 جنية
21:كوعة مياه تركى : 25 جنية
22:ماسورة مياه من طرمبة المياه الى كوعة المياه (تركى) : 25 جنية
23:وصلة توصيل مياه من ماسورة المياه الى الكوعه:10 جنية
24:غطاء ردايتير صينى (شغال) : 10 جنية
25:غطاء ردايتير ايطالى (مكتوب عليه ايطالى بس هو مضروب صدا بعد شهرين فقط من استخدامه ) : 15 جنية
26:خرطوم توصيل مياه من الموتور الى الردايتير : 15 جنية
27:شكمان كامل : 150 جنية
28: طرمبة بنزين : 100 جنية


ب : استيراد

1:ماتور كامل بدون فتيس: 1500-1700 جنية
2:ماتور كامل بالفتيس : 2000-2200 جنية
3:فتيس 4 غيار: 500-600 جنية
4:فتيس كامل 5 غيار: 600- 700 جنية
5:شورت بلوك(الجزء الاسفل من الماتور و وش السلندر والكامه) : 1200 - 1300 جنية
6:النصف الاسفل للماتور: 600 - 700 جنية
7:كربراتير : 200- 300 جنية
8:عمة كربراتير :50-75 جنية
9:طرمبة بنزين: 40 جنية
10:فبرة طرمبة بنزين : 15 جنية
11:اسبراتير بالوش : 90
12:طرمبة مياه: 50
13:كرنك ستاندر (متخرطش قبل كده ) : 200- 220
14:كرتيرة زيت الماتور : 70- 80
15:بلية دبرياج : 40
16: ترس فلام بالبلاطه : 80 جنية
17:موبينه:40 جنية
18:عصاية فتيس كاملة : 100 جنية
ثانيا:قطع الات الجر (العفشه)

أ:جديد
1:جوز كبالن صينى نضاف (لو قعدوا سنه انت الى كسبان ) بافيزاتهم بشحمهم بكاوتشاتهم : 120 جنية
2:جوز كبالن ايطالى اصلى : 290 جنية
3:جوز كبالن المانى اصلى (حرام تدفع فيه الفلوس من راى لو هتشترى جوز صينى كل سنه احسن ما تشترى ده ): 350
4:جوز طنابير امامى المانى : 130 جنية
5:جوز طنابير خلفى : 120
6:طقم تيل فرامل امامى مصرى (شغال ): 40 جنية
7: ملىء طقم التيل بتاع الفرامل الخلفى عند بتاع التيل : 50 جنية
8:علبة دريكسيون صينى وحشه محدش يجيبها : 140 -150
9:علبة دركسيون يوغسلافى (افضل اختيار) : 220
10:بلى عجل امامى ايطالى :40 -50 جنية
11:بلى عجل امامى المانى علبة زرقاء (افضل اختيار): 65
12:كاوتشات كبالن بتاعت الزيت (الواحده) : 15 جنية
13:كاوتشات كبالن بتاعت شحم (الوحده ) : 10 جنية
14:مساعدين مونرو بضمان سنه (الجوز): 450 جنية
15:جوز مساعدين المانى : 500 جنية
16:جوز مساعدين صينى (تعبانين محدش يشتريهم) : 250 جنية
17:مقص امامى تركى :70 جنية

ب: الاستيراد
1:مساعد اماى : 75-80 جنية
2:مساعد امامى بالسته بالبطاحات :150جنية
3:مساعد خلفى : 75-80 جنية
4:مقص امامى :30-35 جنية
5:مقص خلفى :70 جنية
6:قنطرة عجل خلفى : 300 جنية
7:علبة دركسيون بالبارات:120جنية
8:بارة :20 جنية
9:صليبة دركسيون : 50 جنية
10:ميزان فتيس 4 غيار : 120 جنية
11: ميزان فتيس 5 غيار : 200 جنية
12:طنبورة امامى :30
13:طنبورة خلفى :40
14:سسته امامى : 40 جنية
15:سرفوا: 100 جنية
16:ماستر عمومى : 40 جنية
17: عصاية فرامل يد : 30 جنية

3: قطع الغيار الخاصه بكهرباء السيارة

أ:الجديد

1:بلى دينموا المانى (البليتين) : 30 جنية
2:طقم شربون دينموا :5 جنية
3:ترس مارش ايطالى اصلى : 50 جنية
4:خراطه جلب للمارش :30 جنية
5:فانوس امامى جديد : 20 جنية
6:قعدة فانوس امامى : 12 جنية
7:فانوس خلفى : 40 جنية
8:فبرة الفانوس الخلفى : 10 جنية
9:مجموعة مياه المساحات (بترش مايه على الزجاج الامامى ) : 35 جنية
10:لمبة عالى و واطى (المانى) : 30 جنية
11:فيوزات عضم الواحد : 25 قرش
12:بطارية جافة كورى : 350 جنية
13:بطارية جافة ac delco صناعه سعودى : 400 جنية
14:مفتاح الوضع اليلى للسيارة (تركى) : 10 جنية
15:مفتاح انتظار ( تركى) : 10 جنية
16:دواية اللمبة العالى والواطى (خامه خزف) علشان متسحش من الحرارة : 2.5 جنية
17:جوز فوانيس اكصدام تركى : 25 جنية
18: جوز فوانيس اشارات رفارف : 10 جنية

