الموضوع: Peugeot 301 Vs Renault Fluence

حضرتك بتقارن عربيتين من فئتين مختلفتين.......البيجو ٣٠١ عربية إقتصادية من نفس فئة السيتروين سى إليزيه و اللوجان نيسان صنى و خلافه.....الفلوانس كتقفيل و خامات و سيارة تقارن مع الفانتازيا، الفورد فوكاس، أوبل أسترا ، الجيتا، و هكذا....

المقارنة محسومة طبعا........

فلوينس طــــــــــــــبعا

المشاركة الأصلية كتبت بواسطة Haitham G

طب يا جماعة عشان انا كنت فى نفس الحيرة اللى الراجل ده فيها كنت بقارن بين البيجو 301 هاى لاين و الفلوانس اول فئة اوتوماتيك 155000 وكل الناس قالولى البيجو احسن وابعد عن الرينو مشاكلها كتير و انا العربية عجبانى بس الناس بتخوفنى منها وانا مجرب البيجو وضامن العربية فشكلها كده حتبقى 301

يا فندم حضرتك بتتكلم على عربيتين فرنساوى....مش ياباني و فرنساوى علشان نقول الرينو مشاكلها كتير.....كل ده ناس بتفتى و خلاص.....بالعكس الفلوانس بقالها ٣ سنين فى السوق دون أى مشاكل على الإطلاق على عكس ال٣٠١ لسه نازله و منعرفش عنها حاجة

العربيات الاقتصادية زى ال٣٠١ بتستخدم مواتير و جير بوكس بتكنولوجيا قديمة و دى مهمة جداً فى المقارنة

بغض النظر عن الكماليات الداخلية فى كل فئة ....حضرتك بتقارن عربية اقتصادية التقفيل مربوطة بسعر معين لا تتعداه ....يعنى مفيش عزل جيد، خامات غير جيدة، توفير فى كل شىء، تصميم داخلى رخيص.....

شتان الفرق بين ٤ زجاج كهرباء وان تاتش مع نظام anti pinch و وحدات رفع. و نظام أمان أطفال للزجاج الخلفي و تحكم كامل جنب السواق و خاص لكل راكب على حده ......و ما بين اربع زجاج كهرباء عادى مع تحكم فى الأربعة من الكنسول الأوسط لتوفير النفقات..


نظام صوتي وشاشة تحكم مختلف تماماً ثلاثى الأبعاد من تصميم Arkamys مع ٨ سماعات ....و ما بين النظام الصوتي فى ال٣٠١

طبعا لو مشينا نقطة نقطة فى المقارنة هنعرف فرق السعر جي منين

على فكرة انا لا أعيب فى ال٣٠١ و لكن يجب أن تقارن فى نفس فءتها

حضرتك اسأل نفسك سؤال .....إذا كانوا الاتنين شركات فرنسية بل بالعكس البيجو متقفلة فى أسبانيا و الفلوانس فى تركيا يعنى كمان تقفيل البيجو فى بلد أغلى و مع ذلك يوجد فرق سعر كبييييييييير ما بين الاتنين لو بتقارن نفس الفئة....

يا ترى ليه..........جاوب على هذا السؤال و هتعرف أن الفرق كبير و المقارنة ظالمة