تيوتاوي جديد 2008

**Samooh_2003** · 11-07-2013 03:01 AM

السلام عليكم جميعا كل سنة وانتم طيبين وبخير يارب واجعله شهر خير علينا وعلى مصر انشالله...

لسة جايب كورولا 2008 الاستفسارات :-

1- اثناء تحويل الملكية مكتوب انها استيراد فانواع الاستيراد ايه بالنسبة للكورولا واعرف انها استيراد من اي منطقة ازاي.

2-العربية في الخط نقلاتها حلوة بس في الطلعة بحسها بطيئة وبحس ان امبير الموتور بيزيد اكثر من السرعة يعني ممكن يوصل 3 ار بي ام ولسة العربية بطيئة بتتتجمع ببطئ في الطلعة سواء اوتوماتيك او استربترونيك ده ممكن اسبابه ايه لو ماكنش طبيعي لاني ماعتقدش انها طبيعي السراحة.

3-هل التكيف قوي ولا نص نص لاني احس اني تكيف ضعيف شوية في التبريد ( من قبلها لانسر واوبترا ).

4-الفرامل بحسها ضعيفة شوية هل طبيعي ولا ده ممكن عيب تيل بس ؟

5-فروع التوكيل ين في القاهرة وايهم افضل فرع توكيل في الصيانة واقرب فرع للمعادي وكمان صيانتها كل كام كم؟ وانا على 125 الف كم ايه المفروض يتبدل وياريت لو فيه جدول للصيانات الدورية بكل القطع اللي المفروض تتبدل فيها.

اسف للاطالة وارجوا الافادة من الجميع.

**hossamsmsm** · 11-07-2013 03:16 AM

الف الف مبروك ياباشا ربنا يديلك خيرها ويكفيك شرها ان شاء الله
معلش انا كان ليا استفسار بسيط ..
انا شايف ان حضرتك كان معاك بومه ياريت تقولى اسباب التغيير للكرولا ؟
وايه اللى حسيته فى الكورولا احسن من البومه ؟
انا كمان معايا بومه وبرضه عاوز اغير لتويوتا جنوب افريقى 2010 ان شاء الله علشان ابعد عن مشكله الفتيس ال mmt اللى فى موديلات 2008 و 2009
وياريت تقولى برضه اشتريت بكام ؟ والحاله ايه ؟ وخليجى ولا يابانى ولا جنوب افريقى ؟

**Samooh_2003** · 11-07-2013 03:23 AM

بص انا صريح معاك انا معايا بومة 2010 سوبر اكشن وقبلها كانت بومة 2007 فيها عيوب طبعا ممكن زي تقلها مع التكيف العزل 7 على 10 بس انا بعشق البومة 190 200 وغرز والحمدلله تحفة ومعايا باجيرو 2009 بس ده برة مصر طبعا البومة في مصر ومن عشاق ميتسوبيشي ووالدي اللي جايب الكورولا عشان تبقى عاربية تانية والبومة موجودة طبعا ولو بعتها هاجيب شارك او اوكتافيا بالنسبة للكورولا لسة بجربها بس مش عارف هي منين وياباني ولا افريقي وهل المشكلة اللي قلت عليها ده هي بتاعت عيب فتيس 2008 و 2009 زي مالناس بتقول ؟ وهل بتكون في الطلعة بس ؟ وانشالله مستني الردود وتفدني وتفيدك

**Samooh_2003** · 17-07-2013 01:12 AM

مفيش ردود خالص ولا ايه ؟

**hossamsmsm** · 22-07-2013 05:39 PM

المشاركة الأصلية كتبت بواسطة samooh_2003

بص انا صريح معاك انا معايا بومة 2010 سوبر اكشن وقبلها كانت بومة 2007 فيها عيوب طبعا ممكن زي تقلها مع التكيف العزل 7 على 10 بس انا بعشق البومة 190 200 وغرز والحمدلله تحفة ومعايا باجيرو 2009 بس ده برة مصر طبعا البومة في مصر ومن عشاق ميتسوبيشي ووالدي اللي جايب الكورولا عشان تبقى عاربية تانية والبومة موجودة طبعا ولو بعتها هاجيب شارك او اوكتافيا بالنسبة للكورولا لسة بجربها بس مش عارف هي منين وياباني ولا افريقي وهل المشكلة اللي قلت عليها ده هي بتاعت عيب فتيس 2008 و 2009 زي مالناس بتقول ؟ وهل بتكون في الطلعة بس ؟ وانشالله مستني الردود وتفدني وتفيدك

