الموضوع: موتور فيلشيا 97

المشاركة الأصلية كتبت بواسطة menaraafat85

ياجماعة أنا دلوقتى قدامى فيلشا 97 حالتها حلوة قوى
كل مشكلتها إن موتورها خفيف شوية
الميكانيكى قالى بدل ماتصرف عليه هاتلك موتور تانى
ايه رأيكم أصلحه ولا أجيب استيراد ولا أعمل ايييييييييييييه؟؟؟؟؟؟
ولو هاجيب واحد تانى أجيبه منيييييين وبكااااااااااام؟؟
أنا محتار العربية سليمة من كل حاجة بس ياخسارة الحلو مايكملش

انت كويس ان الراجل طلع امين معاك وقاللك ان الموتور خفيف وهقولك على الحلول كلها وليك مطلق الحرية :
اولا : هتفتح الموتور اللى فيها وهتعمل عمرة فى حالة واحدة عندك البلوكة مش مفيهاش تنقير ووش السلندر لافيه تنقير ولا تقفيع ولا مقشوط قبل كده لقيت ده سليم يبقى هتجيب جوانات وشمايز وطقم شمبر والميكانيكى لو شاف حاجة تانية محتاجة تتغير غيرها وميزة موتور الفليشيا مش بيحتاج يروح لخراط يعنى هتشترى الحاجة وفك وركب وقفل ولين وامشى بعد كده على بركة الله

ثانيا : هتجيب موتور استيراد 1300 من غير ادوات التغذية لو عندك ادوات التغذية كويسة اللى هيه ايه اللى هيه الكربراتير والاسبراتير والموبينة والدينامو وهتاخد الموتور من عند التاجر على التجربة فى خلال اسبوع وانت وحظك لو ظهر فيه حاجة بتبدله

رايى الشخصى فى الحل الاولانى بشرط ان تكون البلوكة زى ماقلتلك مكنش يبقى هتجيب موتور استيراد وربنا معاك

مبروك عليك فليشتك وحضرتك نورت القسم....

اماىعن المشكلة انا رئي تمشى بيها الى ان الموتور يجيب آخرة ويعد كدا سقط موتور جديد وليك الخيارات اما تسقط موتور 1600cc بالفتيس بتاعة واما تسقط موتور 1300cc مع انى ارجح الموتور الثانى لوفرة قطع غيارة ....

المشاركة الأصلية كتبت بواسطة menaraafat85

[overline]
ألف شكر على اهتمامك وردك ياباشا
هو فعلا الراجل معرفة وأمين معايا فى النقطة دى
واللى قالى موضوع تغيير الموتور هو الميكانيكى
لأن على كلامه إن اللى هايتصرف على الموتور مش هايخليه 100%
عشان كدة حبيت أسأل إذا كنت أسمع كلامه ولا أصلح أفضل
وياريت لو تعرف سعر الموتور كام
شكرا مرة تانية على تعبك
[/overline]

انا من وجهة نظرى خلى الموتور ده لغاية مايجيب الاخر بتاعه وزى ماقلتلك من الافضل انك لما يجيب اخره تعمل له عمرة بتغيير الحاجات اللى قلتلك عليها والاهم من ده كله يكون ميكانيكى بيفهم ومفيش حاجة اسمها 100 % بس فى حاجة اسمها العقل انى لما افتح الموتور والميكانيكى فاهم ايه اللى محتاج تغيير ويغيره ويقفل ويلين صح يبقى انت اكنك جبت موتور جديد وبالنسبة للاسعار مش عارف دلوقتى الاسعار كام بس ممكن تنزل عزبة شلبى او الوكالة وتاخد فكرة

المشاركة الأصلية كتبت بواسطة menaraafat85

الأستاذ صبحى بنفسه يتواضع و يرد على موضوعى!!!!!!!!!!
يا باشا شكرا على اهتمامك وردك
أنا متابع مواضيعك وشغلك على المنتدى وخاصة سلسلة علم نفسك بصراحة مجهود رائع فعلا ربنا يعوضك عنه
أما عن المشكلة فأنا كل اللى قالقنى إن دى أول عربية أركبها واللى اتقالى إن الموتور خفيف شوية بس ممكن يتمشى عليه وطبعا خايف أقرص على الموتور من غير قصد أو من غير فهم ........لكن الميكانيكى قالى إن حتى لما تعمله نص عمرة قدام شوية هتحتاج تجيب موتور تانى وعلى كلامه إن ده يتكلف فى حدود 3500
شكرا مرة تانية

موتور 3500 ده لو انت هتجيبه بفتيسه انما زى ماقلتلك والقرار فى الاول والاخر ليك