ب:الاستيراد

1:مارش : 170 جنية
2:دينموا : 150 جنية
3:دفيرة كهرباء كامله : 300 جنية
4:فانوس امامى : 30 جنية
5:امبيرات الطبلوه: 150 جنية
6: مروحة ردايتير : 70-100 جنية

4:قطع الغيار الخاصه بالصاج
أ:جديد

1:كالون شنطة تركى : 40 جنية
2:مكمل كالون الشنطة بيركب فى الكالون بتاع الشنطة : 10 جنية
3:اكصدامين جداد نوفى نيكل : 300 جنية
4:ظوافر الاكصدامات (الواحد) : 5 جنية
5:طقم دواير رفارف : 50 جنية
6: سبويلر خامه جيده: 95 جنية

ب: أستيراد

1:طابلوه كامل : 500 جنية
2:اكصدام خلفى فبر : 200 جنية
3:اكصدام امامى فبر: 200 جنية
4:سقف بدون قوايم : 1000 جنية
5:سقف بالقوايم : 1200 - 1300
6:نصف امامى: 3000 جنية
7: نصف سيارة امامى : 2000 جنية
8: كبوت : 500 - 600 جنية
4:9 ابواب : 1500 جنية
10:قطعية خلفى : 500 جنية

ملحوظة:اسعار قطع الغيار الاستيراد بتبقى حسب فصالك مع التاجر وحسب اسعار كل تاجر
والاسعار ديه اسعار تقريبيه وحسب حالة قطعة الغيار وتزيد او تقل عن السعر المكتوب بمعدل طفيف
منقول طبعا

المشاركة الأصلية كتبت بواسطة medo_mony

ممتاز ممتاز الصراحة وشكرا لتعبك و مجهودك يا باشا

لا شكر علي واجب يا ميدو عايزينك بقي تنضم لينا وتقول حكايات لوزة معاك

المشاركة الأصلية كتبت بواسطة italiano81

ايه الجمال ده
انا لسه جايب العربيه من شهر تقريبا موديل 1976 اعدت شهر ادور على عربيه سليمه بس ال 128 قليل لما تلاقيها سليمه المهم انا جبتها من معرض ودفعت 11000 ورخصت وجبت كاوتش زيرو وظبطت كل حلجه فى العفشه والكهرباء وفرش معظم الحاجات الى غيرتها كانت شغاله بس نص عمر قولت بلمره عشان مش كل شويه اغير حاجه العربيه كده اتكلفت كلها 15000 فاضل بس وش نضافه من بره ز
الى انا شايفه فيها انها
1- لو الطريق زحمه بحس ان العربيه تعبت منى واسمع اصوات فى الطلعه ولما ادوس فرامل
2-لما بمشى بيها شويه يجى 15 كيلو على الهادى بسمع صوت فى الكوتش الخلفى الميكانيكى قالى التيل بيطبع
3-لما بدوس دبرياج او بنزين وايدى على الفتيس بحس انه بيتحرك وقالولى كل 128 كده
4- استهلاك البنزين فى وسط البلد 7.3 ك / اللتر مش عارف ده طبيعى ولا لا
5- العربيه سحبها جميل اوى فى الاول والتانى والتالت بس الرابع فوق ال 70 بحس انها مكتومه

الف مبروك ياباشا علي العربية الجديدة وربنا يديك خيرها ويبعد عنك شرها واهلا بيك معانا في الصفحة ياباشا
بص ياسيدي غالبا لما تيجي تسمع صوت طقطقة ده بيكون في شروخ في الشاسيه او في حاجة في العفشة راجع عليها ومتقلقش كل 128 مبتخلاش من الشروخ اهم حاجة تروح لسمكري عشان يشوف الشروخ ويعالجها لو فيها متقلقش اعملها علي طول عشان متكبرش وتغرم جامد
ممكن يكون التيل فعلا وممكن تكون البلية بتاعت العجل نفسه حاول ترفع العجلة بكريك كدة ومسكها من فوق وعزها جوة وبرة كدة لو لقيتها بتلوق معاك يبقي بلية لو لقيتها ثابتة يبقي التيل
بالنسبة لاستهلاك البنزين كدة حلو اه
اما حكاية العربية مخنوقة فوق ال70 ممكن تكون طرمبة البنزين تكون مبترميش بنزين كافي عشان يتحرق او ممكن يكون البك نفسه بتاع الكربراتير ديق
واي خدمة انا معاك ياباشا

تمام الله ينور كده انا فهمت

المشاركة الأصلية كتبت بواسطة sam4ever2010

تمام الله ينور كده انا فهمت

وينور عليك ياسموح منور والله
اقولك بقي علي الحاجة اللي جبتها امبارح
جبت امبير حرارة خارجي بالسلك والحساس بتاعه حتة واحدة عشان اللي عندي لمبة وعلي طول منورة ومتفهمش العربية سخنة مولعة متعرفش حاجة منها جبته من التوفيقية ب 75 جنيه وديه صورة شبهه كدة


وجبت ولاعة كاملة عشان انا مكنش عندي ولاعة ب 10 جنيه
وجبت سلك سرعة ب 30 جنيه
واي حاجة هجيبها اقول عليها وياريت انتو كمان اي حاجة تجبوها تقولو بكام ومنين