معلش ياباشا والله مأخدتش بالى من ردك غير النهارده
انا اللى اعرفه عن 2008 و 2009 الجنوب افريقى ان الفتيس بتاعها ال mmt وهو ده سبب المشاكل كلها
وعلشان كده الفتيس ده اتغير فى 2010 وحطوا فى العربيه الجنوب افريقى فتيس العربيه اليابانى اللى مفيهوش مشاكل
هو ده كل اللى اعرفه ... فياريت لو حضرتك جربت العربيه تقولى اخبارها ايه معاك علشان انا دلوقتى متردد ما بينها وما بين الكروز

**bebo_bebo61** · 23-07-2013 12:32 AM

السلام عليكم
انا هاقول لحضرتك على اللى اعرفه والدى كان معاه كورولا mmt 2009 وعملنا بيها حوالى 37000 كم وبعد كده عملت حادثه بعد الشر علينا كلنا ودلوئتى معانا 2010 اتوماتيك عادى ....
بالنسبه لموضوع السحب عند حضرتك طول ما انت على حرف E العربيه هتغير على 2.5 او 3 RPM بس لو طولت دوستك شويه عليها هاتتاخر شويه وعادى لو وصلت معاك 5 او 6 كمان بس الوضع E مصمم لتوفير الوقود ولكن لو حضرتك عاوز تسحب وتشد بدون تعب عادى بردوا ومش بيأثر على العربيه على فكره اثناء ما الفتيس على حرف E عندك زرار قدام الفتيس على طول مكتوب عليه Es دوس عليه مره واحده وهتلاحظ قدامك على العداد اتكتب حرف s صغير جنب حرف E وطالما عربيه حضرتك فتيسها mmt تبقى تقفيل جنوب افريقيا واى استفسار تانى انا فى الخدمه

**hossamsmsm** · 23-07-2013 02:35 AM

المشاركة الأصلية كتبت بواسطة bebo_bebo61

السلام عليكم
انا هاقول لحضرتك على اللى اعرفه والدى كان معاه كورولا mmt 2009 وعملنا بيها حوالى 37000 كم وبعد كده عملت حادثه بعد الشر علينا كلنا ودلوئتى معانا 2010 اتوماتيك عادى ....
بالنسبه لموضوع السحب عند حضرتك طول ما انت على حرف e العربيه هتغير على 2.5 او 3 rpm بس لو طولت دوستك شويه عليها هاتتاخر شويه وعادى لو وصلت معاك 5 او 6 كمان بس الوضع e مصمم لتوفير الوقود ولكن لو حضرتك عاوز تسحب وتشد بدون تعب عادى بردوا ومش بيأثر على العربيه على فكره اثناء ما الفتيس على حرف e عندك زرار قدام الفتيس على طول مكتوب عليه es دوس عليه مره واحده وهتلاحظ قدامك على العداد اتكتب حرف s صغير جنب حرف e وطالما عربيه حضرتك فتيسها mmt تبقى تقفيل جنوب افريقيا واى استفسار تانى انا فى الخدمه

اولا الف شكرا لاهتمامك بالرد
بس معلش انا اسف ياباشا انا مفهمتش حاجه خالص
يعنى دلوقتى معاك 2010 جنوب افريقى برضه بس بفتيس عادى ؟؟ ولا معاك 2010 يابانى ؟؟
وايه حرف ال e اللى انت بتقول عليه ده ؟؟
وايه زرار ال es بيبقى موجود فين وفايدته ايه ؟

**bebo_bebo61** · 23-07-2013 06:59 AM

المشاركة الأصلية كتبت بواسطة hossamsmsm

اولا الف شكرا لاهتمامك بالرد
بس معلش انا اسف ياباشا انا مفهمتش حاجه خالص
يعنى دلوقتى معاك 2010 جنوب افريقى برضه بس بفتيس عادى ؟؟ ولا معاك 2010 يابانى ؟؟
وايه حرف ال e اللى انت بتقول عليه ده ؟؟
وايه زرار ال es بيبقى موجود فين وفايدته ايه ؟

