طوبه نقرت الزجاج ونقرت معاها قلبى

**Eng_hatemfathy** · 08-01-2012 10:14 PM

ماشى على الدائرى كالعاده وكالعاده برده مليان تريلات واذا فجأة الاقى كام طوبه بيتنططوا قدامى وجايين جرى عليا طبعا عينى عليهم وقلبى هينط من مكانه لحد ما دب واخ با قلبى ولقيت واحده منهم دب فى الزجاج وطبعا روحت لقيتها عملت نقره صغبره -حسبى الله ونعم الوكيل فى التريلات وعربيات النقل المصره على عدم تغطية الحموله
ربنا ينتقم منهم بسبب المصايب اللى بيعمولها لانى من كام يوم برده واحده منهم تحت نفق كارفور وماشى زى المجنون وعمال يوقع حجاره زى الصواريخ على اللى وراه
مش عارف امتى الشعب المتخلف ده هيخاف ربنا ويخاف على الارواح اللى حواليه

**mohammedabdallh** · 08-01-2012 11:05 PM

عندى برده فى الزجاج نقرق حلوه بسبب تريلا كانت محملة ظلط
ده العادى فى مصر

**IronHead** · 09-01-2012 09:24 AM

معلش يا حاتم بيه, حتى الرادارات اللى على الدائرى مش محوقه مع العالم الزباله دى, الحمد لله انها جت على قد كده,
زى ما الاخ باسم اقترح عليك وعلى د. خالد عشان لو فيه شرخ صغير بسبب النقرة ميسرحش, ومتهيقلى بيدولك ضمان كام سنه على الحقن

**nonnos5** · 09-01-2012 09:54 AM

انا لسه مغير الزجاج الامامى من كام شهر ولسه الاسبوع اللى فات خدت طوبتين من عربية نقل وبصراحة حاجة تزعل جدا بس الحمد لله قدر الله وماشاء فعل

**ahmedsaiad** · 09-01-2012 05:10 PM

ياباشا روح عند الدكتور خالد بيحقن فيها ماده وبتختفى تماما ولوظهرت محدش هياخد باله منها والدكتور خالد بيدى ضمان مدى الحياه

**kholio** · 09-01-2012 05:15 PM

للاسف الحقن مبيعملش اي حاجة لاني حصلى نفس المشكلة بالظبط والنقرة دي مع الوقت اتحولت لشرخ في البربريز لكن لغاية دلوقتي الزجاج واقف والشرح ده وقف عند حد معين
انا هستناه لغاية لما يجيب اخره وبعدين هغيره انشاء الله

**markato** · 09-01-2012 05:21 PM

علشان كل اللى بيحب الثورات وبيثور على حكومتة كان يقدر كلب من بتوع التريلات يمشى من غير تغطية الحمولة ايام العادلى

**bassem_sams** · 09-01-2012 06:34 PM

فيه دلوقتي معالجة بالليزر ومبتكلفكش كتير وبيرجع زي الاول وتريح دماغك وجيبك من الدفع لكنى لم اجربه بس ليا زميلى كان عنده نقرة فى زجاج عملها بالحقن من 6 شهور و لغايه دلوقتى مفيش حاجه و لو حبت تغيرة عندك مصنع جريش لزجاج اسعارة كويسه جدا فى حدود 300 او 400 وممكن اقل او اكتر و عمال عندهم شاطرين