كتير مننا بتبقى ال 128 اول عربيه يمتلكها فى حياته وبيبقى مش عارف ايه اول صيانه للعربيات المستعمله
دلوقت انت شارى العربيه لسه هتشترى الاتى من اى واحد بتاع قطع غيار فيات 128
1:سير كاتينه ايطالى اصلى = 50 - 60 جنية
2:سير دينموا كورى (لو خليت الراجل يجيبلك سير دينموا صينى هتلاقى الكورى اعرض وخامته افضل من الصينى بكتير ) =15 جنية
3:ابلاتين وكوندنسر صنع انجليزى علبته زرقاء = 25 جنية
4:طقم بوجيهات ngk هتلاقى مختوم عليها ختم مكتوب عليه استيراد (التوفيق) و هو المستورد الوحيد للبوجيهات الاصليه ديه
5:طقم سلوك بوجيهات فايبر مش نحاسى (الفايبر بيمنع ان لو عندك كاسيت متسمعش تكتكه فيه طول ما انت مشغل الموتور )
6:فلتر زيت : 15 جنية
7:فلتر هواء : 12 جنية
8:فلتر بنزين : 5 جنية
وبعدين تروح اى بنزينه تشترى من عندهم زيت موتور نصيحة متجبش من محلات تغيير الزيوت عشان معظمهم مضروب
وبعدين تروح عند ميكانيكى كويس يركبلك الحاجات ديه ويفضل بما انك جديد تخلى حد قريبك او صاحبك بيصلح عربيته على طول
عند حد تخليه يوصفلك الميكانيكى بتاعه وتبقى على طول اى صيانات تبقى معاه
كده يبقى احنا عملنا اغلب الصيانات اللى ممكن تتعمل فى الميكانيكا
بعدين بقى نروح عند كهربائى يكشفلك على كهربة العربيه لمبة مش شغالة يغيرهالك حاجه زرار بايظ يظبطهولك كدا يعنى
بعدين تروح عند عفشجى كويس يكشفلك على العفشة كلها ومش لازم تصلح كل البايظ فى ساعتها الا المساعدين تصلحهم
فى وقتها علشان لو مغيرتهمش فى وقتهم هيشرخولك شاسيه العربيه كلها وبعد كدا يبقى غير حاجه حاجه كل ما يبقى معاك فلوس
وبعدين تروح تظبط زوايا و تغير زيت فتيس وبعدين تغسل العربيه كامله ماتور و جوه وبره
ومبروك عليك العربية
المفضلات