السلام عليكم
ولا يهمك يا باشا انا عارف انى لخبطك هحاول ابسط كلامى شويه ....
اه اللى معنا دلوقتى 2010 جنوب افريقي بس فتيس اتوماتيك عادى لان اساسا الفتيس mmt ما نزلش غير فى مودلين 2008 و 2009 بس
وبالنسبه لحرف E وزرار Es موجودين فى الفتيس mmt (فى بعض الناس بتقول عليه ستبترونيك ) والزرار Es اختصار لكلمه Easy sport ومعناه انك بتخلى الفتيس على وضع القياده الرياضيه السهله او البسيطه
....حضرتك الفتيس بتاعك نوعه ايه بالظبط؟؟؟؟

**hossamsmsm** · 23-07-2013 01:59 PM

المشاركة الأصلية كتبت بواسطة bebo_bebo61

السلام عليكم
ولا يهمك يا باشا انا عارف انى لخبطك هحاول ابسط كلامى شويه ....
اه اللى معنا دلوقتى 2010 جنوب افريقي بس فتيس اتوماتيك عادى لان اساسا الفتيس mmt ما نزلش غير فى مودلين 2008 و 2009 بس
وبالنسبه لحرف e وزرار es موجودين فى الفتيس mmt (فى بعض الناس بتقول عليه ستبترونيك ) والزرار es اختصار لكلمه easy sport ومعناه انك بتخلى الفتيس على وضع القياده الرياضيه السهله او البسيطه
....حضرتك الفتيس بتاعك نوعه ايه بالظبط؟؟؟؟

لا حضرتك انا مش معايا العربيه اصلا ده انا لسه هشتريها
وعلشان كده بتناقش مع الشباب هنا علشان الواحد يبقى جايب العربيه فاهم فيها كل حاجه
بس كده تمام المعلومه وصلت وزى الفل بس لو انا بقى ضغط على ال es هيخلى العربيه تشد اكتر وتسحب بنزين اكتر ؟
ولا تشد اكتر وتسحب نفس كميه البنزين ؟

**bebo_bebo61** · 23-07-2013 04:19 PM

المشاركة الأصلية كتبت بواسطة hossamsmsm

لا حضرتك انا مش معايا العربيه اصلا ده انا لسه هشتريها
وعلشان كده بتناقش مع الشباب هنا علشان الواحد يبقى جايب العربيه فاهم فيها كل حاجه
بس كده تمام المعلومه وصلت وزى الفل بس لو انا بقى ضغط على ال es هيخلى العربيه تشد اكتر وتسحب بنزين اكتر ؟
ولا تشد اكتر وتسحب نفس كميه البنزين ؟

السلام عليكم
حضرتك كاتب فى بدايه الموضوع (انا جايب كورولا 2008 ...)
بس مفيش اى مشاكل طالما حضرتك لسه مااشترتش والنقاش مفتوح ... بعد اذن حضرتك اشمعنى يعنى عاوز 2008 بالذات ممكن حضرتك تزود حبتين فى الفلوس وتشوف حاجه كده 2010 بس هاتدور وتتعب شويه على ما تلاقى واحده هاى لاين نضيفه ..... حضرتك لما تبحث لازم يكون فى دماغك كام حاجه وما تتنازلش عنها خالص ( ده من وجهة نظرى ) ان العربيه ما تكونش ماشيه كتير جدا او حالتها وحشه او صاحبها مش مهتم بيها وباين عليها انها متهانه اوى واهم اهم شرط تكشف على العربيه فى التوكيل كشف شااااامل ولو صاحب العربيه رفض سيبه على طول كده يبقى مش واثق من عربيته
وبالنسبه لزرار Es بيخلى العربيه تشد زى ما انت عاوز ده ممكن كمان ال RPM يوصل لحد 6 من غير ما تحس بس اكيد طبعا بتستهلك بنزين اكتر وانصك خليك فى 2010 فيها كل الكماليات وكمان فتيسها اتوماتيك عادى بعيد عن الوش والحوارات بتاعه mmt