طوبه كسرت زجاج الفانتازيا

**طارق _عبد السلام** · 15-06-2013 03:44 PM

السلام عليكم ورحمه الله وبركاته

الحمد لله على كل شىء قدر الله ماشاء فعل

وانا راجع من راس البر ومعى الاولاد وماشى فى أمان الله وامامى 2 ميكروباص بيحاربو بعض على المرور من بعض
وقبل كوبرى بيتعمل جديد قبل المنصوره وفجأه الميكروباص اللى قدامى عمال يحاول يخطى اللى قدامه يمين شمال وقام نازل على الترابه ولقيت زلط طاير على زى الرصاص ملحقتش اعمل حاجه

ولقيت رصاصه اقصد زلطه فى الزجاج الامامى طبعا ولادى اترعبوا من صوتها خبطت خبطه جامده جدا قدامى بالظبط عملت كام دايره ونقره بحجم كف اليد

وطبعا ورا بتاع الميكروباص الهمجى لحد ماوقفته انا عارف انه مش ذنبه بس علشان يرحم نفسه ويرحم اللى معاه من طريقه سواقته البشعه ورعب اولادى هو اللى جننى اكتر عليه
المهم آخر سعر لزجاج الفانتازيا الامامى كام

وهل ينفع امشى بالكسر ده عادى (مفيهوش مخالفه) هو لا يعيق الرؤيه بالنسبه لى لانى على سفر كل يومين تقريبا

والحمد لله على كل شىء

**طارق _عبد السلام** · 15-06-2013 04:15 PM

المشاركة الأصلية كتبت بواسطة mohammedaladel

طيب ما تشوف لو ينفع يتلحم بدل ما تغيره

ما اظنش موضوع اللحام ده له فائده اكثر من استخدموه قالوا لاقيمه له

اللى هيندفع فى اللحام يزيد شويه ونجيب الزجاج
اشكرك على الاهتمام
تقديرى

**hossam_elwani** · 15-06-2013 04:36 PM

لاحول ولا قوة الا بالله حاجه تزعل بجد

هو ياجماعه العوازل الى بتركب على الزجاج الجانبى المعالجه ضد السرقه والكسر بسهوله مش ممكن تركب على الزجاج الامامى من بره ؟؟

**wawamoha** · 15-06-2013 05:39 PM

باشا عندك ابو حلوه في طنطا ماشاء الله عليه
انا حصل نفس الكلام - بس و هيا واقفه - مع الزجاج الخلفي -بس اتكسر - و ركبته برضه
بس جبت الصيني - حتى الهيتر شغال الحمد لله
و غيرت الزجاج اللي جنبي عنده - و سعره عادل و ناس محترفين بجد
بس نصيحه طالما الزجاج ما اتكسرش يبى تغيره ليه ؟ لو ينفع تشوف بيه امشي بيه و خلاص
لان الزجاج القدماني بيكون تلات طبقات تريبلكس يعني - انما اللي ورا و الجنب كله زي بعضه

**MohammedAladel** · 15-06-2013 05:53 PM

شفت ناس لما بيبقى عندها كسر زى دا عشان ميسرحش فى باقى الزجاج بيحطوا عليه مادة شفافة كدا معرفش إيه هى

**inspiron** · 16-06-2013 12:40 AM

طارق بيه أنا آسف علي التأخير في الرد..أولاً أهم شئ سلامتك والأولاد الحمد لله.ونصيحة لوجه الله بلاش تعمل أي مشكلة مع الطبقة دي من الناس خصوصاً ومعاك الأولاد.

ثانياً..سعر الزجاج حوالي 1300 جنيه في التوكيل..وإوعي تركب حاجة غير الأصلي لأن المرايه عمرها ما هتلزق عليه..لأن الزجاج الأصلي بيجي معاه القاعدة بتاعة المرايه built in في الزجاج

**Moratoz** · 16-06-2013 12:52 AM

طارق بك الف سلامه علي حضرتك وعلي العربيه بقدر الإمكان غير الزجاج في التوكيل حتي لو غالي علشان أحيان كتير الصنايعيه وهما بيغيروا الزجاج بيبوظوا كاوتش الزجاج وبيبقس شكل الزجاج يقرف وتلاقي هواء داخل وتراب منه اتعب شويه وخليه لما تروح للتوكيل تغيرة واحنا عندنا مراكز اسمها دكتور خالد بعالج نقر الزجاج اما لو مجبي بدرة معاك من جوه يعني متخرمش ممكن تروح لحد بتاع زجاج ويشوف لو فيه شروخ او حاجه ويحدد حوالين الشرخ علشان ما يسرحش
تحياتي والف سلامه

-

-

-

الموضوع: طوبه كسرت زجاج الفانتازيا

LinkBack

أدوات الموضوع

عرض

طوبه كسرت زجاج الفانتازيا - انشر الموضوع فى :

-

-

المواضيع المتشابهه

زجاج الفانتازيا بيهرتل

زجاج الفانتازيا بيهرتل

طوبه نقرت الزجاج ونقرت معاها قلبى

سعر زجاج مراية الفانتازيا - تهريج بجد

طوبه.....

الكلمات الدلالية لهذا الموضوع

المفضلات

المفضلات

ضوابط المشاركة